ភក្តីស្នេហ៍🌘(✅)

"ស្រឡាញ់អូន~"

ភក្តីស្នេហ៍​🌘
ភាគទី៣៦

    និយាយត្រូវរូវគ្នាណាស់ សើចឡើងព្រមគ្នា​ដូចជាត្រូវគ្នាខុសរាល់ដង ស្របពេលដែល​ជុងហ្គុកក៏អូសដៃរាងតូចទៅរកឡានដែល​មានណាមឆុលជាអ្នក​ចាំបើកជូនដំណើរ​អ្នកទាំងពីរទៅលេងសមុទ្រដែលវាគឺចំណាយពេលតែពីរម៉ោងប៉ុណ្ណោះពីភូមិគ្រឹះទៅរកតំបន់សមុទ្រ ព្រោះមានផ្លូវល្បឿនលឿន ដែលអាច​សុត​ទៅលឿនបានតាមដែលអាចធ្វើបាន។​

    មកដល់លើរថយន្តសព្វគ្រប់ហើយ ទើបណាមឆុលបញ្ឆេះរថយន្តបើកចេញទៅ ស្របពេលដែលកង់រថយន្តកំពុងរំកិលទៅសន្សឹមៗ បើកឆ្ពោះទៅរកគោលដៅ​ដែលត្រូវ​ចេញដំណើរទៅ​នៅថ្ងៃនេះ។​

   នៅក្នុងឡាន​ហាក់ដូចជាស្ងាត់ព្រោះគ្មានសូម្បីតែសម្លេងនៃការសន្ទនា ខណៈដែលអ្នកបើកឡានកំពុងតែផ្តោតលើការបើកបរ ចំណែកឯជីមីនក៏កំពុងតែ​ឈ្លក់វង្វេងគយគន់នឹងទេសភាពតាមដងផ្លូវ​ដោយ​មិននិយាយអ្វីទាំងអស់ ព្រោះតែចិត្តរំភើប ដែលគេ​ហ៊ាននិយាយថាគេមិនដែលឃើញផ្លូវកំពុង​ធ្វើដំណើរបែបនេះពីមុនមកឡើយ ក្រៅ​ពី​ចូល​ស្ទីតឌីយ៉ូ​ហាត់រាំហើយទទួល​រាំនៅតាមកម្មវិធី បើមាន​លុយទៅដើរលេង​ឆ្ងាយនោះគឺគ្មាននោះទេ ព្រោះជីវភាព​រស់នៅមនុស្សច្រើននាក់ពិតជាខ្វះខាតណាស់។​

    រាងតូចលើកដៃមកអង្អែលលើពោះខ្លួនឯងថ្នមៗ ស្របពេលដែលភ្នែកកំពុងសម្លឹងទៅខាងក្រៅឥតព្រិច ដែល​សកម្មភាពនេះ ជីមីនមិនបានដឹងឡើយ​ថាកំពុងទាក់ទាញចំណាប់អារម្មណ៍ឲ្យអ្នកនៅក្បែរខ្លួនគេ​ងឿងឆ្ងល់និងបារម្ភឡើងភ្លាមៗ

    «កើតអី? កូនធ្វើទុក្ខមែនទេ?​» រាងក្រាស់ដាក់សំណួរសួរ ខណៈដែលដៃម្ខាងរបស់គេកំពុងលើកដៃទៅដាក់លើដៃរបស់រាងតូច​ដែលកំពុងអង្អែលពោះខ្លួនឯងថ្នមៗនោះ

   «មិនមានធ្វើទុក្ខអ្វីទេ តែខ្ញុំមានអារម្មណ៍ថាពោះខ្ញុំឡើងធំជាងម្សិលមិញ អ្នកប្រុសគិតបែបនេះទេ?​»

   «អឹម មែនហើយ»

   «ស្ទើតែមិនជឿ ថាខ្ញុំពិតជាមានកូនបានពិតមែន» លើកនេះទើបគេ​អាចមានការជឿជាក់ខ្ពស់ ថាខ្លួន​ពិតជាអាចពរពោះបានពិតមែន ទាំងដែលម្សិលមិញគេនៅតែមិនជឿចិត្តខ្លួនឯងនៅឡើយ តែភស្តុតាងមានជាក់ស្តែង​ថា​មនុស្សប្រុសជាអូមេហ្កាអាចមានកូន តែរឿងនេះមួយគេសឹងតែមិនជឿតែម្តង ទាល់តែបានប៉ះចំខ្លួនឯងអញ្ចឹង ទើបគេជឿថាពិតជាមានមែន។​