والاحلى منة اجه بس گلبي چان السبب مايقنع بغيره
يا كلبي كافي بعد ميحبني خنعوفه
خوفه تضل بطفل من ينچوي يبتعد
چا انت من تنچوي ماتصيرلك خوفه ؟
في بيتٍ آخر ....
رهف ؛ هلو اني اسمي رهف
عمري ١٧ سَنة أخت جنات وعندي بعد اخت اصغر مني طالبه مرحله خامس عدادي
حياتي نوعاً ما نفس الروتين يوميه دراسه نوم اكل ،
بس لي تغير بعد عرس جنات صار كل الشغل عليه يعني حرفياا بوجوده ما جنت مهتمه لشي
واليوم هو عرسه صارت عندي كئابه يعني راح تعوفني وتروح شكد علاقتنه مو قويه ودائماً بينا مشاكل بس كل ما جاي اكبر جاي افهم الاخت سند ووجودها بحياتي شي كبير وحلو ، وجودها نعمة
اسمعها تحضر اغراضها تروح للصالون تمنيت اروح وياها بس شي اكيد امي ما راح تقبل لازم اضل يمها واساعدها ..
البيت هدوء ولأن حضر تجوال محد اجه غير نسوان عمامي غطيت راسي بالبطانيه وضليت ابچي صح نتعارك بس احبها ما اريدها تروح ما كمت من الفراش على ما كعدتني امي كالت راحت جنات للصالون كمت ارتب واجهز وي امي والقهرني ما قبلوا اروح بالزفه لان كرار ما تريد تاخذه امي وياها ولازم اضل يمه جابوها من الصالون واكفه بعيد اباوعلها وعيوني تصب دموع ..
اخذت التلفون وصورتها والهدوء الي ما توقعته اصلاً
تخيلت راح اصير هوسه بس صار العكس كل شخص كاعد بمكانة وساكت الى ان اجت الزفه وطلعوا ..
بقيت اني واخواني بالبيت وابوي وخلصته بچي
صبيتلهم عشه ومحد اشتهى ياكل
من جانت موجوده الكل يتعارك وياها ومشاكل وهسه من راحت كله ضايجه عليها وابوي موضوع ثاني ،
كل ما نكعد سوه يتذكرها ومرات ينسى ويصيحلها ..
صار جو البيت كئيب .
صار علية ضغط هُواي
چانت هي متحملة مسؤولية كلشي
وهسه من راحت صار لازم اني الأتحمل واتعب ..
احمد : شنو جنات راح يصيرلنه اسبوع شنو من زواج هذا منو يصدك عريس ما شايف منج شي لحد لان من يوم العرس ؟
جنات : مو بيدي .
أحمد ؛ بيد منو لعد شنو تخافين ؟
جنات : مو قصة خوف بس شلون اكولك
أحمد : احجي شنو لعد؟
جنات : مو نضيفه .
احمد : ليش ما گلتيلي لعد ساكته ألمن .
جنان : استحي .
أحمد : زوجج اني يابه منين تستحين المفروض تكوليلي كل ضني تتهربين مني .
جنات : مادري
عفته ودرت وجهي ونمت كعدت ثاني يوم وعمتي كالت راح يجون بيت عمه يتباركون النه
YOU ARE READING
أسُود وَ أبيض .
Romanceچنت أظنك لون واحد ياقزح . لاشيء دائم كل شيء سَيزول مع الايام ، الالم ، الكراهية ، الحزن ، حتى الحُب الغير صَادق ، سترى الكثير من الحقائق ، في شخصاً كُنت تظنةً مكشوف سترى الغموض بأم عينة ، حين تراه . شخصٌ غامض ، وفتاة تُجبر على الزواج ... هل ستكو...
