شكُثر كسَرات
واصعَب كَسرة
چانت كسرة الخاطِر
شكُثر لچمَات ونگول الفَرح باجر
ياروحي شبعد باجر !
--------------------------------------------------------------
الطريق كلة أبچي ومهضمومة منهم ، معقول هيچ أهلي يسوون بية ، حقدت عليهم بوكتها وگلت للموت ما أرجع ..
حاول خالي يسولف وياي واني بس ابچي سحبت ردان ملابسي اراوي ايديه شلون لونهن ازرك وأبچي ،
كل جسمي صار عباره عن قطعه زرگــة وأثر الصونده ..
وهو يگلي
: ميخالف خالي تهون .
وصلنه لبيت جدي ، خالي عايش ببيت جدي وبيبيتي ،
من شافو حالتي أنهبطوا وسئلوني شكو بس خالي حچة
: لا تسالون شي يابه تعبانه خلوها ترتاح وصبولها اكل خاف جوعانة .
رحت شمرت روحي بحضن بيبيتي وبچيت وهيه تمسد على راسي بكل حنيه..
: عزيزتي انتِ بس لا تبچين منو هيچ مأذيچ ؟
واني زدت بالبچي رفعتلها ملابسي اراويها جسمي شافته وشهگت وصدفه مرت خالي عابره هم شافت
لطمت على صدرها گالت
: عززه هاي منو مسوي هيچ بيچ
مسحت دموعي ماأريد أبين ضعيفه ، گتلها ببرود
جَنات : أهلي رفعت راسي ..
بشاير : عززه يمه وليش هيچ مسوين بيچ جسمچ كله ازرك .
جنات : تعاركت ويه اختي
بشاير : يمه وچا هيچ يضربوچ هاي مال الضربة وحده لاگين وياها صاحبها ...
هزيت بـأيدي وسكتت ،
حقچ ما تصدگين إذا اني بنفسي ما مصدگه ،
اجت بنت خالي ومرت ابن خالي اليصير اخوي بالرضاعه وحيل يحبني ويعتبرني مثل اخواته دوم يگول انتِ اعز منهن اصلاً ..
گعدن وما حچن شي ضليت ساكته وراسي بحضن بيبي وهنَ محتارات شنو يحچت وخالي سمعته ينبه بيهم محد يضوجني لو يسألني شي ..
اجه ابن خالي ومن شافني فرح ،
لككككك هلا هاااي منوو منور البيت اليوم
سلمت عليه ، وما بين أنو انتبهلي رغم فهمت يدري وخالي مسولفله بس هو ما راد يبين يعرف ولا سألني ،
محد حچة وياي شي بس من اجه هو سحبني من ايدي من حضن بيبتي وگعدني
منتضر : كومي كومي هذا مكاني مو صايره لوتيه بعدين تعاي شنو جايه تنامين انتِ
ضحكت على سوالفه
منتضر : اي هسه بينت الشمس .
زوجته گاعده حسيتها تغار ..
YOU ARE READING
أسُود وَ أبيض .
Romanceچنت أظنك لون واحد ياقزح . لاشيء دائم كل شيء سَيزول مع الايام ، الالم ، الكراهية ، الحزن ، حتى الحُب الغير صَادق ، سترى الكثير من الحقائق ، في شخصاً كُنت تظنةً مكشوف سترى الغموض بأم عينة ، حين تراه . شخصٌ غامض ، وفتاة تُجبر على الزواج ... هل ستكو...
