أسُود وَ أبيض .

part 14

يَجي يوم و أجي ببالك
و أذَكرك بِيه بالگوة
و تحَن و ترِيد تعود
يَم أيامنا الحِلوة
بَلا شفادك فرَاگي ؟
شفت ؟
تَرة بدوني فِلس ما تسوة !
--------------------------------------------------------------

طبعاً قلقت يعني ما مجبور وحدنه هنا ، اكيد اخاف
حتلو خطيبي بس شنو اعرف عنه شمدريني شنو نيته ..

خفت على رهف وهم حسيت لو سامعه كلام اهلي احسن إلي لا يصير شي ،
باوعتله وابتسمت خلي نرجع تعبت من المشي

هز براسه ورجعنه من شفتها كاعده بنفس مكانها والتلفون بيدها تباوع اطمىنيت ..

جنات : خوما خفتي وحدچ ؟

هزت راسه لا بس اني اعرفها من عيونها ، وتستحي تحچي ..

كعدنه شوي وباوع للساعه گال يلا نرجع ، وعدت عمي نرجع على وكت ماريد اخلف وعدي من اول مره وبعد ما يخلينه نطلع ..

صعدنه بالسياره وشغل اغنيه هادئه وقديمه ،

رغم ما احب الاغاني القديمه بس حبيتها حسل حلوة چانت ، ابتسمت وضليت اباوع للشوارع

انتبهتله عينه بالمرايه يشوف رهف خاف منتبه ، شافها صافنه على شارع لزم ايدي على ما وصلنه للبيت نزلنه بالباب وراح ..

رحت غسلت وبدلت فتحت التلفون شفت رهف مصورتنه وأحنة گاعدين يمتى مادري ما أنتبهتله صفنت بالصوره حسيته حباب بس مادري ليش افكره غامض وما افتهمه شنو هو ومن يا نوع مرات احسه طيب وعلى نيته ومرات احسه غريب ونضراته احس بيه كلام
يووو هسه اني ليش مستعجله يجي يوم واعيش ويا واعرفه شنو ...

اجت امي تسألني وين رحنه وشنوسوينه ..

ام جنات : وين رحتو ؟

جنات : للبصره لاند ،

ام جَنات : اي وشنو سويتوا ؟

جنات : شنو سوينه يا امي افترينه شوي ورجعنه

راويتها الصور حتى تصدك يعني وين نريد روح مثلاً ،

نمت وافكر باچر احجي وي حسن وانهي كل الموضوع خلص تعبت مابيه اتحمل اكثر من هيچ ..

احس روحي جاي اخون احمد مااگدر ابقى احچي وياه اكثر لازم اشوف حل للموضوع وهم مستحيل أگدر اجازف وانهي الخطوبه ،

وأحتمال ما يجي يخطبني وحتلوا اجه ما راح يوافق ابوي ليش اخطي هيج خطوه واني ادري شنو نهايتها ..

ما اريد ادمر حياتي يجوز راح اكون انانيه بس مستحيل اگدر اسوي هيچ ، احمد ماله ذنب بشيء .

كعدت ثاني يوم وقبل كل شي راسلتة ..

حسن : تكدرين تجين اشوفج ؟

جنات : طلعتي من البيت صعبه مستحيل ..

حسن : هم صح فكره غبيه زين اتصلي ونسولف .