أسُود وَ أبيض .

part 11

مو تعَودني عّليك وتمَشي مِني
خل اگلك كلشي عَني
اني طيب مَا انام من اسمّع حچَاية تِغثني .

--------------------------------------------------------------

حسن : اوك شوفي ماأدري شلون افتح الموضوع وياچ ، بس ماأگدر أضم اكثر عنچ ..

صار سنه واكثر اني ضام بگلبي اخاف احچي واخاف ازعلچ وانتِ دوم تگوليلي انتَ اخوي ،

وادري بيچ يمكن اني اول صديق ألچ بحياتچ ومستحيل تقبلين تحچين وي ولد ، بس ادري تحچين وياي لان كاسر خاطرچ مو صح ؟؟

جَنات : اوف لا تحچي هيچ صح ما احچي وي ولد بس انت تختلف عن الشباب ما يوم سمعتني كلمه مو حلوه ..

حسن : لأن اعرف حدودي وياچ واعرفچ انتِ شنو وتربيتچ شنو ما أسمح لـ نفسي امسچ بحچايه تأذيچ ..

جناتي انت ورقه بيضه واخاف الوثج بأي حچايه احچيها .

جَنات: انت معدل والله وين اكو منك .

حسن :شوفي اني ربيت روحي بروحي عشت عمري بس اني وامي ، وأني ومره جبيره تدرين انتِ بعد ، خلصت عمري من 11سنه اني اشتغل وبالشارع عرفت الحياة شنو وعرفت شلون اعيش وي الناس واعرف البشر من اول مااحچي وياه ، وانتِ من اول مره حچيت وياچ عرفت شنو تربيچ و شنو طبعچ ...

جَنات : يمكن اكثر شخص يفهمني ويعرفني شنو اني هو انت وبدون ما احچي حتة ،

حسن : وانتِ هم تفهميني شنو اني وتعرفيني ما انكر فضلچ عليه للأبد اني چنت انسان ومن عرفتج صرت انسان ثاني ..

راح احچي ولا تقاطعيني اسمعيني عندي حچي هواي وياچ ..

جنات انتِ غيرتيني وخليتني اكون شخص ثاني ، وكفتي وياي باصعب ضروفي ، حتى اصدقائي هم ما وگفوا وياي بگدچ ، رغم البعد لي بينا بس ما أحسچ تكونين غريبه عليه ، هو يمكن رسائل بينا وبس ،

بس ما تصورين شگد
چان شي كبير بالنسبه إلي ، كلامچ چان مثل البسم لجروحي ..

جَنات : ما سويت شي يستاهل كل إلي سويته تستاهل انتَ اكثر منه وياريت لو چنت قريبه من عندك واگدر اساعدك واكون يمك بس ما بيدي شي وكل هذا واجبي ليش الاخت ألمن تنراد لعد ..

حسن : جنات يجوز انتِ ربي العالمين دزچ بطريقي حتى تخففين عني حمل كلش كبير..

اصعب شي بحياة الانسان من يكون وحيد وماأله احد على اكثر من مره حاولت انتحر وانتِ ما خليتيني وحچيتي وياي كلام چان كفيل يقنعني اتراجع رغم انتِ صغيره وما دارسه بس عقلچ كبير ، عقل واعي ..

اني إلي عشت أغلب عمري بالشارع وما ضل طريق ما مشيت بيه وما ضل شخص ما صادقته الزين والموزين

وچنت افكر اني اكثر انسان عاش تجارب بحياته ويعرف الحياة شنو بس من عرفتچ انتِ عرفت
شي حلو بهاي الدنيا .