والحُزن يقطع نياط قلبهَا ..
---------------------------------------------------------
جنات : كعدت أسولف وياها وأواسيها بس بدون أي فائده كل شي چان محسوم ، دعيت على أهلها من كِل گلبي ، هاي عود البنية الوحيدة عدهم ليش هيچ يسوون بيها ؟
كِرهت شي أسمة زواج ، كرهت كلشي يخص الزواج .
صار يُوم الخميسَ صعدت على السَطح شفت الزفة ودمُوعي چانت تصب ، أهلي ماخلوني أروح..
شفت حمزة واكف من بعيد گاعد بالگاع على أركبة يبچي ، أنهاريت بالبچي ..
أبد مو نفسة حمزة ، وجهه اصفر وذبلان ومبين على مَلامحة التَعب والحِزن .
ماتحملت ضليت ابچي واناشغ خليت ونزلت جوة بعد ما چنت منهارة بالبچي ..
أبوي أشترالي تلفون حتة ألهي نفسي بية لأن بطلت ، بس ماچان يرضة أنزل أي برنامج ،
نزلت فيس حته أراسل حمزه واحچي وياه حتى يروح لا أبوها يشوفة وتصير مُشكلة .
شلون تِرهم ؟
ثنينه نطب بفرعَ.
زفة وجنازة سوه .
ترضة ه‍َاي بيا شرع ؟
بحثت عن حِسابة وأعرف شايفتة عدة مَرات قبل ، طلعلي حِسابة دزيتله رسائل
جنات : حمزه روح لا يشوفك أبوها وتصير مشكلة .
مارد عليه ،
تركت التلفون وكَعدن أبچي بيا ذنب هيچ يصير بيهم؟
مِن بعد هَذا الموقف كرهت شي أسمة زواج ، وگلت مستحيل أتزوج بحياتي أبد .
من يَمتة صار الزواج أجباري ؟
ليش هيچ ممنوع نحب ؟
ممنوع نختار الشخص الي نعيش وياة حياتنة؟
ممنوع نبني أحلام ، لأن اكيد راح تنكسر ؟
للـ ١٠ بليل وصلتني رسالة من حَمزه فتحتها چان كاتب
حمزه : ياريت ياريت لو كاتلني ولا مزوجها لغيري
جنات : استهدي بالرحمان ورُوح نام أدعيلها بالسعادة .
حمزه : هههههه ضحكتيني انام ؟ يانوم هذا الي يجي لعيوني ؟ لچ يانوم ؟
انام وحَبيبتي بيد شخص ثاني ؟
وتردين أدعيلها بالسعادة هم ؟
- اليُوم تصير زفتها وجنازتي سِوة
جنات : شنو راح تسوي ؟ شوف والله كوة احچي وياكَ أخاف مِن أهلي حَباب لا تسوي شي، شوف نجلاء تحبك واذا صارلك شي تموت .
حمزه : راحت تدرين شنو راحت ؟ تگلي انساني تگلي اني مو الك تزوووج وشوف حياتك ، تگلي احب ابن عمي ، لچ انتضرها من هيَ بالسادس ابتدائي وساكن المَدرسة بس علمود أشوفها ، أررجع من العمالة تعبان يااانااااس مييييت تعب وما يِهون علية أروح للبيت قبل لا أشوفهاااا ، أجمع بمهرهااا ربع ربع اشتغل شغلتين باليوم بس حته أكدر اشتريلها هدية يجييي واحد يأخذ تعب سنيني ؟ وحلم عمررري؟ بالحظة
YOU ARE READING
أسُود وَ أبيض .
Romanceچنت أظنك لون واحد ياقزح . لاشيء دائم كل شيء سَيزول مع الايام ، الالم ، الكراهية ، الحزن ، حتى الحُب الغير صَادق ، سترى الكثير من الحقائق ، في شخصاً كُنت تظنةً مكشوف سترى الغموض بأم عينة ، حين تراه . شخصٌ غامض ، وفتاة تُجبر على الزواج ... هل ستكو...
