ماتنسوش الڤوت او النجمة يا قمرات⭐
الغدر هو أحقر الجرائم الإنسانية وأكثرها خسة لأن الإنسان يستطيع دائماً أن يفعل ما يريد في مواجهة الآخرين وليس من خلفهم ، فلا تتعاطف مع أشخاص فشلوا في الإحتفاظ بك ، ولا تصدق أن غفرانك الزلات يزيد من حجمك في أعينهم ، فقد انتهى زمن الكريم الذي إذا أكرمته ملكته ، والبكاء على الأطلال يمنحك بعض الدراما اللذيذة ، لكنه لا يأخذك لأي مكان التجاوز هو مفتاح العبور لمرحلة جديدة.
ــــــــــــــــــــــــــــــــــــــــــــــــــــــــــــــــــــــــــــــــــ
فى سيارة نبيل الترابلسي
كان السائق يقود سيارة نبيل بهدوء متوجهاً إلى المستشفى ، فيما جلس صاحب العمل في المقعد الخلفي وزوجته بجانبه ، حتى قطع الصمت فجأة بصوته وهو يقول بنبرة الندم : احنا سبب كل اللي حصل؟!
إستفهمت هناء بعد أن أثار دهشتها بكلماته المفاجئة : قصدك ايه
استأنف حديثه موضحًا ، وعذاب الضمير يفتك به : اتحولنا انا وانتي ناس انانية .. من خمس سنين من يوم ما حنين شالت الرحم بسبب الورم بعد ولادتها التانية لتالا واحنا بنضغط علي مصطفي عشان يتجوز تاني فضلنا من كل جهة ننخر في الخشب لحد ما كرهها وكره حياته بعد ماكان راضي بنصيبه ومكتفي بمراته والبنتين
صمتت هناء لبعض الوقت قبل أن تبرر الموقف بالإنكار ، متجاهلة صوتا بداخلها يؤكد صحة أقوال زوجها : احنا كنا بنعمل كدا عشان مصلحته يا نبيل اي ام واب من حقهم يسعوا في اللي في مصلحة ابنهم وفلوسه
هز رأسه بقلة حيلة وهو ينظر من خارج النافذة ، وقال بأسي : و ادي النتيجة يا هناء دنيا ابنك بتتهد فوق دماغه ودماغنا وحتي الشغل بيتدمر عشان مابقاش مركز فيه واللي كانو مستنين له غلطة عشان يسنو اسنانهم عليه استغلو نقطة ضعفه عشان يخسروه كل حاجة
طرق الهلع والخوف باب قلبها على ابنها ، وانعكست مشاعر التوتر على وجهها ، عندما تحدثت بصوت مضطرب : ماتشيلش نفسك اكتر من طاقتها يا نبيل .. ضروري هنلاقي حل .. وبعدين حنين كمان كانت تصرفاتها الاخيرة معانا مستفزة وكل مناسبة تجمعنا بقت تتعمد ماتحضرهاش عشان مانشوفش مصطفي ويكون وسطنا لو مش ملاحظ هو من يوم ما انفصلو عن بعض واغلب وقته معانا
نبيل بإعتراض مثقل بالضيق : ماتحطيش مبررات لغلطتنا يا هناء احنا للي خربنا حياة ابنك من كتر الوسوسة في ودانه .. من تدخلنا في حياته مع حنين لحد تدبيرنا مع قريبتك ومقابلته بإبريل وخطوبته ليها ظلمنا بنت مالهاش ذنب عشان انانيتنا ودلوقتي كلنا بنرمي اللوم علي رد فعلها
YOU ARE READING
جوازة ابريل
Romanceالجزء الأول و الثاني معا بقلمي نورهان محسن ضيفو الرواية في المكتبة واعملو ڤوت لكل الفصول بللت شفتيها بإغراء ، مداعبة خصلاته برقة ، وهمست بنبرة مطمئنة : مش غلط .. انا بحبك أضاءت رماديتيه ببريق العشق والرغبة ، متآوهاً بتنهيدة طويلة من أعماقه ، وهو يتح...
