ابتسم بهدوء يشدّ على إيدها : الانبهار داخل مو هنا
دخل لشركته يـصبحون عليه ويرد عليهم بهدوء
حاوط كتفها يمشيها : اولاً تشوفين مكتب زوجك
وقفها من كانت بتخطو له : برجلك اليمين ابيه يتبارك المكتب فيه
ضحكت بهدوء وسع ناظرها : واو سهاج يجنن عشان كذا تبهرني بالعطور الحلوه
ابتسم يحاوطها من الخلف : تقدرين تقولين المنظر يعطيني طاقة تـفائل
تقدمت تجلس على كرسيه وتدور فيه بهدوء
ابتسم يتقدم : بشويش ، مسك الكرسي يمنها من الحركة انـحنى لها بلعت ريقها من رفع لثمتها يـقبلّها شدت على إيده ابتعد عنها بمسافه بسيطه: انت ما توفر بأي وقت ؟
ضحك من عصبيتها : يعني الحين معصبه انتي ؟
معصبه على ايش بالضبط ؟
انحنى يطالع لعيونها صدت عنه بـإحراج : سهاج ماقلت لي بتوريني المصنع ؟
ابتسم يعدل نقابها ومن هروبها منه : ايـه يـعيني الحين نشوفه
وقفت أمام باب كبير فتحه سهاج : برجلك اليمين
ضحكت ودخلت وروائح اندفعت لها من دخلت كشرت من تركيز العطور القويه
سهاج : نزلي نقابك مافي احد والبسي كمام
رفعت راسها بذهول : واللي يشتغلون وينهم
: طرتـهم
ضحكت بتعجب ترفع النقاب عنها : كبير مره ويفتح النفس يخلي الواحد غصبا عليه يشتغل
سهاج : والله انتي اللي تفتحين النفس
ابتسمت له وصدت العطور اللي امامها لفت انتباها عطور داخل زجاجة متوسطة الحجم : الله هذا وشو عطر جديد ؟
ابتسم يقدم لها يحاوط خصرها : ايه جديد
التفتت له : اقدر أشمه شكله مره حلو
لامس خدّها بهدوء : نغم
: هـلا
سهاج : العطر اسمه نغم وهذا اول إصدار له ما نزل لسوق للحين
وسع ناظرها بذهول رجعت تشوف العطر وانتبهت لأسمها مكتوب فيه بالخط العـربي دمعت عيونها من مشاعر فاضت له وكمية حبـه لها بـأ شياء ماتتوقعها أبدا ويبهرها بحنيته عليها وكيف يداريها ويبعد اي ضيقه ممكن تواجهها ، سند لها بعد الله صار أبّ وزوج لها ويلبي كل احتياجاتها والان في ثـمره بتشهد على كل حـب وكل حدث بينهم
ابتسم من شاف ملامحها تقدم يضمها يشدها لـه اكثر شدت عليه وهمست بخفوت : كلمة وحده ما تكفي ما اعرف ايش اقول ، رفعت راسها ابتسم من احمرار ملامحها : شكرا والله شكرا عوضـتني اكثر من كل شي احتاجه ، والله والله احـبك
ابتسم من سمع هـالكلمه : واخيرا سمعتها واخيرا من بحتك الحلوه خلاص كذا أنـا تخدرت
ضربت صدره بـخفيف ابتسم يـنحنى يقبلّها رفعت كفها تلامس شعره من خلف وتشدّ عليه
ممكن ما تقدر تعبر بالشكل الصحيح لـه لكن عرفها وفاهمها مـا يحتاج كلام يحتاج كفها يشابك كفه وتكون بـجانبه هذا الشي الوحيد اللي يـسعده
-
« بـيت خـلف , المغرب »
شابك كفه بـكفها ابتسم من ربكتها الواضحة له دخلت معه للبيت رفعت راسها من تقدمت حصه وأميره : يـا هـلا بعروستنا
سلّمت عليهم ابتسمت حصه تشوف خجلها
التفتت يزيد لهم : ادخلو للمجلس بيجي عامل يدخل الأغراض
دخلو للمجلس جلست بـ إستحياء ابتسمت أميره تمد لها فنجان القهوة وجلست أمامها : ايـه اخبار عروستنا
ابتسمت بـخفيف : الحمدلله بخير
رفعت ناظرها من دخل يزيد جلس بجانبها تـوترت كثيير ولا خفى عليه تقدم ياخذ له تمره مع فنجان قهوة ابتسم لـ حصه : امـي دخلو الأغراض كلها لغرفتكم ؟
شرقت بذهول وحرج حاولت تتدارك الوضع ضحك يزيد بعلو صوته ولحقته اميره تضحك
توردت ملامحها بخجل رفعت ناظرها لحصه تبتسم بهدوء لها عضت شفتها من قالت حصه : يزيد خذ نرجس تشوف غرفتها وترتب أغراضها ، البيت بيتك يـا امي ولا تستحين وتخجلين وسوي اللي تبينه
نرجس : ما تقصرين يخالتي الله يطول بعمرك
-
رتبت أغراضها بهدوء التفتت له يتأملها من ساعه وهي ترتب : حفظت كل شي ما شاء الله
ابتسم يتوجهه لها ضمته من تقدم : مو مصدقه اني بغرفتك
ضحك يرفع شعرها عن وجهها : صدقي صـدقي
انحنى يـقبلّها يـرجع فيها للخلف وقفت على طرف السرير همست : مو وقته اكيد امك تنتظرنا على العشاء
ابتسم بسخريه : امي فـاهمه وما هي مقربه صوب الباب لا تخافين
عضت شفتها من انـحنى يقبّل عنقها شدت على كتفه ضحكت من وقعت مـعه على السرير ..
-
« بـيت محمد »
جالس فـي مجلس الرجال وأمامه هادي و إياد زفر بسخريه بهاج : لو انكم جبتوها معكم مو احسن ؟
ابتسم هادي من فهم قصده : شتبي فيها اركد يحبيبي
ضحك إياد : كل يوم اشوفها مليت منها تبيها أعطيها لك بس بشرط مقابل يعيـني
رفـع حاجبه بهاج لثـواني : طير بس أعطيك كف خالد
ضحك هادي : يخوف كفه الله يستر عليه
ثواني بس ودخل خالد وقف بهاج : ارحـب وتراهم يحشون فيك ذولا هالله هالله بالكف اللي يبرد حيلي
ضحك خالد يتقدم لهم يسلّم عليهم : افا هذي اخر العشره والله ما هقيتها منكم ياعيال خالي
مدّ يده إياد لكتفه : اقول اتركنا من ذا كيف شغلك أخبرك تقول في خلل بشغلك
تنهد خالد : الله يقطع ابليسهم للحين واحتمال يفصلوني
قطب حاجبه هادي : كيـف ما عندهم علم باللي صار والغلط على ذاك اللي تعدى عليك !
خالد : يدرون لكن يقولون مفروض اكون هادي ولا انفعل اقول بس يطيرون بس بكرا اقدم استقالتي ولا انهان كذا
هز راسه بهاج : ايه والله دور لك ترى يمديك تدخل محامي بدال الشغل ذا
هز راسه بـ ايه : يـمدي يمـدي واصلا حاطه براسي
بس أشوف هتان يسنعنـي
هادي : هتان مسنعكم كلكم
ضحك بهاج يغير الجو من شاف ملامـح خالد وكأنه ما أعجبه كلامه
خالد : شقصدك ؟
التفت له هادي وعقد حجاجه : وش اقصد يعني ؟
وقف خالد بعصبيه : لا قصدك بشي والكلام ما يطلع كذا !
وقف إياد : صلو على النبي وش فيكم
بهاج عارف قصد خالد بالضبط وعارف ليش انفعل
طلع خالد : مالي جلسه هنا
لحقه إياد : خالد خالد وقف هادي مايقصد شي وش فيك زعلت اول مره أشوفك كذا
تقدم بهاج لـهادي زفر هادي : ما كان قصدي شي لكن واضح هو قصد وفاهم أهله زين اكثر مني عشان كذا تحسس
هز راسه بهاج : معك وأعرفك زين وأعرفك مو حق نغزات ولف ودوران بس واضح انه منضغط وشغله مأثر عليه بس لا تزعل عليه
جلس اخذ فنجان قهوته : ما زعلت عليه عاذره
-
إياد : وش فيك ما ترد ترانا نعرف بعض وتعرف ماعندنا الحركات ذي
مسح على وجهه خالد بحدّه : إياد اتركني يرحم والديك
هز راسه بالنفـي : لا مافي روحه لين اشوف وضعك ما انت عاجبني وتعرف هادي مايقصد شي إلا إذا انت تقصد شي
صدّ عنه خالد هز راسه : طيب ما يقصد اقدر امشي ؟
إياد : لين اشوفك تضحك
خالد : اقول طير عني بس فاضي لك أنا
ركب السياره دق الباب إياد قبل يحرك فتح الشباك : بكرا عازمك على مطعم توه فاتح طيب ؟
هز راسه وحرك
تـكتف يشوفه لين ابتعد عن ناظره التفتت لـهادي : راح ؟
هز راسه : راح ، فيك شي ؟
ضحك هادي بسخريه : مو عاجبني اللي صار بس الله يهدي ، نمشي ؟
إياد : اخذ جوالي من داخل ونمشي
-
« شقة سهاج »
شهقت بخوف من حسّت فيه يحاوط خصرها : سهاج ! تدخلي كذا بدون صوت
ابتسم يقبّل خدها : طلعت صوت لكن انتي اللي ساهيه ، طالع يشوف ايش تسوي : كيك ؟ كان قلت لي اجيب لك ولا تتعنين
هزت راسها بالنفـي : لا أنـا ودّي اسويه وسهل ما ياخذ وقت
سهاج : تبين اساعدك بشي ؟
نغم : شغل الفرن بس
توجهه يشغله ابتسم يطالع فيها ولبسها كان عباره فستان قصير بنك عاري الاكتاف ، رافعه شعرها مع خصل مبعثره حاوط خصرها انحنى يقبّل عنقها يستنشقه بهدوء همس عند أذنها : يعني حتى ابسط شي فيك يغريني ؟
ابتسمت بخفوت : وش سويت ؟
: كل هذا ولا سويتي شي ! انحـنى يقبّل فكها طلوع لشحمة أذنها عضها بـخفيف بلعت ريقها : الحين ندخلها للفرن وبعد ربع ساعه تكون جاهزه
ابتعدت عنه تحطها بالفرن غسلت إيديها والتفت عليه يتأملها ابتسمت بهدوء : تحب كيكة الفراوله ؟
هز راسه : ايه احبها كل يوم اذوقها
قطبت حاجبها بعدم فهم : صدق متى ولا مره شفتك تـاكلها
ابتسم يتقدم لها : الحين أكلها
انـحنى يعض شفتها وسعت عيونها بذهول ما استوعبت إلا حملّها يجلسها بحضنه بعد ما جلس على الكنب ابتعدت عنه وكشرت ملامحها بألم : قطعتهم سهاج
ابتسم يمسح عليهم بـخفيف : مو فداي ؟ هذي كيكتي المفضله
رفعت حاجبها لثواني : حتى أنـا احبهم مو كذا اخاف عليهم منك ، تبـيني اجرب عليك عشان تحس ؟
ضحك بعبط : والله الودّ ودي بشوف هو صدق يعور ولا تكذبين
شدّت على شعره من الخلف : أنـا اكذب ؟
ضحك بعلو صوته : بجرب طيب بشوف
بدون مقدمات تقدمت اكثر تعض على شفته بقوه تأوه بألم من ابتعدت عنه شهقت بذهول من انتبهت لقطرات الدم وحسّت بطعم الدم داخل ثغرها
لمستهم بخوف : اوف والله اسفه اسفه
عقد حاجبه بألم : قطو قطو انتي ؟
بلعت ريـقها ونزلت راسها رفع راسها : راسك ما ينحني مادام راسي يشم الهوا
عضت شفتها : عورتك
ابتسم يمسح على خدها : اضحك عليك بس قلت ادلع عليك شوي
لمستهم بهدوء تتقدم اكثر تقبّل ثغره بـخفيف بدون لا تألمه من بعد العضه حاوط خصرها يـقربها اكثر له يسمح على شعرها بهدوء تارك لها حريّـة التقبيل
ابتعدت بعد ما اكتفت : صرتي فـنانه
ضربت صدره بخجل ابتسم يضمها ثواني بس وحست بريحة الكيكه طلعت : سهاج الكيكة احترقت نزلت عن حضنه بسرعه تتوجه للمطبخ
سهاج : بشويش في ورع بطنك
تنهدت براحه : الحمدلله بس من فوق اقدر أشيلها
من بعد التزيين يلي كان طول الوقت يتأملها كيف تحط الزينه على ذوقها : كيف كراميل معها ؟
رفعت كتفها بعدم معرفه : مدري بس اشتهيت احطها
اخذت قطعه تذوقه : كيف ؟
هز راسه : حلو لكن مو احلى من ثغرك
ابتسمت تاخذ لها قطعه من نفس الشوكه اللي ذوقته فيها : احس سكرها زايد بس يلا عادي
سهاج : لا يحبي انتي لا يكون تبين تاكلينا لحالك ؟
ضحكت تاخذ الصحن لصاله : اكيد لا بنزل تحت أكلها مع عمتي وريتال فيها سكر كثير ما اقدر عليها
هز راسـه : كويس ، أنـا بنام شوي وقعديني على المغرب إذا ماقعدت على المنبه
هزت راسها تاخذ عبايتها : تمام
-
« بـيت خلف »
سحبت جوالها من ازعجها اتصالات ردت على فارس بصوت ناعس : هلا
عقد حواجبه : لحد الحين نايـمه ؟
رفعت ناظرها لساعه جوالها وانصدمت من شافت الوقت : ليش ما صحيتني ؟
فارس : ايه اجيك واصحيك و اصحي يزيد بعد مره وحده
قطبت حاجبها من شافت المكان غريب عليها وانتبهت ليزيد نايم تنهدت من عرفت وينها ضحكت بهدوء : تعال افطر معي اجل
هز راسه : اتغدا معك قصدك جايك بعد نص ساعه ابي القهوا جاهزه بالله ماشربت اليوم من صحيت
ابتسمت : ابشر يـا عيوني وسكّرت منه
يزيد : مو أنا عيونك ؟
التفتت عليه من انتبهت انه عاري الصدر صدت عنه : انتي قلبي وهو عيوني كذا حلوين خلّنا
ابتسم : اهم شي سرقت قلبك خلاص راضـي
-
اخذت قطعه منها و ذاقتها : الله يجنن طعمها نغم
ابتسمت بهدوء : بالعافيـة يـروحي
نوره : والله انها لذيذه رغم اني مالي بالحلا كثير بس طعمها حلو يعطيك العافية ياقلبي
تبسمت : عوافي يـارب
نوره : خلو لـ اماني تراها جايه بعد صلاة المغرب أنـا بروح لسوق تبون شي ؟
ريتال : اي سوق عشان احدد ايش ابي بالضبط
: سوق ملابس يعني وشو
ضحكت ريتال : لا مابي بس جيبي معاك عشاء
نوره : وهذا توك تغديتـي
ريتال : وشو توني تغدينا من ساعتين والواحد يجوع يعنـي
ضحكت تلتفت لـ نغم : امي تبين شي اجيب لك ؟
نفت براسها : سلامتك
التفت ريتال لنغم : ندق على ترف وامل يجون نبي هيـصه اليوم
ضحكت نغم : دقي دقي والله اشتقت لهم
طالعت ريتال نوره من نزلت من الدرج : يـمه العشاء لا تنسني جيبي سوشي وكثـري منه البنات بيجون
نوره : لان نغم مايصير تـاكله ما اجيبـه
ريتال : يـمه حرام عليك والله مشتهيته
ضحكت نغم : عـمه جيبيه لها وانا عادي اي شي
هزت راسها ريتال : ايه وبعدين فيه أنواع ثانيه مافيها سمك تقدر تـاكله
هزت راسها نوره وطلعت مع بهاج
-
خلصت تجهيز ولفت على يزيد : أحس فشله من امس المغرب وانا هنا
ابتسم يقط جواله على السرير وتقدم لها : ليش فشله ؟
عضت شفتها : مو فاهم شي انت ولا تسوي حالك مو فاهم ؟
ابتسم بعبط : حـبايب وصارو بغرفه وحده يفهمونها على الطاير
ضربت كتفه بـخفيف : يزيد ! تراك تزيد الطين بلة
مو قاعد تهون عليّ !
ضحك يضمها : انتي تكبرين الوضع ترى عادي وانا معروف عندهم لو اخذت اجازه اقعد متأخر
تنهدت تشدّ عليه : بس مو وانا معك ، اهخ كيف اطالع لعمي ولا لخالتي يالله شي محرج
دفنت وجهها بعنقه ضحك يشدّ عليها : سوي نفسك مجنونه هذا آخر حل عندي
ضحكت بـتوتر : مو هذا اللي بيصير
-
صرخت ترف من دخلت عليهم : حـلواتـي
امل : حمدلله والشكر سدت أذنها من صرخت ريتال
ضحكت نغم تسلّم عليهم
جلسو من بعد مانزلو عبايتهم جلست ترف بجانب نغم : أشوف بطنك كبرت ولا لا ؟
ضحكت بتعجب : يالطيبه ما طلعت استني شهر ثاني وتطلع شوي
هزت راسها وابتسمت : يالله متحمسه اشوف عيالك
ريتال : اوف مكس بينها وبين سهاج يطلع الإنتاج بطل
ضحكت امل : اقسم بالله انتاج رهيب
ابتسمت بخجل ضحكت ريتال : شف شف توردت ملامحها أموت عليهم
ترف : اسمعي عيالك يقولون لي عـمه ولا ازعل
ريتال : شعندك تغارين مني بس أنا عمتهم مو انتي
ترف : اقول بس اعلمهم شي ينادونك صح
امل : هجي تراها تسويها
ضحكت ريتال : حبيبي ترف ما تسويها
رفعت رجلها على رجل بغرور : اشوف
نغم : خلوه يجي ويكبر ويعرف ينطق وبعدين يناديكم كل وحده بأسمها
ريتال : لا نـوني والله لا يناديني عمتي ولا اصرعه عاد
ضحكت ترف : مجنونه
نغم : عشان أنـا أصرعك
امل : بشوف الجانب الثاني منك نغم إذا احد ضرب ولدك اهخ يارب عجل باليوم
ضحكت ريتال : اخاف لو بس لمست ولدها تقوم عليّ
ضحكت نغم بتعجب : شدعوا مو كذا عاد لو سوا غلط انا معك وحقك تصرعينه بعد
ترف : بدال لا تصير مع ولدها صارت ضده
مسّكت بطن نغم : يـا عزتي لك من الحين بتجيك صرعات وأمك ضدك
امل : وحنا نتهاوش عليه بعد اقسم بالله مو صاحيين
هزت راسي ريتال : الله يجيبه بصحه وعافيه ويقومكم بالسلامة
ابتسمت نغم بهدوء : آمين
-
نزلت فنجان القهوا : شف شف مجتمعات ولا احد قالي شي
ضحك يزيد : بنات اخوك ؟
هزت راسها : ومن غيرهن
ابتسم يزيد : اجل قومي تجهزي نروح لهم
التفت لـنرجس : وانتي بعد يلا
هزت راسها بالنفـي : لا عادي انتو روحو
أميره : اقول بس قومي البسي راح تنبسطين معهم
ابتسم بخفوت : تمام اجل
صعدت لفوق تتصل على فارس : فروس قلبي بطلع لبنات اخو يزيد إذا جيت بدري تعالي واذا تأخرت بكرا ضروري لازم أشوفك
فارس : تمام يـاعيني بكرا افضل اهم شي انبسطي
تبين شي ؟
نرجس : سلامتك ياقلبي
-
دخلت عليهم بدون لا يعرفون : يـالخاينات
صرخت ترف وضحكت تضمها : عمتي حبيبتي
ابتعدتها اميره : وخري عني يـا كذابه
وقفت نغم تسلّم على نرجس : هـلا والله
نرجس : هلا فيك يقـلبي
