1:00AM
تتأمل حالها وتعبها وقِـلت حيلها ودّها تفضفض ودها تصرخ ودها تعاتب كـل اللي اذوها لكن ، صـمتها صــمتها وعجزها عن الحكي تعبها ، تتمنى يكون كـل هذا حلم وتصحى وتشوف امها قدامها ولا رحلت عنها وخـلّتها بـین نیران تاكلها ، مسحت دمعتها بطرف بلوڤرها وقامت تنزل تحت بتشوف جدتها قاعده ولا لا ، رغم انها تعرف مستحيل تكون قاعده بذا الوقت ، صبت مويا لها وقعدت على الكرسي ، دخل المطبخ وهو يغني : وين تلقى لك مثيلي بس قلي من سواي أهداك عمره وعيو... اوه وش مصحيك بذا الوقت ، تبين شي خاطرك بشي ناظرت له وهي تبتسم بهدوء واشرت له بـ"لغة الاشاره" : مابي شي
بس كنت ابغا اشرب مويه ناظر لها ومتأكد انها باكيه من ذبول عيونها : تعالي ياعمي تعالي ودّك
نمشي برا اشوي واجيبلك شاي بالنعناع ولا نعناع ساده ، غمز لها وهو يضحك مافي مجال لكلمه لا استناك برا يلا !
ركضت لفوق وتلبس عبايتها وتنزل بسرعه له ، فتحت الباب وهي تبتسم بعيونها له، تحب عمها يزيد مره ، ويفهمها من نظرات عيونها وقف عند الكافية : وش ودّك فيه يعيني ، اشرت له اللي تبيه : بس مشروب النعناع ماتبغين شي ثاني
هزت راسها بالنفي ، اخذ الطلب وقعدو في مكان خالي وهادي عن الناس : فكي النقاب يعيني مافي احد
ناظرت له بهدوء وهي تنزله : اييه ودك تفضين على اللي في قلبك أسمعك يعيني ، ناظرت له بارتباك وهي تشرب من مشروبها ، وترفع أكتافها بمعنى مدري ايش اقول ، ناظر لها وتنهّد تنهيده طويلة: نغم يـا عـيني ترا ما تعلمت "لغة الإشارة " إلا عشانك وعشان أسمعك وتفضين اللي في قلبك ، ناظرت قدامها بهدوء بدون رد
: اهخخ يـا عـين يزيد يـا عيني اقربي مني ، حاطوها مع اكتفها وقربها منها ، وحاوطت أيديها على كوبها وتتأمل السماء بهدوء وسكينة
-
رجـعو قبل صلاة الفجر بـربع ساعه ، نزلت من السيارة وهي تودعه ناظر لها وابتسم ، واشرت له بمعنى : صلي وتعال لا تتأخر اليوم صلاة الجمعة ، جدي لا يهاوشك ، حط أيديه على جبينه بخفه وضحك : ابشري يعيني اصلي وارجع ، تبين شي اشرت له بنفي ودخلت داخل ، وهو حرك رايح للمسجد دخلت غرفتها ونزلت عبايتها وارتمت على طول ع سريرها ثواني وغفت من تعب روحها وإجهاد نفسها بالتفكير واللوم
« يوم الجمعة , AM 10:30 »
جالس ابو محمد في مجلسة المعتاد وجت ام محمد ومعها البخور : تبخر يـقلبي وترا ما حطيت من البخور الثقيل جبت واحد جديد خفيف عشان لا تتحسس وتـنكتم ابتسم لها ابو محمد بهدوء : اي بالله انه احلى من اللي قبله وأنا أقول لو تعتمدونه افضل ، أم محمد : وين يالغالي هذا خفيف ما ينفع للتجمعات والعزايم هذا ان شاء الله بيكون لك وخصتا يوم الجمعة ناظرت فيه وابتسمت ، لفو كلهم على دخول نغم ابتسم أم محمد : هلا ببنتي الله حياها ابتسمت وقربت لها أم محمد وهي تضمها لها وتحب رأسها قبل لا تحبها نغم وتبادر نزلت لجدها وهي تبوس راسه وتجلس بجنبه وتأشر له بحركة يدها ( 👍🏻) المعتاده لهم ، ابو محمد ببتسامة رؤوف لها : الحمد الله طيبيين وأنت يبنتي كيفك امس ماعجبتني رحتي لغرفتك بدري أم محمد وهي تناظر لها وتعرف أصلا ليش راحت لغرفتها بدري بسبب الدوره الشهريه والألم الناتج منها ، ناظرت له نغم بهدوء وتأشر له : ما شبعت نوم وقررت ارجع انام مره ثانية والحين مصحصح ميه ميه وقعدت تضحك له عشان لا تخوفه عليها ابتسم لها وهو يقول : ي حصه وين يزيد مابقى شي على الصلاة الجمعة ، على ماتبي تقوم اشرت لها نغم أنها اللي بتروح تشوفه ، حصه وبصوت عالي اشوي بعد ما ابتعدت نغم : قعدي أميرة بعد يا أمي ارجعت لها نغم واشرت على خشمها ورجعت تركض تصعد فوق تشوف عمتها وعمها ، ضحكت حصه وهي تشوفها تركض : استودعتك الله يـبنتي ، ورجعت تجلس عند زوجها
طقت غرفة عمها يزيد اول شي ولا لقت رد افتحت الباب بشويش واقشعر جسمها من برودة الغرفة وشافت نايمة وغرقان بأحلامه ضحكت وهي تمشي تفتح الستاير وطفي المكيف وهينا عاد صحى : يبنتي من مسلطك علي شغلي شغلي المكيف حرر ناظرت فيه بذهول ماصار لها دقيقه مطفية المكيف وهو يقول حر ! شالت عنه الغطا وهي تأشر له ومعصبه لان جدها يستناه وهو هينا منخمد
: جدي تحت يستناك على الصلاه وانت نايم هينا قوم بسرعه ، وانا ماقلت لك ارجع بدري عشان الصلاه وعشان جدي لا يهاوش ! كل هذا تقول بدفعه وحده ومع حركة شفايفها ناظر لها بذهول وهو يضحك ماقدر يمسك نفسه وهو يشوفها معصبة عليه : هدي يعيوني هذاني قايم ولا يسر خاطرك الا الطيب وقام وهو يقرب منها وضمها وهو يحمد ربه انه اليوم نام وقميصه عليه لأنه حاسب حساب انو اليوم الجمعه واحيانن يدخلون عليه عشان يقوم عارف عوايده ابعد عنها وهو يقول : يازين المعصبين والله ناظرت له بطرف عين وطلعت وهي تبتسم ، راحت لغرفه أميره عمتها ودخلت على طول بدون دق لأنو دايم تقول لها أميره تدخلين بدون دق ودرعمي على طول عليّ عادي راضيه ، دخلت وهي تشوفها توها طالعه من الحمام _الله يكرمكم _ ناظرت لها وابتسمت : هلا هلا بروحي قربت لها وهي تضمها لها بقوة ها يـاقلبي خف وجع بطنك عن امس ، ناظرت لها واشرت أي الحمد لله خف بعد القرفة ، ابتسمت أميره اجل خلينا ننزل يلا ، وهم نازلین صادفو يزيد وهو ينزل باستعجال ضحكو عليه كيف يركض ويعدل أزرار ثوبه ، أميره وهي تشوف أمها تقول ليزيد : يا أمي انتبه لا تطيح قرب منها وباس راسها وراس أبوه اللي وده يعاتبه بس قال يالله معاليه اهم شي نلحق على الصلاه : يلا يزيد اخلص عليّ يزيد وهو يلبس جزمتة _الله يكرمكم _ يلا يلا هذاني جاي وطلعو متوجهين للمسجد ، أميره وهي تضحك : مايتوب جمعه يتأخر فيها وجمعة نلقاه اول واحد قاعد ناظره لها أمها و نغم وضحكو بعد الصلاة تجمعة العوايل كلها في بيت ابو محمد ، بهاج قام يصب لهم القهوة وراه إياد يوزع عليهم حلا الجمعه : لا وأنا جدك أبعده عني مابيه إياد بعباطه : يجدي تدري بس لو تأكله يخليك مثل الحصان به طاقه فيه سكر ناظر له الجد بحدة : وأنا الحين وشو هاا! ابعد ابعد عني بس وعطني من هـالتمر بسرعه ، ضحكو عليه العيال وهو يرجع يوزع عليهم
