#Unicode
ဟိုးအရင်ကလို လမ်းပန်းဆက်သွယ်ရေးမခက်ခဲတော့တာကြောင့် ၂ရက်တာ မရပ်မနားခရီးနှင်ပြီးသည်နှင့် ဂန်ယူကိုရောက်ရှိလာခဲ့သည် ။ ဒုက္ခပေးမယ့် ဓားပြအဖွဲ့မရှိတော့သည်မို့ ဂန်ယူရွာလေးသည်လည်း အတော်အတန် ပြန်လည်စည်ကားလာခဲ့သည်။
"Jeon...ဂန်ယူရွာကို အလည်ဝင်အုံးမလား ။ ဒါမှမဟုတ် .. တောထဲကိုပဲတန်းဝင်ကြမလား"
လိုရာခရီးကို မရောက်မည်စိုး၍ လမ်းတစ်လျှောက်လုံး မနားမနေခရီးနှင်ခဲ့ရသည်မို့ Taehyung မေးလိုက်ခြင်းဖြစ်၏ ။
"ကိုယ်တို့ တောထဲကိုပဲဝင်ကြရအောင် ။ မနက်ဖြန်ဆိုရင် ခေါင်းဆောင်ရဲ့နေ့လေ...သူ အံ့အားသင့်ဖို့ဆိုရင် ကိုယ်တို့ အမီသွားဖို့လိုတယ်မို့လား"
"အင်း ... Jeon သဘောပါပဲ"
ဤသို့ဖြင့် နှစ်ယောက်သား တောထဲကိုပဲဝင်လာခဲ့လိုက်ကြသည် ။
နေဝင်လုဆဲဆဲအချိန်တွင် တဲစခန်းများကို တွေ့လိုက်ရသည် ။ နေမည့်သူမရှိ ၊ ထိန်းသိမ်းမွမ်းမံပေးမည့်သူမရှိတာကြောင့် ဆွေးမြည့်ကာ ပျက်စီးလုဆဲဆဲဖြစ်နေသည်။
သို့ပေမဲ့ နေထိုင်လို့မရတော့အောင် ပျက်စီးနေတာမျိုးတော့မဟုတ် ။"Jeon... အနားမယူခင် အရင်ဆုံးပြင်ဆင်ရမယ်ထင်တယ် "
"Tae ပင်ပန်းနေပြီမို့ ခဏနားလိုက်နော်... Tae အနားယူဖို့ ကိုယ်ပြင်ပေးမယ်"
Jeonက အသင့်ပါလာသည့် မီးခြစ်ကလေးနှင့် သစ်ကိုင်းများကိုစုကာ မီးဖိုပေးသည်။
"ဒီနားမှာ ထိုင်နားနော် ... ကိုယ် သန့်ရှင်းရေးလုပ်လိုက်အုံးမယ်"
"ဒါပေမဲ့ Jeonတစ်ယောက်ထဲ..."
"ကိုယ်ကရတာမို့ Tae ခဏအနားယူလိုက်နော်"
Taehyungလည်း အတော်လေး ခြေကုန်လက်ပန်းကျနေပြီမို့ မငြင်းနိုင်တော့ဘဲ ခေါင်းငြိမ့်ကာလက်ခံလိုက်သည်။
Jeonကတော့ ဓားပြခေါင်းဆောင်၏ တဲစခန်းလေးထဲသို့ ဝင်သွားလေ၏။-
-
-Jungkook၏ တဲစခန်းလေးသည် ဝါးများ၊ သစ်သားများဖြင့် အခိုင်အမာတည်ဆောက်ထားလေသောကြောင့် မပျက်စီး ။ ခြတက်တာမျိုးလည်းမရှိ ။ အတွင်းပိုင်းတွင် ဖုန်မှုန့်များဖြင့် ပေပွနေသော်လည်း အချိန်ခဏယူ၍ သန့်ရှင်းလိုက်ရုံဖြင့် သပ်ရပ်သွားတော့၏ ။မ ထွန်းညှိတာကြာပြီဖြစ်တဲ့ ရေနံဆီမီးခွက်လေးအား Jungkook ထွန်းညှိလိုက်သည်။အခန်းကျဥ်းလေးနှင့်အတူ အတိတ်ကအမှတ်တရများကိုပါ မျက်ဝါးထင်ထင် မြင်တွေ့လိုက်ရသယောင် ။ မျက်ရည်တွေကြားကနေ Jungkook ပြုံးလိုက်မိသေး၏ ။
YOU ARE READING
Always(completed)
Fanfiction#Warning : Why not me?ရဲ့ Ending ကိုအဆင်ပြေပြီး သဘောကျတဲ့သူက ဒီ Alwaysလေးကို လုံးဝမဖတ်ပါနဲ့နော် ။ Always ရဲ့ endingက အကြိုက်နဲ့ကိုက်ညီနိုင်မှကိုက်ညီပါလိမ့်မယ်.. ဒါမှမဟုတ် လုံးဝမကိုက်ညီတာမျိုးလည်းဖြစ်နိုင်ပါတယ်။ဆိုတော့ အမြင်ချင်းမတူနိုင်တာမို့ Why no...