#Unicode
ဓားပြခေါင်းဆောင်သည် မြေများကိုတူးဆွနေပြီး Taehyung ကတော့ အပင်လေးတွေထည့်ကာ ဖုံးဖိပေးနေသည် ။
နှစ်ယောက်အတူ ဒေစီပန်းများစိုက်ပျိုးနေခြင်းဖြစ်၏ ။
"ခေါင်းဆောင်.. ပင်ပန်းနေရင် ကျွန်တော်တူးမယ်လေ"
ချွေးဒီးဒီးကျနေသည့် ခေါင်းဆောင်ကိုကြည့်၍ Taehyung အားနာလာရသည် ။
ကူညီပေးဖို့ကြိုးစားကြည့်ပေမယ့် ခေါင်းဆောင်က ခေါင်းကိုအသာရမ်းကာ ပြုံးပြသည် ။
"ကျုပ် မပင်ပန်းပါဘူး ။ ခင်ဗျားနဲ့အခုလိုအတူရှိနေရတာကို ကျုပ်ကြိုက်တယ်"
"ဒါပေမဲ့ ..."
"ကျုပ်က ဓားပြခေါင်းဆောင်ပါဗျ ... ဒီလောက်လေးကတော့ မပြောပလောက်ပါဘူး"
ဓားပြခေါင်းဆောင်က ဆက်လက်လုပ်ဆောင်နေသည်မို့ Taehyungလည်း အတွန့်တက်မနေတော့ဘဲ အပင်တွေကိုသာစိုက်ပေးနေလိုက်သည် ။
"Taehyung ... ဒေစီပန်းတွေကိုကြိုက်လား"
"ကျွန်တော်ကြိုက်ပါတယ်"
"ဒီအပင်လေးတွေကနေ ပန်းတွေပွင့်လာရင် ပထမဆုံး ပန်ဆင်တဲ့သူက Taehyung ဖြစ်ပေးနော် ။ ဒါမှလည်း ကျုပ် ပင်ပန်းရကျိုးနပ်မှာ"
Taehyung ပြုံးရုံသာပြုံးနေလိုက်သည်။ ခေါင်းဆောင်က လူကိုပြုံးရယ်အောင် ၊ အနေခက်ရအောင် စကားပြောနိုင်သည် ။
Taehyung ၏ ရင်ထဲကပင် သိမ့်ခနဲခံစားသွားရ၏ ။
"မနက်ဖြန် အိမ်ကိုလာဖို့ အမေတို့ကခေါ်ထားတယ် ။ ခက်တာက အရာရှိရဲ့နေ့ ဟုတ်မနေတာဘဲ"
ခေါင်းဆောင်က Jeon ရဲ့မိဘတွေနဲ့ တွေ့ဆုံရသည်ကို အခုထက်ထိအသားမကျသေး။တစ်ခုခုကို စိုးရိမ်နေဟန်ပေါ်သည်။
"ခေါင်းဆောင်....Jeonရဲ့မိဘတွေကလည်း ခေါင်းဆောင်ရဲ့မိဘတွေပဲလေ"
"ဒါပေမဲ့ အဖြစ်မှန်တွေကိုမသိလို့မို့လား ။ သိသာသိရင် ကျုပ်ကိုမုန်းနေကြမှာ ... ကျုပ်... ကျုပ်က သူတို့သားရဲ့ ရပိုင်ခွင့်တွေကို လုယူခဲ့တာမို့လား"
တုန်ယင်လာတဲ့ခေါင်းဆောင်ရဲ့လက်လေးကို Taehyung ဆုပ်ကိုင်လိုက်သည်။ ထိုတော့မှ ခေါင်းဆောင်က ငြိမ်သက်လို့သွားခဲ့၏ ။
YOU ARE READING
Always(completed)
Fanfiction#Warning : Why not me?ရဲ့ Ending ကိုအဆင်ပြေပြီး သဘောကျတဲ့သူက ဒီ Alwaysလေးကို လုံးဝမဖတ်ပါနဲ့နော် ။ Always ရဲ့ endingက အကြိုက်နဲ့ကိုက်ညီနိုင်မှကိုက်ညီပါလိမ့်မယ်.. ဒါမှမဟုတ် လုံးဝမကိုက်ညီတာမျိုးလည်းဖြစ်နိုင်ပါတယ်။ဆိုတော့ အမြင်ချင်းမတူနိုင်တာမို့ Why no...
