(21)
အရှင်မနဲ့အတူ ဟန်ပြည်သို့ တဖန်ပြန်ရောက်လာရသည်။ လီယွမ့်စိတ်ထဲတွင် အန္တရာယ်ကင်းသွားပြီဟု ခံစားမိပြီး ပျော်ရွှင်ရသည်။ ဟန်ပြည်က သူမအတွက် အရမ်းရင်းနှီးရတဲ့နေရာပဲမဟုတ်လား။
" သခင်မလေး !! "
ယဲ့ကျီက လီယွမ့်ကို မြင်တာနဲ့ အပြေးအလွှားရောက်လာပြီး ဖက်ပစ်လိုက်သည်။ အလွန်တင်းကြပ်အောင်ဖက်ထားတာကြောင့် အသက်ရှုပင်ကြပ်ရသည်။ နောက်မှ ယဲ့ကျီက လွှတ်ပေးကာ တောင်းပန်ပါတယ်ဟု ဆိုသည်။
" တောင်းပန်ပါတယ် သခင်မလေး ယဲ့ကျီ အပျော်လွန်သွားလို့ပါ "
" ရပါတယ် ယဲ့ကျီ ငါလဲ နင့်ကို လွမ်းနေတာပါ "
" လာ သခင်မလေး နန်းဆောင်ထဲသွားရအောင် "
ယဲ့ကျီက လီယွမ့်လက်ကိုပင် ဆွဲကာ နန်းဆောင်ဆီခေါ်ခဲ့သည်။
လီယွမ့် နန်းဆောင်က ထွက်မသွားခင်က အတိုင်းရှိနေသည်ကိုမြင်၍ လီယွမ် ဝမ်းသာမိသွားသည်။
" အရင်အတိုင်းပဲ "
" ဟုတ်ပါတယ် ... အရှင်မက သန့်ရှင်းရေးလုပ်တာကလွဲပြီး ဘာကိုမှ မထိဖို့ အမိန့်ပေးထားပါတယ် "
" ဟင် ဟုတ်လား "
" ဟုတ်ပါတယ် သခင်မလေး "
လီယွမ် ထိုင်ခုံမှာထိုင်ရင်း နန်းဆောင်ကို ဝေ့ဝဲကြည့်နေမိသည်။ ပြီးတော့ တစ်စုံတစ်ခုကို သတိရသွားသည်မို့ ...
" ယဲ့ကျီ .... ဆံထိုးရော ငါ့ဆံထိုး ! "
~~~~~~~~~~~~
" အရှင်မ အခု အမတ်တွေက ညီလာခံ ခန်းမထဲမှာ စောင့်ဆိုင်းနေကြပါတယ် အရှင်မ တစ်ချက်လောက်သွားပြီး..... "
" ငါမသွားဘူးလို့ ပြောနေတယ်လေ ရွှယ်ချန်! "
အရှင်မက ခပ်အေးအေးပင် ရေနွေးကိုငဲ့သောက်နေသည်မို့ မတ်တပ်ရပ်၍ တောက်လျှောက်ပြောရသော ရှင်းရွှယ်ချန်မှာ ညောင်းလာသည်ဟု ခံစားရလေသည်။
" ထိုင်ပါဦး ရွှယ်ချန် "
" အရှင်မ ... ဒါကတော့ မဟုတ်သေးဘူးလို့ ထင်ပါတယ် "
![](https://img.wattpad.com/cover/345561750-288-k800763.jpg)
STAI LEGGENDO
Gentle & Cruel : Empress Li Yuan
Narrativa Storicaချစ်ခြင်းက ပိုးဖဲသားလို နူးညံ့တတ်သလို မိစ္ဆာတစ်ကောင်လိုလဲ ရက်စက်တတ်ပြန်တယ် Own Creation (Both Uni + ZG) Own Universe Start Date - 18 . 3 . 2024