في جحيمهم عالقة

بارت (26)

الكاتبة: - زينب الحربي
حساب الانستكرام: -1oz_w

…………………………………
‏حِزن گلبي بـ حَچي عُيونَك
يطُك رماد
أحضُني نِده بچَف ،
افز لكُل وَطَن بَغداد

……………………………
ريم :- نمت ومرتاحة اول مرة انام هيج مرتاحة نمت نومه مريحه كعدت الصبح غسلت وبدلت
البيت هدوء وغراضي مرتبة كلشي مرتب وهادئ عكس الايام والاشهر الي فاتت جان كلشي مخربط حياتي و نومتي وكلشي صفنت بروحي اعتبر هذا انجاز اللي سويتة بحياتي واشتغلت ع نفسي منتضرة بس جهالي اجيبهم صحيت  من صفنتي ع تلفوني دك من الشغل جاوبت الولد اللي يشتغل وياي كال

_شلونج

_طبعا لهجته لبنانيا  المهم كتله الحمدلله بخير انت اشلونك شخبارك

_اسال ع اخبارك انا منيح انتي اشلونك اليوم داومين ؟

_كتله اي اداوم ليش محتاج شي

_يلا انتضرج راح احضر القهوة على ما تجين

_كتلة  اوكي وسديت الخط  كملت كلشي وقفلت الباب وطلعت  صعدت تكسي  وصلت لشغل سلمو عليه الولد وباركولي ع شقه وكل واحد جايبلي شي للبيت وهدايز جان ويانه شيف خطيه جايبلي مواعين واحد جايب كدورة صغار وشغلات اتجنن صدك فرحت عبالك اهلي اخذت الغراض ضميتهم وبديت بشغلي و شوي واجه ربيع جايب الكهوه وجاي كعدنا على صفحه لزن جان ماكو شغل الصبح
وضلينا نحجي

_ جبتلج الكهوه نفس ما اتحبيها ساده

_  اي احبها سادة

_ بس غريبه اول مره اشوف بنيه تشرب الكهوة ساده

_ اني اشربها هيج لان تشبه حياتي هم مره

_  يلا بلا نكد هسا انتي بديتي حياة جديد ولازم اتعيشين لنفسج و تحاولين تاخذين اطفالج واني يمج

_هو دائما جان يحفزني ع الشغل وينصحني كملنا حجي وكمنا ع شغلنا مر النهار عادي وكملت شغل و اخذت اكل ورجعت للبيت والغراض جانن هواي بلكوه صعدتهم  فتحت الباب وسميت ودخلت  كبل بدلت هدومي الله هسة اكدر البس ملابس بيت براحتي بدون ما اتقيد شغلت التلفزيون طلعت فلم ع النت  وبقت  ارتب الغراض  خطيه حتى سله مال حمام جايبين فعلا مرات الغريب يصير احسن من الاهل    رجعت كعدت اتفرج واكل. جان الفلم حلو مال احمد حلمي كلش احب افلامه كملت اكل والفلم خلص لميت الغراض وكمت رتبت المطبخ رحت غسلت وطبيت نمت ثاني يوم نفس الروتين مر شهر واني على هل حال فد يوم واني بالشغل اجاني فيديو من امي فتحته جهالي دا يلعبون  ويضحكون من صدمتي كعدت وره البراد اباوع وابجي  شفت ربيع جاي يركض

_  الله الله  شبيج

_شوفته الفديو كومني جابلي مي  وره شوي هديت خابرت امي كبل كتلها منو دزلج الفديو