في جحيمهم عالقة

بارت 21

الكاتبة: - زينب باسم
حساب الانستكرام: - zienab_alharbi

……………………………………
كان يكفيني لو أنه لمس خوفي فيتلاشى، لكنَّه تخلى عن فكرة الاكتراث من أجلي منذ مدة.

………………………………………
ريم: -
بعد ما قرت الملاية علئ الصديقات جنت محتاجة حجة حتئ افرغ القهرة البكلبي كطعت روحي تكطع لحد ما طحت علئ صفحة ليش ليا ليش هيج مكتوبلنة ليش صار هيج وياج مو اتفقنا نتزوج ونخلف سوية لو ندرس سوية بالنهاية شنو انتي بجهة واني بجهة انتي رحتي وخلصتي من هاي الدنيا الخرا واني بعدني بيها بجيت بجيت لحد ما فقدت الوعي ورة فترة كعدت بحضن امي باوعتلها وصوتي مطبگ ماما خلاص ماكو ليا يمة كسرتني كسر بروحتها تدرين شكد دورت عليها بس لمن لكيتها ماتت لو ما مدورة عليها مو جان ما ماتت جان هسة هي عايشة مو يوم اني فكر وين ما اروح تنفگر الناس من عندي هي حضنتني حيل وحجت بكلماتها اللي تخلي روحي تهدا

_لا يمة لعد الله اذا يريد ياخذ يخلي السبب بشي لا طبعا الله اخذها يمة خاطر ترتاح اكثر لان هاي الدنيا مو مال راحة كومي ارتاحي وادعيلها

_وخرت من حضن امي ورحت لغرفتها الخاصة شفت ملابسها مطشرة كعدت بالغرفة تذكرت موقف مرة زعلت من امي لان جانت تحبها بكدي واني وحيدتها جنت كلش انانية بحب امي ما اقبل تحب اي وحدة وياي جانت ليا تخبث عليه تفتر داير مدايري علمود انغث وتروح تحضن وتبوس بامي فزيت من شرودي دموعي تجري باوعت لكنتورها هنا داتخيلها كدامي داتخيل تلبس كل ساعة لبسة وتاخذ رايي مثل قبل كل اشوية تكلي ريم حلوة مو ومن اكللها اي تكلي غصبا عليج بجيت بصوت ناصي واني اتذكر كل ذكرئ حلوة وياها طلعت باكيتي وضليت ادخن لحد ما متت من التدخين بس كلبي مجاي يهدا اتذكرت الملاية كالت اذا تشتاقون الميت وتريد تتحلمون بي اقرو سورة (يس) وضلو كررو بيها كمت طلعت من الغرفة كلها نايمة لان مر اهواي وقت واني جوة  توضيت وفرشت سجادتي وصليت ركعتين الها وبلشت اقرا سورة (يس) واني دموعي تجري قريتها اكثر من مرة بنية انو اشوفها بالحلم ابجي وادعي يارب اشوفها كمت لميت السجادة وتمددت وغفيت بفراشها وبغرفتها وبالحلم جن هي كاعدة كبالي يم الكنتور بس مو متربعة لا رافعة رجليها لصدرها. وخالة اديها فوك رجليها وحاطة راسها علئ رجليها تقربت منها ليا حبيبتي ليش ضايجة بعدت ايدي ليا ليش ضايجة

_ابني ضاع مجاي الكاه وانتو مجاي تدورون وياي

_بس ليا انتي ما عندج ابن

_عندي بس هسة ضاع ومحد منكم يكوم يدور وياي عليه

_خليت ايدي عليها وفزيت امي تصيح باسمي رفعت راسي هسة وقتج ماما ها شنو صاير

_كومي ماما. الناس راح تجي

_كمت من يمها طلعت لبنت خالتها كلتلها هيجي وهيجي السالفة وسولفتلها الحلم كلة