في جحيمهم عالقة

بارت 22

الكاتبة: - زينب الحربي
حساب الانستكرام: -zienab_alharbi
…………………………

لا شيء ألذ من أن تڪون بطل نفسك ، أن تهزم إنڪسار روحك ، أن تمضي في هذه الحياة ، شخص شُجاع ، تعرف ماذا تريد ، و تعرف تمامًا ڪيف تحصل عليه

…………………………

ريم: -
كملت ‏الفاتحة ورجعنا للبيت حيلي مهدود اني مو زينة كلشي بية مو زين حيلي رايح احس بالوحدة الفضيعة كلش رجعت نمت جفي ثاني يوم كعدت سمعت الباب يندك كمت فتحتة شفتة هو بدون سلام سحبني لحضنة وحضني دفعتة وكتلة شعندك جاي

_جاي اشوفج واشوف الجهال مشتاقلهم

_كتلة باستهزاء اي تشتاقلك العافية يلا شوفهم بسرعة واطلع برة وصدك شافهم وحضنهم وباسهم وخلة عدهم 10 الاف ضحكت بكلبي شهور صارلة مسائل عنهم وهسة انطة عشرة وراح دروح دنعل حضي الفكر اشوية واجتي امي الضاهر تدري بي جاي باوعتلها كلتلها شكو

_رايحة لدهوك عندي فد مشروع وصديقاتي هناك واني مو صغيرة لازم نشتغل لعد منو يصرف علينا منو يلمنا العوز يكتل اروح وحدي ارتب اموري وبعدين ارجع اخذكم كلكم ونعيش هناك احسن من الكعدة

_زين واني شنو وضعي ضالة معلكة

_ما اعرف ماما نشوف شيصير

_باوعتلها واني مكسورة بعد كل هذا الصار وكل اللي سمعتي ما اخذتي عبرة وتبتي منهم لحد ما اموت الا تتندمين ذاك الوقت اباوعلها سكتت عفتها وكمت صعدت فوك سطح العمارة اللي احنا كاعدين بيها اشوف الدنيا المغرب رفعت راسي للسماء ضليت ابجي علئ حالي وعلئ جهالي وعلئ الوحدة اللي اني عايشة بيها حتئ امي ما فهمتني وما خافت عليه. بجيت لحد ما تعبت رفعت راسي للسماء ربي تعبت وبقت يمك تنصفني وتريح بالي دخنت اخير جكارة ونزلت لكيتها تلم بغراضها وابد ما همها الحجيتة وياها كلتلها ماما يم منو راح ترحين

_صديقاتي هناك اتواصلت وياهن وهنا يشتغلن هناك

_ماشي كامت حضنتني وانطتني مصرف بالليل حضنتها وودعتها وكلتلها الله وياج وصفيت وحدي وي 5 جهال لازم ادير بالي عليهم كلهم. ضلينا وحدنا لليل عشيتهم ونيمتهم ونمت اني كعدت الصبح وي اذان الفجر صليت وحمدت الله وشكرتة ع كل حال ورجعت نمت لل7 وكعدت اخذت ابني واختي اثنينهم عمرهم 5 سنوات اخذتهم سجلتهم بالروضة ورجعت بس ضل بالي يمة ميحب الاختلاط هذا ويضوج من الصوت يارب بلكي يتغير اشوية سويت غدة وكعدنا نتريك اني والجهال كوة امشي الوقت وياهم لليل واجة المحروس الشفية دك الباب كمت كلت منو

_اني ريمي افتحي الباب

_فتحت الباب وكتلة خيررر شكو جاي

_شنو خير مو زوجج اني تعاركت وي امي وجاي اعيش يمكم وانتو وحدكم اخاف عليكم

_ضحكت باستهزاء همزين حسيت المهم امي مو هنا وصراحة عندي خمس جهال ما اتحمل واحد سادس اصرف عليه دفعني ودخل للبيت ولا جن احجي وياه خابرت امي وردت كلتلها الو