في جحيمهم عالقة

بارت (11)

الكاتبة: - زينب الحربي
حساب الانستكرام:-zienab_alharbi

………………………………

تهون يچويات رﯢحـيہ لمااظن تطفى

……………………………

ريم: -
من بعد تصرف امي اجتاحني البرود لدرجة كام يخابر كدامي واني ساكتة وعادي عندي يجي يشرب اشرد منة واروح لغرفتي واتركة واخذ ابني وياي خاف يحشمة الشيطان ويضرب ابني او ياذي وهو مو بوعية كرست حياتي لابني احمد  بقة يراقبني ونضراتة زايغة واني لابستة مالي خلكة كلش من بعد ذيج الفترة امي اختفت وعبالك اني مو بنتها كامت متجي بس بالمناسبات مدري شنو الغيرها عليه واني جنت وحيدتها مرت شهور الحمل شفت المر شفت التعب شفت القهر والعذاب النفسي اطلع اشوف البنات لبسهم واحذيتهم وشخصيتهم تموت واني حسرة عليه كلشي بعد ما جنت مدللة امي ومتعز شي عليه. بيت خالي وبيت خالاتي احسن لبس يلبسون بس اني حسرة عليه كلشي مو مقارنة ابد والله بس دانقل صور عذابي بالتفصيل وصلت لشهر التاسع بصعوبة حيل قوية بالكوة وصلت بس الله يحبني ووصلني لهنا الله ميريد ياذني مشكور محمود ربي اجتنا طيبة مقهورة دكت الباب وكعدت يمي كلتلها خير يا طير لا سلام لا كلام علئ الاقل سلام عليكم

_اعذريني حبي ضايجة والحسن

_خير شكو شبيج شصاير جرت حسرة وكالت

_احمد طلك زهراء  ما ادري شبيهم عين الما صلت علئ النبي مدري شجاهم

_تحجي وهي مقهورة وتجر حسرات اني ضليت فاكة حلكي ومصدومة عليج العباس تحجين صدك

_اي وداعتج طلكها اليوم ما اعرف عليمن وما ادري شنو الصار محد يقبل يحجي

_الله كريم حبي الله يعوضهم هم الاثنين الله يرجعهم اذا بيها صالح زين انتي شبيج شو مو علئ بعضج يعني متغيرة ضعفانة صاير شي

_اي كالعادة تعاركت وياه واجيت زعلانة

_شريد اكللها واواسيها واني حالتي اسوء منها بقاطات كلتلها حبي الله يقدم البي صالح وصدكيني رب العالمين ميخليج تخطين خطوة الا يعرف انتي كدها الا يخليج تخطين زين لو لا ميخلي واحد باختبار هو مو كدة بس يدري بهذا الشخص عندة هاي القوة بحيث يتخطة امور الحياة اباوعلها تبجي انقهرت عليها خليت ايدي علئ جتفها وهزيت راسي حجت من بين دموعها

_شكرا جزيلا تعبتج وياي

_لا وليهمج احنا اخوات وصديقات باي وقت تعالي ترخصت من عندي وراحت لليل وحسين ماكو اندك الباب كمت كلت منو

_هذا اني ريم افتحي الباب داحاجيج

_فكيت حلكي وحيلي كام يرجف من الخوف هذا شيريد هسة واذا اجة حسين وشافة ركض يكول حبيبج ويطلكني دخيلك يا علي احضرنا مرديت عليه ولا حجيت

_شوفي خلي ببالج ما اعوفج ابد ابد طلكت زهراء بس نهائيا ما اعوفج نهائيا اني احبج واريدج اتزوجتها حتئ ابقة قريب منج واشوفج ومتكدرين تبعدين عني ابد