في جحيمهم عالقة

بارت (12)

الكاتبة :- زينب الحربي
حساب الانستكرام: -zienab_alharbi

……………………………
انا التي في عز الهشاشة حافظت علئ التوازن ولم اسقط فالسلام لي حتئ يفنئ السلام

……………………
ريم: - داشوف الاحداث اللي دتصير بالعراق وكلبي يتكطع عليهم بردا وسلاما يا الله فترة واجاني حسين

_ريم احنا راح ناخذ الجهال ونروح لمصر يم اختي هناك العراق صاير خطر

_باوعتلة مصدمة ها بس اشلون امي واهلي هنا هناك غربة محد الي واشلون نترك بلدنا ونروح

_ديلا لا تحجيلي بالغربة ومدري شنو اذا تريدين ابقي يم امج واني اخذ محمد ومصطفئ واروح

_انت ما تخاف الله ضليت ابجي هو سكت عني بس كال

_حضري روحج لو تروحين لمصر لو تروحين يم امج

_خضعت للامر الواقع واخذت تلفونة خابرت امي واني ابجي يمة راح نسافر ميقبل يخليني هنا سمعت صوتها تبجي علئ بجيي

_يمة شبيدي عليج اخليج يمي بعيوني بس جهالهم ما ينطوهم وادري بيج تموتين وراهم

_فكيت عيوني لالا اروح وياهم بس تعاي اشوفج قبل ما اروح

_بعيني يمة اجي واضل يمج اشلون افاركج ما ادري والله

_سديتة من امي طبعا خالتي وعلي راحو من زمان يم اختهم بمصر وسوو الاقامة وهسة دزو علينا حضرت الملابس والجنط وكلشي ثاني يوم رحنا اني والمحروس نكمل اوراقنا وبالف يا علي الا كملنا اوراقنا وسفرتنا قريبة عكب باجر ضليت يم بيت خالي وخالتي من هذا الهذا واكفة ببيت خالتي وسمعت الباب يندك كامت خالتي فتحتة واسمع المباوس اجيت اشوف منو اجة لكيتها امي شمرت روحي بحضنها شبكتها وبجيت بجي مصاير وهي هم تبجي وحضنتني

_يا يمة يا ريم يا عزيزة كلبي كلها ما تجي بمعزتج اعذريني اذيتج بالكلام وعلي مو بيدي

_مسحت دموعها لا تحجين هيجي ما زعلانة منج واا ضايجة ان شاء الله اجي اشوفج قابل راح اضل بمصر هديتها كوة وكعدنا نتعشئ وخوالي وخالاتي داير مدايري بيوم السفرة المحروس واكفلي بالباب ودعت خوالي وخالاتي كالت خالتي

_غادة هناك يمج صيرن كلب ع كلب وعوفن مشاكل الحموات وسلميلي عليهم كلهم وخلي عينج بعين الله كل ما تبجين باوعيلة ادري محد الج هناك مودعة بالله ورسولة يمة الله دائما وياج ما ينساج

_بجيت وحضنتها كلتلها ان شاء الله خالة تغدينا يمهم وطلعنا ب4 العصر للمطار بس امي وياي وصلنا للمطار وهي بس تبجي كملنا كل الاوراق وكلشي رجلية صارن خيوط ست ساعات احنا بس نفتر وامي وياي تبجي واني اهديها عاد كملنا وكعدنا بالاستراحة من التعب خليت راسي علئ جتف امي وغفيت بالحلم عبالك رجل خالتي يبتعد كلش يبتعد وما نكدر نلحك بي نحجي وياه وعبالك بيناتنة حاجز فزيت من النوم كوة اتنفس امي فركت صدري