في جحيمهم عالقة

بارت (23)

الكاتبة: - زينب الحربي
حساب الانستكرام: -zienab_alharbi
…………………………………

شهالضياع المالة تالي
انة من يا وكت صاير لا ابالي
اني اول تالي افز ما عندي غالي
من يمتة البرود بروحي هجي
شغيرج يا روحي احجي

……………………

ريم: -
دخلت امي واني منتضرة تنطيني الخبر ها يوم بشري

_قبل يطلكج سيد راح اخذج يم صديقتي هي تعرف هناك بالكاظم

_اني كيفت ما اريدة بعد وصدك ثاني يوم اني وامي وصديقتها طلعنا للكاظم ورحنا للسيد واجة كعد حجتلة صديقة امي السالفة

_بابا متاكدين من قراركم تريد تطلكون

_كتلة اي طبعا فلوس الطلاك وكلشي علية وعلئ امي كملنا كلشي. كال انتي طاهرة كتلة اذا اللي ببالك فصار اربع اشهر زعلانة وما متقربلي النوب طفت الكهرباء راد ياجلة بس اني ما قبلت شغلت الفلاش وكمل كلشي وطلكت وطلعت فرحانة وحزينة بنفس الوقت ما ادري عليمن واخيرا خلصت منة بس حزينة علئ ايامي المرت راحت صديقة امي واجتي اشلون الضايجة كلتلها شبيج

_ديبجي هناك

_يطبة مرض هو هذا اليضيع النعمة من ايدة طلعنا للسوك واشتريت عباية جديدة وكيكات و حلويات وكلشي سويت حفلة واجن صديقاتي وصورت فيديو نزلتة علئ الفيس لهسة موجود وهو مات يدز رسائل واني لابستة مرديت عليه راحن البنات نامت امي خليت راسي علئ المخدة ورجع كلشي بجيت مدري عليمن. ثاني يوم اني وامي طلعنا للشمال اني والجهال وامي بس هالمرة اصعب كلش امي متدز مصروف بالكوة لليل خابرتها وردت عليه كلتلها يوم محتاجة ما عندي مسواك ولا اي شي

_يمة حتئ اني ما عندي بيعي الغراض العندج واشتري مسواك

_جريت حسرة اوف ياربي سديت المبايل وصدك اخذتهن وبعتهن وهم ما كفن النوب رجعت خابرت امي وكالت

_والله يا يمة ما عندي روحي يم بت خالة ليا لما تنحل المشاكل

_بس ماما زوجها ميت وبس هي وابنها يعني شيوديني يمها واني حتئ بفاتحة زوجها ما رحت

_دروحي يا يمة هي تكيف

_ماشي يوم ماشي اخذت الجهال وركبت السيارة واخذتهم ورحتلها وصلنا دكيت الباب فتحتلي الباي شافتني وتفاجات والله حضنتني ودخلتني جوة

_يمة هلا بريم زارتنا البركة وعلي فد مكيفة بيج وضايجة همزين اجيتي

_بعد عيوني يروحي انتي لولو اريد اضل يمج كم يوم لحد ما تجي امي ولو ثكال بس تحميلنا

_يا صدك جذب ادللي هم تردين عليه وحشتي اشوية ما اقبل تحجين هيجي

_حضنتها وطبيت جوة وضليت يمها هي هم ما عدها اول ايام اني اصرف علئ الجهال لامتلي كم فلس بس حفاضات وحليب وهي هم ما عدها  اني دورتلي شغل  اشتغلت صالون قريب حتئ اساعدها بدون ما امي تعرف وهي اساسا متخابر كل فترة ضليت علئ هالحال اسبوعين الئ ان بيوم انفتح الباب وطبت علينا ركض كمت علئ حيلي متفاجاة ماما بس عاطت حيل بدون حتئ متسلم