CHAPTER THREE
NAPASUNOD ang tingin ni Sebastian sa mataray na
dalaga. Mukhang kakain din ito at ang dalawa pang
kasama nito sa snack bar na iyon. Ang mesa na halos
nasa likuran lamang niya ang pinuwestuhan ng mga
Ito.
Alam niyang coincidence lamang ang madalas na
pagkakasabay nila ngunit hindi niya maiwasang mainis
kapag naaalala ang business deal na nawala sa mga
kamay niya dahil sa babaeng iyon.
Habang kumakain siya ay malimit na tinatapunan
niya ng tingin ang mesang kinaroroonan nito. Wala siyang
ibang alam tungkol dito kundi ang family name nito---
Rodriguez.
Malakas ang boses ng isa sa mga kasama nito kaya
naririnig niya ang sinasabi.
IF I were you, Jelena, pasusubaybayan ko si Dad
Men are experts in lying. Kahit nagsisinungaling na sila,
mukha parin silang totoo. Lalo na kung alam nilang mahal
na mahal mo sila.
Natigilan siya pagkarinig niya sa pangalang sinambit
ng babae. Jelena?
Jelena Rodriguez?
Bigla niyang nabitawan ang hawak na tinidor. Muntik
na siyang mapatayo mula sa kinauupuan. Muli siyang
napalingon sa kinaroroonan ng babae.
Siya rin ba ang Jelena Rodriguez na gusto ni
Tita Delia na paibigin ko?
Hindi. Baka naman kapangalan lang. Hindi
naman siguro iisa lang ang Jelena Rodriguez sa
Pilipinas. Siya rin ang bumawi ng ideyang iyon.
Natukso siyang muling lingunin ito. The woman was
beautiful. Gorgeous. She looked smart and vivid, strong
willed and tough. Mukhang hindi ito ang klase ng babaeng
madaling mapapasakay at malilinlang. At ayaw niyang
isiping ito ang babaeng tinutukoy ng Tita Delia niya.
Pero paano kung siya nga?
Napangiti siya. This seems to be challenging:
Kahit tapos na siyang mag-snack at inuubos na
lamang niya ang iced tea ay hindi pa rin siya umalis ng
snack bar. Hihintayin niyang maunang lumabas ang
babae at ang mga kasama nito. May binabalak kasi
siyarito.
Mayamaya ay napansin niya mula sa sulok ng
kanyang mga mata na tumayo na ang grupo ng mga ito.
Nauuna ang dalawang kasama ni Jelena. Ito ang nahuhuli
sa paglalakad.
Bahagyang iniumang niya ang kanyang isang paa
nang dumaan ito sa gilid niya.
BINABASA MO ANG
Man Of My Dreams (The Heartbreaker) - Cora Clemente
RomanceWalang ibang mahalaga para kay Sebastian kundi ang makuha ang kontrol ng kompanya ng kanilang pamilya. Ngunit may isang kondisyong inilatag sa kanya ang tiyahin niya na dating kumokontrol sa kompanya. Mapapasakanya ang hinahangad niya kung mapapai...
