දෙහදක කඳුලු (Yizhan Short Story)

03📖️

නුඹ හා හමු වී මොහොතක් තිබුනි
නොදැනිම ගෙවෙනා
ඈ මා මෙහි වී මොහොතක් රැදුනි
සිතුවිලි මැවෙනා

ඔය නෙතු හමුවන තුරු පාර දිහා
බලමින් තව වෙහෙසයි දෑසට මා
කිමදෝ පමා වූ ඒ කාරණා.........

.

.

.

.

.

ස්කෝලෙ දානෙයි පිරිතයි ලබන සතියෙ නිසා තාත්තා හවස ඒ වැඩ වලට බිසී වෙද්දී මම අදත් පුරුදු විදිහට බස් එකේ යන්න පාරට ආවා..

ඇත්තමයි මේ වෙලාවට තමයි හිතෙන්නේ විහඟි කිව්වාත් වගේ බයික් එකක්වත් තිබුණා නම් කියලා..

පුරුදු හෝල්ට් එකෙන් බස් එකට නගින්නෙ නැතුව ඉයර්ෆෝන් එකත් කනේ එක පැත්තකට දාගෙන කුඩෙත් ඉහලන් මම පාරෙ අයිනෙන් ඉස්සරහට ඇවිදන් ගියා..

අද මෙතුල් ගෙදර යන්නෙ ප්‍රින්සිපල් මැඩම් එක්ක කිව්ව නිසා මම එයාව සමදරා අතේ මැඩම්ගෙ ඔෆිස් එකට යැව්වෙ ඊයෙට වැඩිය අද පොඩ්ඩා සතුටින් කියලා තේරුන නිසා..

සමහරවිට රාද් මෙතූ එක්ක ඊයෙ රෑ ගෙදර ඉන්න ඇති..

වෙන පොඩි ළමයින්ව එක්කගෙන යන්න එන්නෙ අම්මා තාත්තා.. ඒත් මම අද වෙනකම් දැකලා නෑ මෙතුල් අම්මා තාත්තා එයා වෙනුවෙන් ස්කෝලෙට එනවා..

තාත්තා කිව්වාත් වගේ පිටට නොපෙන්නන ප්‍රශ්න ගොඩක් එයාලාගෙ පවුල ඇතුළෙ තියෙනවා වගේ..

බාප්පියි පුතායි දෙන්නාම පව්..

මම ප්‍රාර්ථනා කරනවා කවදාහරි කවුරුමහරි කෙනෙක් ඔයාලා දෙන්නාගෙ ජීවිතේට සැනසීම අරගෙන එන්න කියලා..

ඔය නෙතු හමුවන තුරු පාර දිහා
බලමින් තව වෙහෙසයි දෑසට මා
කිමදෝ පමා වූ ඒ කාරණා.........

ඉයර්ෆෝන් එකෙන් ඇහුනෙ සිංදුවෙ පද අතරේ මට රාද්වයි මෙතුල්වයි මතක් වුණා..