Unicode
''ထားထား နင်ကဘယ်နေ့ပြန်မှာလဲ''
အိမ့်မှူးစကားကြောင့်ထားထားမှာမျက်စိမျက်နှာပျက်သွားရသည်။
ငွေ့ရည်ကတော့အိမ့်မှူးကိုတစ်လှည့်ထားထားကိုတစ်လှည့်ကြည့်ကာအသံတိတ်နေ၏။''ငါတစ်ရက်နှစ်ရက်လောက်ထပ်နေလို့မရဘူးလား ငါ့အစ်မတို့ကခုထိမပြန်သေးလို့''
''နင်ပြောတော့တစ်ပတ်တည်းဆို ခုကတစ်ပတ်ကျော်နေပြီ''
''နင်ကငါ့ကိုနှင်နေတာလားအိမ့်မှူး''
''အဲလိုမဟုတ်ပါဘူး နင်ကတစ်ပတ်တည်းနေမှာလို့ပြောလို့မေးကြည့်တာ''
ထားထားကငွေ့ရည်ဘက်မြှားဦးလှည့်လာပြီး
''ငွေ့ရည် နင်ကရောဒီအိမ်မှာဘယ်လောက်ကြာအောင်နေမှာလဲ''
''သူ့ဘာသာဘယ်လောက်ကြာအောင်နေနေပေါ့ သူဒီအိမ်ရောက်တုန်းကဒီမှာဘယ်လောက်ပဲနေပါမယ်လို့မပြောခဲ့ဘူး''
''အေးပါ ငါကမေးကြည့်တာ ငါအိပ်တော့မယ်နော်''
ပြောပြီးထားထားကခေါင်းအုံးထက်လှဲအိပ်လိုက်လေ၏။
ငွေ့ရည်လည်းနေရင်းထိုင်ရင်းနဲ့အနေခက်သလိုခံစားလိုက်ရသည်။
သူမနဲ့ထားထားကြားမှာလည်းတစ်ခုခုကကာဆီးလိုက်သလို တစ်ခုခုကဝေးကွာသွားစေသလိုခံစားလိုက်ရပြန်လေ၏။____________
သဝဏ်တစ်ရေးနိုးလို့ အောက်ထပ်ကိုရေဆင်းသောက်ချိန်မှာမီးဖိုခန်းထဲကမီးလင်းနေတာကြောင့်သူမီးဖိုခန်းထဲဝင်ခဲ့လိုက်တော့ငွေ့ရည်ကခေါက်ဆွဲဗူးထိုင်စားနေတာကိုတွေ့လိုက်ရလေသည်။
''အဟမ်း''
သူချောင်းဟန့်လိုက်တော့ငွေ့ရည်ကသူ့ကိုလှည့်ကြည့်လာပြီး
''ဟာ ကိုကြီး မအိပ်သေးဘူးလား''
''ဘယ်ချိန်ရှိပြီလဲခုက''
''12ခွဲနေပြီထင်တယ်''
''အဲဒါကိုမအိပ်ရသေးတာဖြစ်မလား တစ်ရေးနိုးလာတာ''
''ဪ''
သဝဏ်ရေခဲသေတ္တာထဲကရေတစ်ဗူးကိုယူသောက်ပြီးမှ