Make You Mine Season 2 | Heartful Academy 1

Chapter 10

"Haku, it's been a long time na rin na natulog akong may yumayakap sa 'kin. Hindi ko nga alam kong na-experience ko na ba dati ang mayakap tuwing oras ng tulog. Kasi wala na akong maalala eh. Ang hirap no'n 'no?" Sabi ko at hindi na siya nagsasalita. "Mukhang mahimbing na nga ang tulog mo. Sige na, good night na."

"We could do this all night. It was fine for me." 'Yon na ang huling sabi niya tsaka kami natulog na.

Dahan-dahan nagmulat ang mga mata ko at kahit gusto ko pa matulog ay agad naman pumasok sa isip ko na kailangan ko na bumangon at kumilos dahil may taping pa. Dahan-dahan akong napalingon sa gilid ko at laking gulat ko nang makita kong wala ng suot pang taas si Haku.

"Uy tangina! Ba't nakahubad ka na?!" Sobrang nagulat ako. "Taika, huwag mo sabihing may nangyari—" natigil ako nang bigla siyang tumawa.

"Oa mo masyado. Nagtanggal lang ako ng damit dahil naiinitan ako." Ngumiti siya. "Bakit, gusto mo ba may mangyari? Pwede naman natin gawin ngayon." Sabay kindat niya.

Sinapak ko siya. "Siraulo! Bumangon ka na, may taping pa tayo." Tumayo na ako at pumasok na sa shower at nauna ng naligo.

After preparation ay nag start na mag shooting sa iba pang natitirang mga scenes. Medyo mahihirap at pa-intense nang pa-intense ang bawat scenes, pero dahil nag cooperate naman ang lahat ay hindi rin kami natatagalan tumapos ng scene.

At syempre pagdating ng tanghali ay hindi mawawala ang aming pagsalo-salo dito sa tabing dagat. Nakalapag lang sa mahabang lamisa ang mga pagkain at kumukuha nalang kami. Ang iba sa amin ay nakaupo nalang sa buhangin at nag-kamay lang sa pagkain.

Kumukuha palang ng pagkain si Haku, meron na ako kaya nauna na ako sa kanya. Nakita kong mag-isa lang si Red sa kanyang lamisa, kaya lumapit ako. "Red, pwede ba ako dito?" Tanong ko at agad siyang tumango.

"Yeah sure!" Nakangiting sagot niya at umusog siya kaya tumabi na ako sa kanya. Habang kumakain ay nagkaroon kami ng pag-uusap tungkol sa career niya, kasi ang alam ko ay may plano siyang tumigil muna sa pag a-artista para muling mag-aral.

Masarap ang kwentohan namin nang biglang dumating si Haku sa harapan namin at napaka-seryoso pa ng titig niya. Walang salita-salita na hinawakan niya ang kamay ko at kinuha din niya ang plato ko. "Uy ano ba, nag-uusap pa kami dito..." inis ko.

Hindi niya ako kinibo at bakas pa ang galit sa mukha niya habang maingat niya akong hinila at inilayo dito. Hindi ako makaangal dahil sobrang bilis ng lakad niya. Dinala niya ako sa isang lamisa na malayo kay Red.

Hindi ko alam kung anong iisipin ko, kung nag-seselos ba siya, or nang-bwesit lang talaga siya?

Nawala ang inis ko at napalitan ito ng saya nang makita ko si Vincent na nandito sa lamisa kung saan ako dinala ni Haku. Inalis ko ang kamay ni Haku at agad akong tumabi kay Vince. "Hi Vince...kumusta naman kayo ni Blue dito, okay naman ba?" Tanong ko at tumango naman siya.

"Yes okay naman. Nag enjoy nga kami maging extra sa movie na 'to eh, at least 'di ba may nagawa din kami sa pagbisita namin sa 'yo dito..." halatang tuwang-tuwa siya.

Napalingon kami nang makitang papalapit na si Blue habang dala-dala ang pagkain niya at may hawak-hawak pa siyang Mogu-Mogu na strawberry flavored na pariho naming favorite. "Hi guys..." kumaway siya at nakangiti din akong bumati. "Hello Blue..."

Napansin kong nilingon ni Blue si Red, kaya napatingin din ako kay Red at nagkatinginan nga sila. Naunang umiwas ng tingin si Blue at inabot sa 'kin ang Mogu-Mogu. "Tian, sa 'yo nalang 'to, alam kong favorite mo rin 'to..." sabi niya.