وعَلى غيّرك چِذب ماترهُم الروُح
ومنو غَيرك يسَد حاجة نضَرنا ؟
يـَ أبن الناس غيَرك ماكو موضُوع
وهَـلبِت بالچذب شخَصك ذِكرنا
نسولِف بيك لأخر لحَظة بـَالليل
وتِرد مـِن الصُبح تشغُل فِكرنا .
بقلمي أنا مليكا الجبوري
لاتنسون التصويت و تنطوني رائيكم بالتعليقات 🦋
_____________________________
صافن على السما ماليني الضَياع
أَيدي وره راسي أَتنفس بهدوء عكس ضجيجَ الكلمات بدَاخلي
حسيت بخطوات هادئه على الحشيش تقترب مني
كعد بصفي سوه مثل حركتي
لهيم - شعدك اجيت
ميثم - احجي وياك شويه
كمت على حيلي عدلت كعدتي صافن بعيونه
- لهيم شدسوي بنفسك
لهيم - اخوي ترا هذا ميثم شدتحجي شبيك
ميثم - مو معناها نهاية الدنيا ادري صعبه بس مو هيج
كمت على حيلي عاكد حواجبي معاجبني الوضع
ركض ورايه لزم أيَدي يصيح :- ليش دتسوي هييج لهيم
لهيم - معليك بيه
ميثم - لك بابا دراستك ليش تهملها هيج !
لهيم - ماريد ادرس لا تدخل بيه
فرك وجها ياخذ نفس خازرني
- من باجر ترجع تداوم وتعوف الشغل يم حسن
لهيم - ماعوف الشغل
كلت هل كلام ودرت وجهي اريد امشي
بس استوقفني كلامه و هو يضحك بأسَتهزاء يحجي عليه
- عاجبَك تصيَر خدام عند حسن وأَنتوا اهل الخير
لهيم - شتقصد ميثم
ميثم - اقصد يلي فهمته
لهيم - كلامك مابي شي مفهوم ولا اله اي معنى و داعي
ميثم - لعد عادي عندك تشتغل عند حسن بدون راتب هيج
لهيم - طُز بالفلوَس أَخر همي
ميثم - لك بابا تعبك هذا تشتغل من الصبح لليل و ديستغلك حسن ابشع استغلال وانتَ بكل برود تكولي طُز ! عاد اخذ حقك
صفنت عليه بملامح بارده وهمست
- مالها معنى الفلوس عندي ميثم ماتهمني طُز.
تركتَه و رحتَ وره المعمَل أَطلع من جيبي شي
هذَا الشي يلي جان أَبوي طوَل عمره مايخلينا نشَم ريحته
بس أشتَريته .. مو علمود شَي بس رايد أَرتاح وماكو بغيرهن راحه
أنت تقرأ
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
