أَغمُض، عود أَجيسَك بالحلم
تاخِذني زَخّه الوم
وأَكَلك ليش وازيَت العُمر
يفلان
يَفلان العُمر يفلان
وجوالكَ مَخَدتي،
وإنطُر الشُباك
يجِيبَك،
وانتَ عِريس الليل و القداح
ياهَلَبت تِجي وترتاح
يـا مفتاحَ فضه
المارهـمَ غيرك عليـه
مفتاح .
بقلمي انا ايڤين ❤️
_________________________
- كوم يمه تاخر الوقت لا يروح عليك الامتحان كوم وانعل الشيطان شهل نوم هذا
سميدع - كايم يمه كايم
- اووف منك ضليت الليل كله تدرس ومانمت وهسه مابيك حيل تكعد تروح لدوامك يلا يمه اروح اجهز صينيه الريوك الكاك كاعد
سميدع - ماردت اتعبها اكثر كمت غسلت وجهي ولبست ملابسي شلت الكتب اخليهم بالجنطه هل سنه اني سادس لازم اشد حيلي اطلع المعدل الي اكدر افرحهم بي ومايحسون تعبهم راح على الخالي بلاش
طلعت من الغرفه جانت كاعده قريب من يم الصوبه بايده كتاب تقره دعاء الصباح بصوتها الجمهوري الي بكل بساطه يدخل الراحه والسكينه بداخل كل جزء وكل مسام من جسمي
قوري الجاي فوك الصوبه وبصفها صينيه الريوك سله الاستكيان مال الجاي رغم بساطه الموجود بس عندي يسوه هواي واهم شي عندي هيه انتبهت على وجودي
- تعال يمه شون جاي حار وهاي الخبزايه من تنور لايدك
سميدع - عاشت ايدج يمه
- اكل يمه اكل ومعليك بكلشي المهم دراستك لا تشيل هم علينا مابينا شي
سميدع - الله كريم يمه ديري بالج على نفسج
- ولك يمه ماتعرف شي على اخيك صار فوك الاسبوعين ماكو كلبي يلعب نار عليه خاف بي شي مامرتاحه
سميدع - اهدي يمه مابي شي ان شاء الله يرجع سالم غانم وكلشي مابي
- اووف منه جم مره اكله لا تخلي بالي يمك ولك يمه اكعد واركد مايسمع الكلام اسمه يشلع گلبي كمل اكلك يمه ومعليك بهل سوالف
سميدع - ديري بالج على نفسج يمه ولا تضلين تفكرين ب حسين لو بي شي جان وصل النا خبر من وحدته
- وين يلحكون يايمه وهمه بنص الحرب اووف هل الحروب شسوت بينا شوكت تخلص ونرتاح مو ملينا وجزعنا
سميدع - ربج كريم يمه يجي يوم ونخلص من كل هذا يلا اني رايح مع السلامه
- يحرسك ابو الحسنين يايمه الله وياك
YOU ARE READING
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
