تارسني العِطش
واضحك بواهس غيَـم
المُطر مرات هَم ما ينحسب نعمة
بيها عناد روحي!
ويَ الهوى من يفوت
اذا يثكَل عليّ لو اموت ما اشمه
بقلمي أنا مليگا الجبوري
لاتنسون التصويت والتعليق بين الفقرات يحلوات 🦋🦋
______________________________
كاعد بالصَالة أَهز رجلي
أَحس بگلبي مخنوك أَحساس محلو بداخلي
خلة مُلهم يلي خابرتة زمرد حتى يجي وياي نروح لـ حسن
مُلهم - على بختك أَبو ضِغاب ؟
سميدع - أَخوية مُلهم يحجي وياي هيج فطر گلبي
ضَرب على جتفي يضَحك
- لا يمعود تلكي أَجتة الحالة وحجة هيج
سميدع - جان ديحجي بَشكل جدي مُلهم
مُلهم - جدي لو بيبيتي
رفعتَ راسَي صفِنت صِفنة مُطوله علية
رمشَت بعيوني أَرفع راسي لفوك :- ربي ألك بيها حكمة
مُلهم - والله مو قصدي بس دالطف وياك الجو
سميدع - مُلهم أَني بيَـا حال
مُلهم - أَعتذر أَعتذر هسه يجيب الجايات ونسَولف
هزَيت رأسي مستسلم
سميدع - خوش لعد أنتظر شعندي
دنكتَ راسي أَيدي على رجلية
صافن على الكاعَ .. شابَك أدية أَطكطكهن
أَخذت نفسي بهدوء أحَاول ولو بشوية
أَهدئ ألأضطراب يلي لازم گلبي من دخلتَ لحد هسَه
صَوت الرايدو و صدى إلحان الموسيقى
صَار الموال يتردد بساعتَها بلساني
صَرت أردد وراه بلا شعور
ياقامة الرشأ المهفهف ميلي بضماي منكِ لموضع التقبيل ِ
رشأ اطل دمي وفي وجناتهِ وبنانهِ أثر الدم المطلول ِ
ياقاتلي باللحظ أول مرة ٍ أجهز لثانيةٍ على المقتول ِ
مثـل فديتك بي ولو بك مثلوا شمس الضحى لم ارضى بالتمثيل ِ
أتلوا صحائف وجنتيك وانت في سكر الصبى لم تدر بالأنجيل ِ
افهل نضمت للآلأَ من أدمعي سمطين حول رضابك المعسول ِ
أشكو الى عينيك من سقمي بها شكوى عليل ٍ في الهوى لعليل ِ
فعليك من ليل الصدودِ شباهة ٌ لكنها في فرعك المسدول ِ
YOU ARE READING
السميدع
神秘 / 惊悚في إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
