اصفن ع زمن خلصتة بس هموم
واباوع ع زمن وشلون جازاني
اثاري بهل وكت ماينفع الطيب
والطيب يضل كل عمرا وحداني
واليمشي عدل ع نيه وي الناس
يضل طول عمرة مجروح ويعاني
بقلمي أنا مليكا الجبوري
لا تنسون التصويت وتعليق بين الفقرات كُلشي مُهم يحلوات 🦋
توضيح بسيط لان هواي حجيت بس محد دينتبه للأسف
ام زمرد وشهرزاد ماتت وحجيتها قبل هواي وذكرت هل شي 🩷
رزان وين ليش مختفيه ؟ رزان اطفالها ميقبلون تنذكر بالقصه وشكرًا الكم 🫂🩷.
_______________________________
لزمت ايدها ابتسم بوجها اقويها ، نمشي خطوه وننكسر ونتاذه عشره
صارت كدامي قطعه على ميز مكتوب عليها العقيد ياسر آلـ ****
بلعت ريكي بعد مارفع راسه وحجه :- تفضلو شون اساعدكم
طلعت المعاملات من جوه عبايتي خليتها على الميز
همست بصوت يرجف :- اريد اقدم شكوى ضد مُتيم و ديغم سعد
عكد حواجبه يلعب بشواربه صافن علينا
- ليش
زمرد - يردون ياكلون حقنا واحنا مانسكت
- وهسه انتوا مخربين خوتكم على ورث ؟
دفعتني شهرزاد صارت كدامي نترت بي
- شي ماتعرفه لا تحجي بي
- دتقدمون شكوه على اخوانكم
شهرزاد - وظيفتك تسوي شغلك على اتم وجه مو تنطي محاظرات
- جيد ماسويها اني
سحبت المعامله من عنده رفعت حاجبها تحجي باستفزاز :- اكو الاحسن منك لتسويها
طلعنا من المكتب مالته وحده صافنه على وجه الثانيه مانعرف شنسوي
هزيت راسي اهمس :- ربي سهلها
شهرزاد - هسه وين نروح
زمرد - لازم ارجع للبيت حيل دايخه
شهرزاد - مامكتوب النا نخلص من هل سالفه
ستونا تحركنا نريد نطلع استوقفنا نفس الشخص
مخلي ايده بجيبه وصاح
- تعالن اكملها
صارت كدامي شهرزاد لازمه عبايتها من يم الحنج حتى لا تطيح :- ماكو امشي زمرد
- ست زمرد خلي اختج تعقل
هدت ايدي فاتحه عيونها على وسعها
- لا والله خاف ماتقبل شنو تعقلني
- لا تصيرين هجوميه ست
- مو شغلك معليك
- تفضلوا للمكتب دقيقتين وتكمل
باوعت على شهرزاد اتوسل بيها بعيوني
عوجت حلكها تهمس
- امشينا
YOU ARE READING
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
