السواد الشفته منك
صار ع الايام طاغي
والاريدة وياك صفقة
اني اطلع من حياتك
وانت اطلع من دماغي
ولا يظل بالك علية
اني يمك واحس وحدي
ماستغرب من فراغي
بعد ميهمني وجودك
يـ الوجودك چان مُلفت
"من قبل اني گلتلك
لمن اعتب يعني احبك
وخاف مني لمن اسكت
وراح اسكت..
بقلمي انا ايڤين
امانه مو تنسون تتابعون حسابي @EvinJubouri980
تعليق على الفقرات يروحي + تصويت 🦋
_____________________________
ايدي على خدي دموعي تنزل بهدوء اتذكر الاحداث يلي مرت سريع كُلها بكم دقيقه ماحسيت بيها الا ابني كدام عيني طايح بالكاع من السطح
عياطي و لحضه دخول اخواني يشيلوه من الكاع يركضون بي للمستشفى جنت وراهم امشي و احس الدنيا تخنك بيه عيوني مانشفت من الدموع طول الطريق ادعي
اخذوه الدكاتره من اخواني دخلوه للجمله العصبيه و مناك لصاله العمليات بسبب النزيف يلي براسه .. محد يجي يطمني و يريح بالي اي شخص الزمه احجي وياه يكتفي بهز راسي و كلمه " ان شاء الله خير فوضي امرج لرب العالمين
هذه اليوم الثالث هو اخر مهله لو يعيش لو يموت و تنتهي حياته حسيت على ايد دافيه تسحب العبايه تغطي راسي بيها رفعت نظرتي على ديغم يلي لمني بحضنه
صرت اشهك من القهر على الي صار بـ هُجَام
يمشي ايده بهدوء على ظهري يهمسلي اسكت
ديغم - زمرده حبيبي لا تخافين هسه يصحى و يرجع زين امسحي دموعج
زمرد - كُله من وراي شون اعوفه وياهم صووجي والله اني مو خوش ام سببت الاذيه لابني
ديغم - مالج اي علاقه زمرده هذا شي مكتوب و لازم يصير لا تخلين هل الافكار تاكل براسج اكل استغفري ربج هذا قضاء وقدر
زمرد - شون ما خليها براسي و ابني بين الحياة و الموت اوووف يمه كلبي شيتحمل بعد
ديغم - دستهدي بالرحمن ياعيني مابي شي
كمت على حيلي بعد ما اجت المُمرضه تريد من عدنا واحد يتبرع بالدم رحت عليها اكُلها اني يلي انطي بس عالجوا ابني مستعده اتبرع بإي شيءٍ تحتاجوه
اخذتني من ايدي تهدي بيه حتى يسحبون مني دم .. وكف ديغم فوك راسي لازم ايدي يهديني يعرف بيه اخاف من الأبر
ESTÁS LEYENDO
السميدع
Misterio / Suspensoفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
