في المدرسه
كان ماسك خويه وولد عمته عند الدرج يخليهم يذاكرون ، من يوم ما جاء سعود للمدرسه ودرجات فيصل متغيره للأحسن وصار يرفع طموحه عشان كذا اول ما مسكهم سعود عند الدرج عشان يذاكرون استسلم لامر الواقع وبدا يذاكر مع سعود ومشاري فوق راسهم يهذري ويسولف ، جذب نظر سعود نادر اللي واقف وخايف وسط الساحة من نظرات اللي حوله ، لاحظ فيصل هدوء سعود والتفت صوب المكان اللي يناظر فيه سعود وشاف نادر الخايف من الناس اللي تناظره ، ابتسم بخفة ونطق
فيصل بهدوء : من يوم فاز بالقضية ودفعوا التعويضات ال سلمان لابو نادر والمدرسة كلها صايره تحترم نادر وما صار احد يقدر يتجرا على رفع نظره عليه ، وهو كونه شخص متوحد ما يحب المعاملة المختلفه والنظرات الغريبة ، عشان كذا هو خايف ذالحين
التفت سعود صوب فيصل اللي فهمه على طول وقام عل رجلينه
مشاري : وين رايح ؟
سعود بهدوء : لنادر !
اقترب سعود من نادر الخايف وفيصل ومشاري وراه ، حط سعود كفه على كتف نادر بشويش ونطق
سعود : نادر ؟
فز نادر وبدا يضرب يدينه على اذنه ويطلع اصوات منزعجة وخايفة وهو يبعد عن سعود بخوف
سعود وهو يهديه : نادر هد هد هذا أنا سعود صديقك ؟ اخوك !
نادر وهو يبتعد بخوف : نادر ما عنده اخوان ! نادر ماعنده صديق !
سعود وهو يحاول يهديه وتوتر معه : لا وانا اخوك انت عندك اصدقاء، أنا فيصل مشاري ، كلنا اخوانك وكلنا اصدقائك !
نادر بانفعال : نادر ما عنده اخوان !!!
سعود بتوتر رغم يحاول يهديه : طيب طيب ! أصدقائك ! أصدقائك حنا اصدقائك صح يا فيصل ؟ صح يا مشاري ؟
الاثنين مع بعض : صح !!
قرب فيصل صوب نادر لانه يعرف يتصرف معه افضل من سعود وقام يهديه معه ونجح لانه بالفعل قراء عن التوحديين ونجح الحين بان يريح نادر ويخرجه من النوبة اللي دخلها بسبب وحدة من المجموعات اللي تناظرهم بخوف ، عرف السالفة كلها من نظراتهم وكيف انسحبوا على طول وهم يناظرون سعود بخوف ، وعرف انهم السبب في خوف نادر وتوتره لكن فضل الصمت ويحلها هو لحاله لان سعود مع الاسف ما يسمي بالرحمن في ذي المواضيع ، وفي بداية هدوء نادر لسوء حظهم شافهم الإداري عساف صوب نادر وشاف نادر اللي كان يمسك أذانيه بخوف ، ولقى له فرصة من ذهب ضد سعود وفيصل نطق حتى المدرسة كلها التفتت صوبهم
عساف : ولد !!!
التفت سعود وراه وشاف عساف جاي صوبهم يقترب
سعود : فيصل ابو جودت اقبل !
تأفف فيصل بتذمر وهو فعلا ماله خلق له و عرف انهم دخلوا مشكله جديدة ، لكن مشاري اللي في عالم ثاني انهار من تشبيه سعود لان فعلا كانت كرشة عساف مثل كرشة ابو جودت وحركاته مثله ، لحسن حظهم كان الإداري مهند بعد موجود في الساحة ومن قبل سعود يلاحظ نادر كان هو اللي يراقب نادر بهدوء واللحين بيجي يتدخل حتى يشوف اخرتها مع عساف
عساف : بعد عنه!!
خاف نادر اكثر من نبرة صوت عساف وشوي ويطيح ويتكور على نفسه ، لان النوبة رجعت وبشكل اقوى بفضل عساف وبدا يضرب يدينه على اذنه من جديد وبشكل اقوى هالمرة بخوف وسعود تجاهل عساف وقرب يهدي نادر الخايف
عساف بغضب من تجاهل سعود له : ولد !! بعد عنه قلت !
كان سعود معطيه ظهره يتجاهله وبفضله صار نادر شوية يهدا لكن يفز ويرجع مثل قبل في كل مره يرفع عساف نبرة صوته وهذا اللي خلى سعود يتنرفز ، نزل نادر يتكور على نفسه ساحب رجلينه لصدره ويضرب راسه على ركبته ونزلوا سعود وفيصل معه يهدونه لكن كيف يهدأ وعساف من وراهم يصارخ ، ما اقدر يمسك عساف نفسه اكثر من تجاهل سعود وفيصل له خصوصا سعود ، واقترب صوبه وسحب ذراع سعود يوقفه على رجلينه تحت فزة نادر وخوفه وسحب جسد سعود له ، ناظرة سعود بحدة وشال يد عساف عن جسمه بسرعه وبحدة من تصرفه ومشاري ما تقبل فكرة احد يعامل ولد خاله زي كذا ونطق بحدة وغضب
مشاري : استاذ !!
كانت بتقبع بينهم لولا تدخل مهند وفيصل اللي سحب عليهم واخذ نادر بعيد عنهم لان كذا وسطهم وهم شوي ويتهاوشون ما ينفع
ESTÀS LLEGINT
صواديف الاقدار
Aleatòriamentشابان من عوالم مختلفة ، فيصل و سعود ، كلا منهما عاشا مر فقدان العزيز ، و كانت عائلتهما ضحيه لأمراض السرطان ، فقد فيصل اخته وتسبب ذلك في انغلاقه على العالم ، اما سعود فقد امه في طفولته واللتي ربته زوجة والده الاولى ، لكن ما عاشه لم يجعله انسان انطوائ...
