متعب : اذكر الله يا عدو العافية!!! اجل تبيه مثل الصامولي اللي في حضنك ؟ جيب جوالي منه بس !
كان بيرد فهد لكن قاطعه صوت رهف اللي كانت تصارخ بأعلى صوت تنادي فيصل بحماس ، التفت فهد بضحك لمتعب
فهد : يبدو ان حبيب القلب وصل !
متعب بضحك : خله يلعبها !
فهد : تراك اشغلتنا ببنتك الله يشغلك ! بروح له استفزه و اجيكم ما رح اطول !
ابو متعب : ابك خل الولد في حاله لا تجيه !
فهد : مجرد اسئلة بسيطه يالغالي و سنعود !
متعب : ياولد خلي الآدمي في حاله !
خزه فهد بعيونه و مشى ناحية الباب عند فيصل ، في ذيك الاثناء يوم متعب و فهد يتهاوشون ، دخل وهو شارد تماما لكن ذي المرهه غير ، كان يفكر في الاحداث اللي صارت في المدرسه ، رفع راسه وشاف البيت هادئ لدرجة تخنق ، ابتسم ابتسامه شوق يوم تذكر اللي كانت دايم رغم المشاكل تسوي حركة في البيت و تخلي الاصوات تملأ المكان ، تنهد بحزن و بقهر مشى بهدوء وراسه في الارض لكن رفعه على طول يوم سمع اسمه
رهف : فييييييييييصصصلللل !!!!
قالتها بصراخ و هي تضحك وتركض لناحيته ، تبدلت ملامح فيصل على طول لضحك ، رمى شنطته على الارض و فتح ذراعه لها
فيصل : يامرحبا !!!
قفزت رهف في حضنه على طول وهي تضحك
فيصل : ياهلا ياهلا !!!
باس راسها وشالها : وشلون الحلوين ؟!!!
رفعت رهف ابهامها لخشم فيصل و قالت
رهف : الامور الى الان في السليم !
فيصل بضحك : كفوووو ، كفك !
رفع كفه لها و هي ردته له
رهف : كفوك !!
ضحك فيصل من ردها و جاء يمشي لبرا في حوش البيت ، لكن قاطعه صوت فهد اللي خرب عليه
فهد : على وين يالحبيب ؟!
فيصل : رايحين برا نسولف بين بنت و عمها !
فهد : اجل يلا بجي معكم انا و ولدي !
رهف : لا روح !!!
فهد بصدمه : وجعععع يالملسونه!!!
ضحك فيصل من رد رهف
رهف بتذمر : ما نبيك بس انا و فيصل !
فيصل : واضحه خلاص توكل انت واللي معك !
فهد : عناد والله ما افككم ! رجلي على رجلكم !!
رهف : اوووففف !!!
فهد : ببسسس !!!
فيصل : الحين انت وش تبي ؟
فهد : اجي معكم !
رهف : بس حنا ما نبغاك!
فهد : مو على كيفكم!
فيصل : اجل على كيف من ؟
فهد : على كيفي انا !
رهف وهي تكتف ايديها : يا سلام ؟؟؟
فهد : ايههه !!!
التفت فيصل لرهف وقال
فيصل : نخليه يجي ؟
رهف : لا بيخرب علينا ! انا اعرف بيسرق من فلوسي عشان جدي ما عطاه فلوس اليوم !
شهق فهد وحط يده على خصره
فهد : وين بتروحون ؟!!!!
رهف : بنروح البقالة نشتري بفلوسنا!!
فهد : اجل والله ما اخليكم ! تبون تروحون للبقالة ومحد يدري ؟ بزران اخر زمن ! اقوول مافي طلعه الا وانا معكم ! ولا حرشت عليكم لابوي !
رهف : عشان تاخذ من فلوسي ؟!!! لا نبي نكون لحالنا !!!
فيصل : شفت ابوي ما عطاك وجه قلت خليني ازرف من فلوس رهف ؟
فهد : ويييعععع عليكم و على فلوسكم !!! انا ذالحين لو ابي اشتريتكم ، اشتريتكم بفلوسي انا ! بس انا انسان ما احب اضيع فلوسي على الفاضي ! بروح معكم عناد و مراقبه !!! و غصبًا عنكم سعد بيكون معنا ! اي اعتراض ؟؟؟؟
رهف : اوووووففف
فيصل : خليه مسكين يجي معنا ، اكيد ابوي طرده !
خزه فهد بعيونه من طريقه كلامه ، التفت له رهف
رهف : عشان سعد تجي معنا بس !
خزهم فهد بعيونه و راح للسيارة هو ولده و لحقهم فيصل و رهف و مشوا قبل لا احد ثاني يكشفهم
أنت تقرأ
صواديف الاقدار
Randomشابان من عوالم مختلفة ، فيصل و سعود ، كلا منهما عاشا مر فقدان العزيز ، و كانت عائلتهما ضحيه لأمراض السرطان ، فقد فيصل اخته وتسبب ذلك في انغلاقه على العالم ، اما سعود فقد امه في طفولته واللتي ربته زوجة والده الاولى ، لكن ما عاشه لم يجعله انسان انطوائ...
