احس رجلي ما تعيني بعد ماشفتهم واكفات بالباب ويبجن لوحدهن بالبيت .. أَستجمعت نفسَي أَسحل بروحي ألهَم دكات گلبي دمام ترَيد تشك گلبي
وصلت يمهَن جسمَي يرجف لزمَت الحايط أسَند نفسي عليه أجتني مسك تبجي و تمسَح بدموعي تزَلغ خدودها
مسك - لهيم فدوه اتصل على ضِغاب شوفهم وين عمار انتل واخذوه للمستشفى ومانعرف عنهم شي محد يجارب
أرَمش بعيونَي بوجهَا مامستوَعب أجتي ريماس حضنتَني تبجي
- حّباب خابر نياره راحَت وياهَم خابر أي أَحد فدوهلهيم - طبو جوه هسه واني اتصرف
مسك - عفيه لهيم فدوه شيصير طمنا لا تعوفَنا وحدنَا عقلَنا يجيبَنا ويودينا
هزيت راسي أمثَل القوَه كدامهَن
طلعت موبايلي واتصل على ضِغاب ميرد
اتصلت اكثر من مره بسَ بكُل مره ماجنت أكَدر أحصل أخويهكعدت بالكاع أَيدي على راسي أتصَل مره .. مرتين و ثلاثه
انفتح الخط وجاوبني ابو التكسي- شلونك عمري اخوك نسه الموبايل يمي وهسه راح اجيبه الك وين عنوانك بالضبط حتى أجيكَ أردلك الأمانة
صفنت على الفَراغ راحت الكلمات مني رجعَ حجه بصَوت أَعلى
- يمعود أبو الغيَره اخوك نسه موبايله أنطيني عنوانكلهيم - هاا هسه أوصفلك
وكفت أَيدي على راسي أوصف اله العنوان
بسَ سده رجعتَ على كعدتي بالكاع بدوَن أي حركه ولا ردمرت الساعات دهر عليه .. بكُل مرة يزيد نبضة و يخنكني الهوى عيوني مدمعه كاتمَ دموعي أحَرك رجلي أَهمس
- يرجعلك أَخوك قوي نفسكخليت راسي بين رجليه أَجر النفس بصعوبة مخنوك
رفعت راسي أَيدي على رگبتي :- ربي أَني مو خوش بس رجعلي أَخويه ماريد شي بعد بس أَخويهبقيت منتظر احد يوصل الي خبر منهم واكف على وكفه وحده من المغرب لـ 10 الليل ماكو خبر
وصل ابو التكسي وكال انت لهيم الي اتصلت عليه قبل شويه
لهيم - اي اني يرحم اهلك بس طمني عليهم- هذا تليفون اخوك والبقيه بحياتك اخوك توفى بالطريق واهلك بالمستشفى واذا اكو نسوان بالبيت حاول لا تكوللهم بين ما يجون اهلك حاول تلزم اعصابك
يحجي والدنيا تفتر بيه واحس كلامه صاعقه نزلت على جسمي
أيدي ترجَف أَرمش بعيوني مفهَي بوجهاأجه يطبطب على ظهري
- خويه هاي منيته لاخوك كول الحمدلله والشكر على كل حال
YOU ARE READING
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
بارت 45
Start from the beginning