#لا_تضر_القلب_مانت_بعدوٍ_لي
_
رفع حاجبه لسيارة جراح : تكذبين على مين انتي؟ هذا جراح واقف ينتظرها !
التفتت صمود تشوف ميهان نزلت وهي تلبس عبايتها وشهقت ونطقت : انتي رايحة؟
ابتسمت ميهان : جراح تحت ينتظرني حددو موعد العرس ولازم اروح معه عشان الفستان والاغراض اللي ناقصتني ،
التفتت صمود على غلا : وانتي بعد؟
ابتسمت غلا : عزام ينتظرني ،
رفعت يدها صمود تكش عليهم : اوف منكم يا بنات ،
ضحكوا ورجعت صمود تكلم فريد : اجهز اغراضي ونازلة ،
ابتسم بانتصار : طيب بإنتظارك ،
قفلت منه ومشت لفوق تجهز اغراضها ،
-
التفتت ميهان على جراح : تحدد موعد الزواج بدون علمي! متى صارت هذي؟ وبعد زواجك مع اخوك بنفس اليوم ؟
عقد حواجبه يلتفت عليها : انا كلمت امك امس الليل غريبه ما قالت لك شيء هي؟
رفعت نظرها تصد عنه : الا هي قالت بس انت ما قلت لي ،
ضحك بخفة : راح عن بالي و أساسًا امك اللي اتصلت تطمن وتسال عن اموري ومع السوالف علمتها وقلتلها تقولك بس الظاهر انها نست ، لكن الاكيد انتي ماعندك مانع؟
رفعت كتوفها بعدم معرفة : ماني عارفه استعجلنا احس ،
رفع حاجبه بذهول : استعجلنا؟ انا زين مني اني ماسك نفسي ولا وزعت الدعوة على المملكة كلها ،
ضحكت تقاطعه : منجدك !
-
مشى سحب شناطها يحطهم في السيارة وتوجهت تركب وتركك يحط الاغراض بعد دقايق قفل سيارته ومشى فتح الباب و ركب واخذ نفس ونطق : يا اهلين مستعدة؟
ابتسمت تهز راسها بالايجاب : حياة جديدة عائلة جديدة الصراحه متوترة شوية بس الاكيد راح يكونوا مشغولين في زواج عزام و غلاوي وجراح ف محد يجينا و يزورني ويقولون نشوف زوجة فريد ،
رفع حاجبه بصدمه : يعني مبسوطه علشان كذا؟
هزت راسها بالايجاب تلتفت عليه : ما احب العزايم اللي تكون خاصة لي والناس يجون خاصة عشاني ما احب كذا ،
هز راسه وهو مبتسم وكملت : بسالك ،
التفت عليها : اسالي ،
سكتت لثواني ونطقت : زواجهم بعد ثلاث ايام؟
هز راسه بالايجاب : صحيح ،
سكتت لثواني تفكر والتفت عليها : لا تقولين ماعندك فستان؟
ضحكت وهمست : لا عندي بس افكر كيف الحق ،
عقد حواجبه : على وش تلحقين؟
صمود تنهدت : شفيك ناسي زواج اخوي؟
التفت عليها بصدمه ونطق : والله اني نسيته ،
بعد دقايق وقف سيارته على جنب والتفت عليها : مشينا ،
عقدت حواجبها : اهلك تتوقع انهم وصلوا ؟
هز راسه بالنفي : لا راحوا مع ماجد للمول يتجهزون مافي احد بالبيت ، سكتت وفتحت الباب تنزل ونزل خلفها وقفل سيارته و توجهوا يدخلون البيت فتح الباب و دخلوا مع بعض التفتت يمين يسار تشوف البيت ونطق : الدور الثاني بيتنا ،
-
#لا_تضر_القلب_مانت_بعدوٍ_لي
-
ابتسمت تهز راسها بالايجاب وتمشي معه توجهوا يمشون مع الدرج وصل عند شقته وفتح الباب و دخلوا لداخل ابتسمت وهي تشوف البيت ، و دخل وقفل باب الشقة ومشى يحط اغراضها و شناطها في الصالة : تاكلين شيء ؟
التفتت عليه بهدوء وهزت راسها بالايجاب لاجل يطلع ويتركها وتاخذ راحتها وهز راسه وهو يفتح باب الشقة : ماراح اتاخر .
وطلع مشى يجيب العشاء ، وتنفست براحة و توجهت فتحت شناطها واخذت بجامة باردة و دخلت تاخذ شاور على السريع ومشت تعدل شعرها وابتسمت تناظر الغرفة و ذوقه بالاثاث ومشت تجلس على طرف السرير و رفعت نظرها من وصل و دخل يقفل الباب خلفه وناظر فيها و ابتسم ومشى يجلس معها ويحط الاكل ،
-
في المول ماجد كان يمشي ويطقطق بجواله والتفت يشوف امه و ام عزام يدخلون لمحل العبايات و نهى وقفت بالخارج وعقد حواجبه وناظر فيها : ليه ما تدخلين معاهم؟
هزت راسها بالنفي وناظرت فيه : تعبت ابغى اشوف لي فستان ما عجبني شيء و ذولي يبون عبايات ،
التفت يمين يسار ونطق : طب روحي من السُلم للدور الثاني يمكن تلاقين فساتين هناك ،
سكتت والتفتت على محل العبايات : انتظرهم يجون ،
قاطعها ونطق : امشي معي نشوف ونرجع لهم ،
ابتسمت بهدوء ومشى ومشت خلفه يصعدون الدور الثاني وتوجهوا لمحل الفساتين دخلت وهي تدور بين الفساتين فستان على ذوقها والتفتت عليه تشوفه يحوس بين الفساتين والتفت عليها وهو ياشر على فستان كحلي : شوفي؟
عقدت حواجبها : خايس ،
ناظر فيها بصدمة : منجدك؟ هذا خياس ؟
مشت توقف قدامه وتشوف الفستان وناظرت فيه : متاكد حلو؟
هز راسه بالايجاب : اي والله حلو ويزهى عليكِ ،
ابتسمت وهزت راسها بالايجاب : تمام راح اخذها ،
-
ابتسم وهو منسدح على السرير يناظر فيها واقفه بغرفته عند المراية وترطب يدينها وعقدت حواجبها تشوف نظراته من المراية كان مبتسم وهو يشوف اقصى طموحاته وافضل حصيلة ايامه ، و رجع ظهره للخلف ومشت تجلس عنده على طرف السرير وابتسمت تناظر فيه : وشوله تطالع فيني كذا؟
رفع نظره : المفروض ما اطالع؟
ابتسمت وقرب وهو يسحبها من ذراعها لحضنه : تخطينا كل الصعب وكل الايام ذيك و نتخطى كل الجايات الاهم انك الحين عندي و حولي وجنبي ومعي وبحضني ،
ابتسمت واخذت نفس من قرب وهو يقبلها من ثغرها القُبلة الاولى بينهم مثل النور في عز الظلام ومثل الأمل في عز اليأس ومثل المواساة في عز الاحزان ، ولان الحُب ترضى ان تعيش بظلما قبل حتى تعيش بنور ، والحُب سجن لو احتضنته تتأمن بإن القيود أحيانًا حريه ...
-
