#لا_تضر_القلب_مانت_بعدوٍ_لي
_
سكت بصدمه من شافها تبكي وتقدم يمد لها المويا وجلس قبالها على الطاولة نزلت راسها بتعب واخذت نفس ،
سطام : عشان كذا ما كنت ناوي اعلمك ،
رفعت نظرها تطالع فيه بهدوء : ما هقيت امي كذا ،
سطام : كلفني الكثير من عمري عشان اتخطى المرحلة اللي انتي فيها شوفيني الحين ما فرق معي شيء ولا صارت تهمني ولا صرت احتاجها حولي ضيعت نصف من عمري وانا عجزان اتخطى كل اللي صار بس تخطيت يا صمود شوفيني جالس قدامك ولا هزت فيني شعره حتى وهي ساكنه حولنا ،
سكتت صمود و رفعت نظرها : اخرب حياتها ماراح اخليها تتهنى يا سطام ماراح اسامحها راح اخليها تدفع ثمن غلطتها،
سطام بهدوء : وش بتسوين؟ تصارخين؟ تهاوشينها؟ تكسرين كل شيء في البيت؟ تبكين؟ وش تسوين؟ محد يخسر الا انتي راح تخسرين نفسك مع الوقت زي ما انا خسرت كثير من عمري وانا اكسر واصارخ و اهاوش و الوم و انهار كل هذا سويته بس ما تغير شيء خسرت نفسي وصرت انسان ما همه شيء ولا حتى نفسه ال لا مبالاة عندي صار في توب كنت في سن المراهقة و اي ولد يكون ب سن المراهقة يكون عنده اهداف و اشياء كثيره وياخذ الحيازة تجارب ويمكن يحب ، وسكت لثواني و ابتسم بخفه : بس انا بذي السن كنت احارب مع امي دفنت ابوي انا يا صمود وجيتك ضميتك بين كفوفي و وشلت كامل مسؤوليتك عمري ما فكرت بنفسي وصلت بهالعمر و اخوياي متزوجين وعندهم عيال واللي يحب والي خاطب واللي متزوج واللي عنده عيال بس انا ما عمري فكرت اخطي هالخطوه صرت اخاف مصيري نفس ابوي ،
سكتت صمود وهي مصدومه تناظر فيه ،
-
وقف سيارته ونزل عند البيت ومشى وهو يدق الباب ،
مشت ام فريد فتحت الباب وناظرت فيه وبعدت عن الباب،
دخل امير والتفت يمين يسار وعقد حواجبه : مو موجود؟
هزت راسها بالنفي : ما يعيش هنا ،
امير بصدمه : ما يعيش هنا؟
ام فريد هزت راسها بالايجاب ومشت لداخل لحقها بهدوء ،
وجلست على الكنب وجلس قبالها وهو مستغرب و رفع نظره يطالع فيها : وين يعيش؟
ام فريد : حنا نقلنا من بيته وماعاد يربطنا فيه اي علاقه و حذرته لا يجي هنا ولا يتدخل فينا حتى لو شافك بيننا ،
-
#لا_تضر_القلب_مانت_بعدوٍ_لي
-
امير عقد حواجبه وهو مصدوم : وش السبب؟
ام فريد بهدوء : اسباب كثيره انا اخترت هالشيء وانه ما يعيش بين اخوانه يعيش لوحده ويسوي زي ما يبي ،
امير : فضلتي عيالي عن ولدك؟
ام فريد : زي ما هم عيالك هُم عيالي بعد وانا ما فضلت احد عن احد فقط بعدتهم عن بعض لاجل..وسكتت وصدت ،
امير : الظاهر حاصل شيء كايد؟
ام فريد بهدوء : قفل على الموضوع فقط جاوبت على اسئلتك و وش صار بيني وبين ولدي هذا شي يخصني انا وبس ،
امير سكت يطالع فيها والتفت : وين غلا وماجد ؟
ام فريد : الوقت متاخر ونايمين هالوقت بس انا طلبت منك تجي عشان اقولك ابعد عن فريد يا امير ابعد عن ولدي ،
امير : ولدك اللي بدا معي و ان رجع وقف بطريقي راح امحيه من هالحياة يا ناديه حذري ولدك لا يدور حواليني لا يلعب بالنار والله ثم والله يا ناديه لا اخليه يندم و يخيس بالسجن ،
رفعت نظرها ناديه بصدمه وتقدم امير : رسلت رجال يراقبونه واعرف وين يروح ووين يجي والصورة اللي وصلتك واللي صار بينكم انا الانسان اللي ورا هالصورة ،
شهقت ام فريد وتجمدت بمكانها تناظر فيه بصدمه ،
امير : الرجال اللي يشتغلون معه نصهم واقفين بصفي انا اللي دافع لهم المبلغ يوصلوني كل اخباره اول باول وانا اللي طلبت منهم يوصلون لك الصورة ، لكن فريد ماعنده علم بشيء وانا ساكت اشوف نهايته و حذرتك ان جاء طريقي امحيه ، ومشى وهو يفتح باب البيت ويطلع ، ام فريد حطت يدها على فمها وهي مصدومه وتكتم شهقتها و رجفت بخوف ،
-
-
العم جواد كان جالس يشرب الشاهي عند النهر وبين الجبال و فريد جالس معه ويطالع بالسماء بهدوء يتامل النجوم بصمت،
ونطق العم جواد : ابعد عنه وش لك بحياته ،
فريد التفت عليه : طول ما هو يلحق امي ماراح ارحمه ،
العم جواد : هو ما طلق امك ومن حقه يشوف عياله ،
فريد بحده : اي حق يا عم جواد! طول عمره يعذبني ولا لقينا الرحمة عنده تقول من حقه! قسم بالله ان لقيته حول امي ولا غلا او ماجد راح اذبحه ماراح ارحمه ،
العم جواد : حياتك بخطر ياولدي طول ما ابوك موجود هنا ،
فريد : اللي حياته خطر هو ابوي يا عمي جواد مو انا ،
-
