#لا_تضر_القلب_مانت_بعدوٍ_لي
-
كان يمشي وحيد بالطريق المُظلم ويدينه بجيوبه اخذ نفس من برودة الاجواء ومد يده لجيبه ياخذ الدخان و يولع والتفت يشوف هدوء الشارع والظلام ونفث الدخان من يدينه وتوجه وهو يجلس عند الكافيه في الجلسات الخارجية والجاكيت عليه وعقد حواجبه من رن جواله و رد وابتسم : صمود ،
نزلت دموعها من صوته وهمست : وينك ؟
سطام : جيت اتقهوى ،
صمود : ارسل لي الموقع اجيك ابغى اكلمك ،
سطام : كيف تجيني؟ صاير شيء ؟
صمود : لا بس ابي اجيك واتكلم معاك ،
هز راسه سطام : الحين ارسل لك ، وقفل الخط وهو يرسل له الموقع وترك جواله على الطاولة ،
-
مشت وهي تلبس المعطف الجاكيت الطويل وتعدل شعرها واخذت شنطتها ومشت وهي تطلع رفعت نظرها تشوف فريد جالس مع غلا تجاهلت وطلعت ، عقد حواجبه فريد ووقف وهو يلحقها وطلع لبرا ونطق : صمود !
التفتت عليه بهدوء : اقابل سطام و راجعة ،
هز راسه لثواني ونطق : اوصلك ؟
هزت راسها بالنفي تمنع انه يوصلها ، ومشت توقف التاكسي،
و رجع فريد لداخل ووقفت غلا وهي تستاذن : انا بمشي ،
فريد : جيتي بوقت وحنا متهاوشين،
غلا ابتسمت له ومشت طلعت من عنده توجهت تدخل بيته واخذت نفس ومشت لداخل التفتت تشوف امها ونطقت وهي تفسخ جزماتها : رسلتيني اتجسس عشان تريحين قلبك وان في زوجه تهتم فيه بس للاسف ما جبت لك اخبار زينه ،
ام فريد بخوف : ليه وشصاير ؟
غلا : كانوا متهاوشين يعني ما شفت علاقتهم ببعض و أساسًا زوجته حسيتها نفسية ولما شفتها هجت من البيت هجيت انا بعد ولا استفدت شيء ،
ام فريد تنهدت : يا حسرتي على ولدتي يا حسرتي ،
غلا : ليه تسوين كذا بنفسك! هو زعلان انك ما سمعتي منه شيء عالاقل روحي له واعتذري ،
صدت ام فريد ومشت وسكتت غلا تلحقها لداخل ،
-
كان يسمعها ونفث الدخان : ايش الجديد يعني؟
صمود بدموع : تمنيت لو ما تخذلني هالمرة تمنيت يا سطام،
سطام : وانا تمنيت لو انك تتعودين على الخذلان منها وما تنكسرين هالمرة بعد وتضعفين بس هذي انتي يا صمود ما تفهمين ولا تستوعبين ،
صمود : احتجت ام يا سطام احتجت انسانه تحتويني تكون جنبي بس امي تكسرني كل مره وبكل مره تخيب ظني ،
سطام : لا تنتظرين منها شيء هذي هي همها نفسها ،
ويحس بالقهر يشوف اخته بذي الحاله والسبب امه ،
ومد كفه يمسك كفها : صمود ،
صمود اخذت نفس وهي تبكي : تعبت سطام تعبت احس قلبي بيطلع من مكانها ، وقف سطام بخوف وقرب وهو يوقفها معه ويحضنها من الجنب ، والتفت على الطاولة يدفع الحساب ،
وناظر لصمود : تعالي بنمشي للبيت اوعدك ماراح تجلسين دقيقه وحده هنا راح ترجعين عند جدتي ،
-
#لا_تضر_القلب_مانت_بعدوٍ_لي
-
وناظر لصمود : تعالي بنمشي للبيت اوعدك ماراح تجلسين دقيقه وحده هنا راح ترجعين عند جدتي ،
هزت راسها بالنفي تمنعه : ارجع للبنات ،
سطام : صاحيه انتي! مستحيل اخليكِ بهالحالة ،
كان فريد واقف بسيارته بعيد يراقبهم ولحق صمود ل هنا.
صمود : انا بخير سطام روح انت وانا برجع ،
سطام : ليه تعانديني ؟
صمود بتعب : سطام الله يخليك لا تضغط علي ،
تنهد يتركها : طيب ،
تركها ومشت وهي تبكي وقف يطالع فيها من بعيد لين تخطت الشارع اللي قدام ، وعطاها ظهره وكمل يمشي بطريقه ،
وقف سيارته فريد قدامها ونزل الشباك : اركبي ،
التفتت تطالع فيه لثواني ومشت وهي تركب والتفتت عليه ونطقت : تراقبني انت!
فريد بهدوء : ما اراقبك ،
صدت وسكتت تمسح دموعها ووقف سيارته فريد عند البيت ونزل ونزلت قبله ومشت وهي تدخل داخل وقف بمكانه يطالع فيها لين دخلت داخل ، وتوجهت فتحت الباب و دخلت الغرفة رمت كل شيء من يدينها و ارتمت على السرير بتعب و انهارت بكاء سحبت اللحاف وهي تشد على اللحاف وتبكي وقف عند الباب بيدخل لكن تراجع من شافها لذي الحاله ،
كانت تون من بكاءها وتعبها وثقل حياتها ، وشدت على اللحاف تبكي وتشهق ، اخذ نفس يتركها ومشى يجلس في الصاله و رفع نظره اتجاه غرفة الشغاله وعرف انها نامت لان الوقت متاخر ،
و رجع ظهره للخلف على الكنب وغمض عيونه وهو يفكر طول الوقت ونام بدون لا يحس على نفسه ،
اما صمود من كثر البكاء والتعب نامت ،
-
محمد : صاحي انت!
سطام : مانيب صاحي اقولك عطني عنوان بيته!
محمد : راح امشي معاك ،
سطام : خلك انت بس احتاج عنوان بيته واللي يعافيك ،
هز راسه محمد : طيب ، تركه سطام ومشى وهو يركب السيارة ويحرك واخذ نفس ويضرب بيده على الدركسون بالخفيف دليل على عدم صبره وتحمله نزل نظره لجواله يشوف محمد رسل له عنوان بيت امير واخذ جواله يناظر العنوان ويسوق و حط جواله بحضنه وهو سرحان ويسوق ،
-
ماجد بهدوء : قابلت ابوي ،
غلا عقدت حواجبها : اي؟
ماجد : غريبه ما سمعتوا بشيء انتم ؟
غلا : اخلص علينا شصاير بسرعه قبل تصحى تلاقينا صاحين،
ماجد : ابوي تزوج ،
غلا شهقت بصدمه : شلون؟
ماجد : بيسوي حفلة زواجه بعد يومين وعزم الانس والجن استغربت انكم ما تعرفون توقعت اجي البيت اشوف امي انهدت البيت فوق وتحت ،
فلا بلعت ريقها وهي مصدومة : ءتزوج مين؟
ماجد : ماعندي علم بس انه تزوج هذا اللي سمعت وعرفت ،
غلا : تتوقع فريد يعرف شيء؟
-
