#لا_تضر_القلب_مانت_بعدوٍ_لي
-
صارخت صمود برعُب وخوف ، التفت فريد على صراخها وناظر فيها وهي تبكي غمض عيونه فريد لكن فز بصدمه من سمع صوت طلقة الرصاص وتجمد بمكانه من انتثر الدم ، شهقت صمود وفتحت فمها بصدمة تشوف سطام تجمدت بمكانها تناظر التفت فريد وناظر ل غلا اللي واقفه خلف سطام وسكت يناظر وهو مصدوم ركضت غلا وهي تحضن سطام ،
اما جمايل كان مُصاب على الارض طايح ركضوا كل رجاله ياخذونه لمستشفى ، غمض عيونه سطام وهو يحضن صمود ويشد عليها ، تمسكت فيه صمود وهي تبكي بحضنه بعدت عنه ونطقت بدموع : سطام ،
رجع سحبها لحضنه يشد عليها ، ركضت غلا عند فريد وشهقت من شافت انه ينزف ، بعدت صمود عن سطام : ساعده تكفى،
رفع نظره سطام لفريد و رص على سنونه بقهر يناظر فيه ،
وهمس فريد وهو يحاول يقوم : اختك كانت ب امان ،
سطام : لو تاخرت شوي كان الحين استلمت جثتها اي امان!
فريد : طلبت منها تمشي حاولت معها هي رفضت ،
صمود بهدوء : سطام مو وقت هالكلام لازم نطلع من هنا ،
قرب سطام مسك يد صمود وسحبها معه : نمشي ،
وقفت صمود بصدمه : فريد!
التفت سطام ونطق فريد من سمع كلام صمود : روحي انتي،
هزت راسها بالنفي وهمست : سطام ساعده تكفى اوعدك نطلع من هنا نوصل البيت اعلمك كل شيء ،
سطام بحده : لو انه مو مُصاب كان انا اللي اطلقت عليه ستين رصاصه عشان ابرد جوفي ، لكنه ميت عشان كذا تركته ما جيت عشان انقذه او اساعده ،
قاطعته صمود : هو ساعدني يوم اني تصاوبت!
فز سطام بخوف : كيف ! وريني و..قاطعته : صرت بخير بس طلبتك بالله تساعده نطلع من هالمكان ولا ماراح امشي معاك،
سكت سطام ما وده يعاند بهالمكان وهالوقت وتنهد بضيق وقرب من فريد اللي على الارض ومد له يده تمسك فريد بيده وهو يحاول يقوم سنده سطام ووقف فريد و رفع ذراعه حول سطام يتسند فيه ويوقف وتنهد بالم والتفت عليه سطام ونطق بحده : تستاهل ،
ابتسم فريد بخفة كانت واقفة صمود تناظر والتفتت على غلا اللي وقفت عنده : انتي بخير؟
حست راسها بالايجاب ومسكت يدها غلا و ابتسمت صمود بخفه و توجهوا يطلعون من المكان،
سطام كان يسمع صوت فريد وهو يتالم و رفع كفه يضغط على مكان اصابته ونطق : قليل اللي صار فيك ،
فريد ضحك وهو يتالم ونطق : كان تاخرت عشان اختك تداويني بس استعجلت ،
سطام التفت بحده : ودك ادفنك هنا!
فريد ضحك وشد بذراعه على سطام يتمسك فيه وسكت لثواني ونطق : زوجتي هي،
التفت عليه سطام : تعقب ،
ضحكت صمود من سمعت نقاشهم واخذت نفس بتعب ،
سطام : يعني الحين نقعد نتخبى؟
صمود : نروح بيت المزرعة محد راح يعرف،
-
#لا_تضر_القلب_مانت_بعدوٍ_لي
-
صمود : نروح بيت المزرعة محد راح يعرف ،
سطام التفت على فريد : هالخسيس يعرف ،
رفع نظره فريد : يعني قصدك تتخبون عني؟
سطام : اطلع من حياتنا فارق واللي يرحم اهلك ،
رفعت نظرها صمود بصدمه تطالع والتفتت غلا على صمود،
ومشى سطام فتح الباب و ركبوا كلهم وسطام وقف يساعد فريد لاجل يركب قدام و ركب فريد وسند ظهره وصارخ بالم لان سطام دفعه وضحك وهو يتالم رفعت كفها صمود على كتفه بخوف : تتالم ؟
التفت خلفها يطالع فيها وهز راسه بالنفي ، وسحبت يدها صمود من شافت ركب سطام وحرك السيارة ،،
غلا كانت جالسه جنب صمود تناظر بصمت وسرحانه ،
-
ماجد كان بيطلع من البيت لكن وقف يسمع بكاء امه داخل الغرفه ولانها عرفت بزواج امير من هناء ، غمض عيونه بقهر ،
ومشى طلع من البيت و ركب سيارته يحرك متوجه بيت امير دقايق ووصل ، ومشى يدق الباب ،
عقدت حواجبها هناء من صوت الباب مشت وهي تفتح الباب ووقفت بصدمه ونطق ماجد : ابوي موجود ؟
هزت هناء راسها بالنفي : مو موجود ،
ماجد بهدوء : زين ماهو موجود جيت عشان اكلمك ،
سكتت هناء وفتحت له الباب دخل ماجد والتفت يمين يسار ومشى وهو يجلس على الكنب مشت هناء تجلس قباله ،
ماجد : امي عرفت بزواجكم ،
هناء رفعت نظرها وكمل ماجد : ايش الهدف يوم انك تزوجتي منه؟ امي ما لقت منه غير العذاب وحنا عياله مالقينا منه غير العذاب وش جابك بحياتك تعذبين نفسك وتعذيبنا ،
توترت هناء ونطقت بهدوء : مو متزوجين حنا مجبورة انا ،
رفع نظره ماجد بصدمه وكملت هناء : هددني بعيالي ،
ماجد : ايش معنى مو متزوجين ؟
هناء : يعني كل شيء كذب وعشان يقهر فريد و صمود بنتي، كان متوقع ان صمود بتجي عندي و اقولها اذا تبين اتطلق تطلقي انتي من فريد بس ما صار شي من اللي براسه ،
سكت ماجد بصدمه وكملت هناء : عذبني هو مو انا اللي عذبتكم ليل و نهار انا اعاني منه ، و رفعت نظرها اتجاه كاميرات المراقبة في البيت ونطقت : قاعد يشوفنا ،
التفت ماجد بصدمه و رفع نظره اتجاه كاميرا المراقبة ،
وكملت هناء : بس تعبت وانا ساكت من امس انتظر صمود ولا سطام يجوني عشان ابرر لهم كل شيء ومن بعده يسوي فيني اللي يبغى و...سكتت من دف الباب بكل قوته وعرفت انه امير وغمضت عيونها تمسك راسها ، وقف ماجد والتفت من دخل ابوه ونطقت هناء بخوف : روح من هنا ،
هز راسه بالنفي يرجع للخلف رفع نظره يشوف الفازة اللي على الطاوله مده يده من الخلف ياخذه ، شهقت هناء تناظر اول ما دخل امير يصارخ رفع يده ماجد وضربه بالفازة على راسه بكل قوته وهو يتنفس بقوه،
هناء فتحت فمها بصدمه تناظر ب امير اللي طاح على الارض وقرب ماجد من لمح ال..
-
