#لا_تضر_القلب_مانت_بعدوٍ_لي
_
صمود رفعت كتوفها : معرف احس نفسي بين نارين ،
ميهان : اتخذتي القرار الصح صدقيني سطام الوحيد يفكر ب مصلحتك و مستقبلك ، مو مقصدي ان امك ما تفكر بس اكيد سطام عارف شيء عن امك عشان كذا يكرهها ،
صمود نزلت نظرها لكاسة العصير اللي بين كفوفها : توقعت انه يكره امي عشانها كانت تتركني لشهور عند جدتي ما توقعت في سبب اكثر من كذا ،
ميهان عقدت حواجبها : شلون؟ يعني عرفتي بشيء؟
صمود هزت راسها بالنفي : لا بس كلمني سطام وكان يقول انه ابوي شاف شيء من امي عشان كذا ابوي عاف امي و ان امي سودت حياة ابوي حتى جدتي تقول امك سودت حياة ابوي ،
ميهان : تتوقعين ايش الموضوع؟ خيانة؟
صمود التفتت باستغراب : امي كانت تحب اخوي ما اعتقد تخونه ماني عارفه ايش الموضوع بس اكيد شي كايد ،
ميهان : ماعندك فضول تركضين ورا الحقيقه؟
صمود هزت راسها بالنفي : لا لاني عارفه الحقيقه راح توجعني كثير وما ابغى اكره امي ،
ميهان اخذت نفس لثواني وهمست : الحين كلكم رايحين امريكا اخوكِ سطام هناك و امك رايحه عشان شغلها وانتي بتروحين ، خايفه كلكم تواجهون بعض هناك ،
صمود : اكيد امي راح تلحقني و راح توقف بوجه سطام وتبدا الحرب والمشاكل بينهم ،
ميهان : لو تبين نصيحتي؟ واجهي الحقيقه و اركضي ورا الحقيقه وشوفي سبب الكُره وما ظنتي امك سافرت عشان شغلها او شيء راقبيها وشوفي هي ليه راحت ،
-
= الصباح =
كانوا جالسين على الطاولة يفطرون كلهم و ام فريد تناظر بتوتر وهمست بهدوء : بتتاخر اليوم ؟
فريد هز راسه بالايجاب : راح ارجع في الليل لا تنتظروني ،
غلا كانت ساكته وبيدها الشوكة تلعب وسرحانه ولا تاكل ،
عقد حواجبه فريد وهمس : غلا فيكِ شيء؟
فزت غلا وناظرت : لا ولاشي بخير بس شبعانه مالي نفس ،
ماجد رفع نظره لامه اللي توترت انها غلا تعلم فريد ،
وقاطعتهم وهمست : دفعت ايجار البيت يا فريد ؟
هز راسه بالايجاب : دفعت ،
ووقف ومد يده لجيبه يطلع المبلغ وحطهم على الطاولة قدامهم وهمس : هذا المبلغ لجامعة غلا اذا تحتاج شيء ومصروف البيت ومقاضي البيت واللي تحتاجون ،
ام فريد رفعت نظرها بصدمه من المبلغ اللي قدامها كيف كل مره يجيب لهم مبلغ اكثر من كذا وهو راتبه يستلم بعد شهور طويلة ويالله يكفي ،
وسكتت تطالع فيه ، فريد مد يده وسحب المعطف ومشى يطلع من البيت وقفل الباب خلفه ،
ام فريد مدت يدها تاخذ المبلغ وقعدت تناظر بهدوء وتحس..
-
#لا_تضر_القلب_مانت_بعدوٍ_لي
-
ام فريد مدت يدها تاخذ المبلغ وقعدت تناظر بهدوء وتحس الشكوك بداخلها تزيد اتجاه فريد وسكتت وصدت تمشي ،
غلا : غريبه فريد من وين يجيب الفلوس قبل موعد الراتب؟
ماجد : يخي احمدي ربك و اشكري بدال ذي الاسئلة ،
سكتت غلا لثواني وهمست : ليت لو عرف ان ابوي جاي ،
ماجد : لا تكفين مو ناقصيين مشاكل ،
-
طلع من البيت ومشى يفتح باب سيارته ويركب وحرك سيارته ونزل نظره من رن جواله ناظر للاسم لثواني وقفل الخط ووقف سيارته ونزل عند المستودع و رفع نظره يشوف باب المستودع الاسود الكبير من الحديد نزل وقفل سيارته ومشى رفع كفه يدق الباب الحُراس فتحوا له الباب و دخل بهدوء والتفت يمين يسار يشوف الحُراس بكل مكان والمسدس بجيوبهم وسكت
لثواني و رفع نظره اتجاه الباب اللي قدامه ومشى وهو يدخل وسكت يطالع بالشخص اللي جالس قدامه على الكرسي والتفت يمينه و يساره يشوف الاشخاص اللي واقفين حوله،
ومشى وهو يسحب الكرسي ويجلس ونطق : جمايل ،
رفع نظره جمايل يطالع فيه وتقدم يحط الصورة قدام فريد ونزل نظره فريد يطالع بالصورة ونطق جمايل : تتخلص منه،
سكت يطالع بالصورة بصدمه لانه شخص معروف ولو حاول يقرب من هالشخص راح يعرض حياته للخطر وسكت يناظر،
ونطق جمايل : رجالي حوالينك بيكونوا و اهلك ب حمايتي ،
سكت يطالع بصمت و رجع نزل نظره يطالع بالصورة ،
-
دخلت غرفته بهدوء وقفلت الباب ومشت وهي تسحب لحاف سريره وتفتح الدرج وتفتش كل شيء بغرفته لكن ما لقت شيء توجهت فتحت دولاب ملابسه وقعدت تحوس بين ملابسه واغراضهم و سحبت الجاكيت وشهقت بصدمه وتجمدت بمكانها تشوف المبلغ اللي بداخل جيب الجاكيت رجفت كفوفها بصدمه وهزت راسها بالنفي تحاول تستوعب ان كل اللي تفكر فيه اتجاه فريد يكون غلط لكن احساس الام ما تخيب ، سكتت تناظر وهي مصدومة و دموعها تنزل ،
-
كانت منسدحه على السرير وسرحانه واخذت جوالها وهي ترسل لسطام : ارسل لي موقع بيتك ابغى ادخل الخريطة واشوف وش حول البيت ووين اعيش معاك ،
كان منسدح على السرير يطقطق بجواله و ابتسم من شاف رسالتها و دخل يرسل لها وكتب " راح نغير البيت اذا جيتي بس بنقعد كم اسبوع لين ادور ،
ابتسمت تتفرج و رفعت نظرها من سمعت صوت جدتها حطت جوالها ووقفت ومشت طلعت : هلا جدتي ،
-
