#لا_تضر_القلب_مانت_بعدوٍ_لي
-
كانت جالسه بغرفتها منسدحه على السرير وسرحانه تناظر بالسقف واخذت نفس وهي تقوم ومشت طلعت للحوش تشوف امها جالسه ولا نامت توجهت بهدوء تجلس قدامها وهمست : ما نمتي للحين! وش تفكرين ؟
ام ميهان بهدوء : افكر في حياتك وليه تسوين كذا! يوم جاء جراح خطبك ترفضين!
ميهان : ما ارفض يا امي بس صدقيني امه ماراح تخطبني له ،
ام ميهان : بس الرجال خطبك يا ميهان!
ميهان : امي انا اللي همني امه مو هو ،
ام ميهان : طيب انا رسلت له وقلتله اذا تبي بنتي جيب امك تخطبها بشكل رسمي غير كذا بنتي ماهي موافقة ،
سكتت بهدوء تناظر بامها واخذت نفس وصدت ،
-
كان ساكت بعالم ثاني من قوة صدمته كان واقف بالشارع ينتظر خاله يطلع ويدخل يتكلم مع امه والتفت من شاف مشاري طلع و ابتسم مشاري : ليه هنا لوحدك ؟
جراح بهدوء : انتظر خويي ،
مشاري هز راسه : اجل استاذنك انا فمان الله ،
جراح سكت يناظر فيه ومشى مشاري ركب سيارته وحرك ،
توجه جراح يدخل داخل وهمس : امي ،
ام عزام كانت طالعه من المجلس وعقدت حواجبها : هلا؟
جراح : ابغى اكلمك بخصوص ميهان ،
نهى وقفت خلف امها وهي مستغربه : ميهان؟
جراح هز راسه بالايجاب ونطق : امي انا خطبتها من امها ،
سكتوا بصدمه وكمل جراح : خطبتها قبل خالي ،
ام عزام فتحت عيونها على الاخر من الصدمة وهي تناظر فيه،
وشهقت نهى بصدمه : منجدك يا جراح!
جراح هز راسه بالايجاب : اي احبها وخطبتها وبتزوج منها ،
ام عزام صرخت بوجهه : جراح!!
جراح : كنت ناوي اعلمك يا امي ماهقيت كل هذا يصير ،
ام عزام : ماراح تاخذها الا على جثتي وتدري شي! انا كنت شاكه فيك وكنت عارفه عينك عليها وانا بنفسي اتصلت على خالك يجي وعشان كذا كلمتك تجي البيت وتجلس بالمجلس وافتح هالموضوع قدامك ، والله ثم والله ماراح تاخذها ،
جراح بصدمه : امي!!!
ام عزام : كنت ناويه اخطب غلا ل خالك بس الحين لا راح اخطب ميهان له واشوف ايش تقدر تسوي !
جراح بقهر : امي تكفين ...قاطعته ام عزام وصدت تمشي بعصبية ووقفت نهى وهي مصدومه ،
تنهد جراح وضرب بكفه على طرف الجدار ومشى يطلع ،
-
#لا_تضر_القلب_مانت_بعدوٍ_لي
-
كانت واقفه لوحدها في خارج الكوخ عند النهر وتناظر بهدوء ،
طلع من الكوخ وناظر فيها معطيته ظهرها واقفه وسرحانه توجه بهدوء ووقف قدامها وهمس : غريبه ما هربتي هالمرة؟
نطقت بدون ما تلتفت عليه : بامكاني اخليك تندم واسوي اللي براسي و امشي من هنا وارجع لديرتي بس انا مجبورة ،
عقد حواجبه وهو يناظر فيها : مجبورة؟
هزت راسها بالايجاب : لان اخوي ما يعرف شيء و وش سويت وماراح يسامحني لو عرف انا ودي بس اتخلص منك وتتركني،
فريد : انتي دخلتي بطريقنا وانتي اللي اظهرتي فجاة!
صمود بصراخ : ما ظهرت عشان مشاكلكم وعشان عداوتكم ظهرت عشان ما يتدمر حياتي ظهرت عشان نفسيتي وعشان امي كنت احاول ابعد عن هالانسان عن امسي انت اللي دخلت بحياتي انت اللي بديت معيي اللعب انت اللي حرقتني ،
سكت يناظر فيها وكملت تصارخ : مو رميت نفسي بهالنار انت اللي رميتني وانت اللي خليتني اضيع وسطكم ،
فريد بحده : لو انك ما دخلت بحياة ابوي ما كان حرقتك !
صمود بحدها : ابرك اللي دخل بحياة امي ابوك اللي كان ناوي يحرقني بامي وانا بس دخلت بحياته عشان ابعده عن امي ما حسبت حساب شيء ما حسبت حساب هالجحيم !
فريد : ف معناتها انتي بديتي اللعب ولعبتي بالنار تحملي حرقتها بعد لو انا ما شفتك بينه وبين حياته ماكان التفتت لك ،
صمود : مو بس انا اللي اتحمل حرقة هالنار صدقني بتدفع ثمن حرقته انت بعد ،
فريد : ماعندي شيء بحياتي اخسرها ولا حتى اخاف من خسارة نفسي ولو رفعوا السلاح بوسط صدري ما اشتكيت او وقفتهم وجعي ما يساوي الاف الرصاصات ،
صمود بسخرية : لو ما تخاف من موتك ماكان لحقت ورا صورك عشان ما يسجنونك ،
فريد : لاني ما اتحمل القيد ما اتحمل القيود بين يديني مو انا اللي اعيش بالسجون واعيش مقيد،
صمود : راح اخليك تعيش صدقني ماراح تتخلص مني اذا تخلصت منهم راح اخذ حقي منك ،
فريد : يكون بعلمك ما اخاف من التهديد ولا اخاف منك ولا تقدرين تسوين شيء لان لو فكرتي قدني اكون انهيت حياتك انا انسان ما بداخلي ذرة رحمة اتجاه البشر اتخلص منه بغمضة عين بس انتي تركتك عشان مصلحة نفسي ،
غمضت عيونها بقهر وصدت بتمشي لكن مسكها من ذراعها وناظر فيها : وللعلم الان انتي حرة تقدرين تروحين وين ما تبين ترجعين لاخوك ولبيتك وين ماتبين براحتك بس تذكري انك مراقبة لا تسوين شيء يخليني ارجعك هنا مره ثانيه واذا عن امير ف يخسي يقرب صوبك لانك صرتي زوجتي ،
-
