#لا_تضر_القلب_مانت_بعدوٍ_لي
_
التفت عليه امير بصدمة من كلامه : وش جابك انت؟
فريد : متى تتوب؟
امير ضحك بسخرية : ليه انت تبت؟
فريد بحده : ابعد عن صمود وعن اهلي مفهوم !
امير عقد حواجبه : صمود؟
فريد : لا تحاول تجحد انا عارف كل شيء وانك تراقبها ،
امير : صحيح كلامك لازم تاخذ جزاتها على افعالها فيني ،
فريد : تخسي تقرب منها فاهم!
امير : بس ما كملت كلامي انا؟
فريد : ما يحتاج تكمل مافي احد خسيس غير وراها ،
امير اخذ نفس : ماني عارف اي شيء عنها ،
فريد : وش ما سويت صدقني ماراح تقدر تأذي شعره من راسها و انا مسافر بعد كم يوم واكون عندها واذا فيك خير انت و كل رجالك جربوا تقربون منها ، وصد مشى يطلع من المستشفى ،
-
صمود : اي و ايش قال؟
ميهان ابتسمت : وافق عاد وعلمت امي بالسالفة كلها وصحيح على طاري امي لا تنسين تحضرون عزيمتها اليوم ،
صمود : والله امي راحت مع سطام لمشوار تعرفين بالوضع انتي سطام ندمان على كل شيء ويبي يقضي كل وقته مع امي ف ما يمدينا الحين خلاص اوعدك قبل زواجك من جراح نجيكِ ،
ميهان : ياويلك تتراجعين عن كلامك ،
ضحكت صمود وهمست : يوه تصدقين ذكرتيني اغير شريحتي و احط الشريحة الاول عطيت رقمي ل اخت فريد واكيد المسكينة اتصلت وتحسب اني كذبت عليها برقمي ،
ميهان عقدت حواجبها : حركات ، اخت فريد! و رقمك معها !
صمود : اسكتي تكفين لا تسوين سيناريوهات من راسك مافي شيء أبدًا بس كذا ،
ميهان : صحيح من بس كذا الى اهلًا يا ماما ،
ضحكت صمود : انقلعي ميهان ، وقفلت منها ومشت تفتح بوكس اغراضها وتاخذ شريحتها الاولى وتحطها ،
بعد دقايق اشتغلت جوالها اخذت تدور رقم غلا لقت منها اتصالات ابتسمت وهي تتصل عليه ،
-
غلا كانت تسولف مع نهى عن صمود وفريد وكيف تزوجوا التفتت من صوت جوالها وناظرت للاسم وشهقت : يمه هذي هي تتصل! على طاريها ،
نهى : ردي ردي بشوف ايش تقول ،
ردت غلا وهمست : الو ،
ابتسمت صمود : اهلين غلاوي اعذريني اسفه والله هذا رقمي اللي هنا بس وقت رحت امريكا غيرتها وقبل اجي هنا عطيتك ويوم جيت هنا رجعت غيرت رقمي وتوي اتذكرت اني عطيتك هالرقم ف خفت تفهميني غلط او اني كذبت عليكِ ،
غلا : لا شدعوه ياقلبي بس خفت عليكِ فجاة صرتي ما تردين،
صمود : لا الحمدلله انا بخير طمنيني عنك وعن اهلك؟
غلا ابتسمت : جينا السعودية ابشرك ،
شهقت صمود : احلفي !
غلا : والله امس الصباح وصلنا ،
صمود : ما شاء الله بس من وين انتم؟
غلا : من القصيم ليه انتي وين ؟
صمود بصدمة : تستهبلين! حتى انا من القصيم ،
غلا : بذمتك! احلفي !
-
#لا_تضر_القلب_مانت_بعدوٍ_لي
-
كان يسوق ومتردد بين انه يسافر وبين انه يجلس اخذ نفس بعد تفكير طويل ومد يده ياخذ جواله ويرسل ل احدى اشخاصه يحجزون له اقرب رحلة ب اي طريقة واليوم قبل بكرة ،
و رمى جواله على مقعد السيارة وسكت يسوق وهو سرحان طول الطريق وصل عند بيته نزل ومشى لداخل ،
-
جراح كان بالفندق انسدح على السرير واخذ جواله يتصل على ميهان وعلطول ردت وضحك : شكلك كنتي تنتظرين اتصالي!
ميهان : من وين لك هالثقة ياحبيبي؟
جراح ابتسم من كلمة " حبيبي " حلوه الكلمه عيديها ،
سكتت ميهان من استوعبت وهمست : ترا بالغلط وبعدين وش بغيت متصل بهالوقت؟ شعندك ؟
جراح : ابد والله بس مشتاق وقلت اسمع صوتك قبل انام ،
ميهان : غريبة تنام هالوقت ؟
جراح : بما اني في الفندق اريح وانام و اريح راسي بكرة راح ارجع البيت وانتي عارفه الوضع وكلام امي اللي ما تنتهي وفوق هذا اتحمل كلامها اكثر لما اخذك ،
ميهان تنهدت : اوف تعبتك معي صح؟
جراح : انا اللي تعبتك والله مب انتي ،
ميهان : طب كيف تصارح امك اخاف انها تطردك ؟
جراح : لا مستحيل ما توصل للطرد وتلاقينها الحين مشغولة مع زوجة عمي جت من السفر امس ،
ميهان : ما شاء الله الحمدلله على سلامتهم،
جراح : عادني مشتاق اشوف زوجة عمي ذي كانت تحبني وتهتم فيني وانا صغير واكثر وحده كانت تدلعتي ،
ابتسمت ميهان : عساها ما تغيرت الحين ان كان ما تغيرت ف يمكن هي تقدر تقنع امك عن زواجنا ،
سكت جراح لثواني بتفكير وفز : والله انك صادقه كيف ما جت في بالي ! واكيد امي ماراح ترفض اذا هي اقنعها ،
ميهان : يعني صدق بتوافق لو تكلمت معها زوجة عمك؟ بس عجيب كيف وانت ولدها خاطرك مب مهم عندها وخاطر زوجة عمك مهم؟ ما اقتنعت ما احس انها بتوافق ،
جراح : صحيح بس امي انسانه تبي احد يتفاهم معها ويجلي عندها يومين عشان يتفاهم بعدين تقتنع وانا انسان حار اعصابي مشدودة ما اتحمل ،
-
تركت جوالها صمود من بعد ما كلمت غلا وخلصت مشت وهي تجلس في الصاله وحطت يدها على خدها وهي تفكر و ان فريد ما جاء السعودية مع اهله ، عقدت حواجبها بتفكير وهمست بقلبها : اوف انا بعد وش قاعده افكر طبيعي انه نساني بسهولة وبعدين وش نساني، اكيد هو كان ماخذ زواجنا طقطقه نفس ما قال ، مدري انا اللي وش فيني قاعده افكر فيه ، سكتت تمسك راسها بتعب من التفكير وسحبت المخده وحطت راسها تنام بالصالة ،
-
