"အား..မသိဘူး..ကျွန်မမကြားချင်ဘူး..သခင်ဆိုတဲ့သူကိုကျွန်မကြောက်တယ်..သခင့်ကိုကြောက်တယ်"
သူကအရူးတစ်ယောက်လိုအော်ဟစ်သောင်းကျန်ပစ်နေသည်။သခင် သူ့ကိုကြည့်ရင်းဝမ်းနည်းလာမိသည်။
"ဘာမှမဟုတ်ဘူးနော် သမီးလေး..ဘာမှမတွေးနဲ့နော်..သခင်ဆိုတာ ဘယ်သူမှမဟုတ်ဘူးနော်"
အလင်းဖေဖေက ဖျောင်းဖျပေးကာ သူ့သမီးကိုဖက်ထား၏။ အခုထိ ကလေးငယ်ပုံစံဟာကြောက်ကြောက်လန့်လန့်ရှိနေသေးသည်။
'ကလေးရယ် မမကမင်းအတွက်မကောင်းဆိုးဝါးတစ်ခုထက်ပိုနေခဲ့တာပဲ...အတိတ်မေ့နေတာတောင် မမကမင်းအပေါ်မကောင်းခဲ့ဘူးဆိုတာတော့ သိနေခဲ့တာပဲ'
"ဖေဖေ..ကျွန်မနာမည်ကဘယ်သူလဲဟင်"
ဘေးနားမှာရှိတဲ့လူတွေကိုတစ်ချက်မှမကြည့်ဘဲ သူ့အဖေလို့ ထင်တဲ့သူကိုသာတွယ်ကပ်နေသည်။
"လင်းရောင်စဉ်နွယ်လေ သမီးရဲ့"
"ဟင်...နာမည်ကြီးကလှလည်းမလှဘူး"
ကလေးတစ်ယောက်လိုစူပုတ်ကာပြောနေသောသူ့စကားကြားကြောင့် စိတ်ညစ်နေတဲ့ကြားမှရယ်မိပြန်သည်။အခြားသူများလည်းသခင့်နည်းတူရယ်နေကြ၏။
"လှပါတယ် သမီးလေးနာမည်က"
သူကတော့ စူပုတ်ပုတ်လုပ်နေသေးသည်။
"ကျွန်မ ဘယ်တော့မှမှတ်ဉာဏ်တွေပြန်ရမှာလဲဟင်...ဘာလို့အခုလိုဖြစ်သွားတာလဲ"
"သမီးလေး မတော်တဆမှုဖြစ်သွားတာလေ..မှတ်ဉာဏ်တွေက ခဏပဲမေ့တာပါသမီးလေးရဲ့..နောက်ကျရင် ပြန်ကောင်းလာမှာနော်"
"မေမေကရောဟင်"
"သမီးမေမေကသမီးငယ်ငယ်လေးကတည်းကဆုံးသွားတာလေ သမီးရဲ့"
"ဪ"
"ရောင်စဉ် ငါ့ကိုသိလားဟင်"
ခေါင်းရမ်းမိပြန်သည်။ဘယ်လူတစ်ယောက်၊ဘာတစ်ခုကိုမှ မမှတ်မိတာပါ။
"အလင်း..ဘာမှမဖြစ်ဘူးနော်..နောက်ကျရင် မှတ်ဉာဏ်တွေပြန်ရမှာပါ"
သူ့မျက်လုံးတွေကအခြားသူတွေထက်နူးညံ့လိုက်တာ။သူ့မျက်လုံးတွေမှာတစ်ခုခုရှိနေပုံပဲ။ကိုယ်ဟာ အတိတ်မေ့နေတဲ့သူတစ်ယောက်ဖြစ်နေတာတောင် သူကိုတော့ရင်းနှီးနေမိသည်။
![](https://img.wattpad.com/cover/342680565-288-k152851.jpg)
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...
အပိုင်း(၃၀)
Start from the beginning