Unicode
"သမီးလေး ဘာလို့ငိုနေတာလဲ"
"ဟင်..ဖေဖေလား"
သခင့်ဆီမှအပြန် အိမ်ရောက်တွင်
မထိန်းနိုင်စွာငိုချမိသည်။ ကိုယ့်အခန်းထဲသို့ဘယ်သူ့မှဝင်မလာလောက်ဘူးထင်ကာတံခါးအားမပိတ်မိခဲ့။ဖေဖေက ဘယ်လောက်ပဲအရေးကြီးကြီးတံခါးခေါက်ပြီးမှသာဝင်တတ်သည်။ဒီနေ့မှဖေဖေသည် တံခါးမခေါက်ဘဲဝင်လာခဲ့သည်။
အခုတော့ကိုယ်ငိုနေတာဖေဖေသိသွားခဲ့သည်။
"လွန်းလေးကသမီးကိုဆူလိုက်လို့လား"
"မဟုတ်ပါဘူးဖေဖေ"
"ကဲဒါဆို ဘာဖြစ်လို့လဲ"
"ဘာမှမဖြစ်ပါဘူး"
"ဖေဖေ့ကိုမညာပါနဲ့...သမီးမမကြောင့်ငိုလာတာဖေဖေသိတယ် ဖေဖေ့ကိုပြောပြနော်"
"ဟင့်ဟင့်..ဖေဖေ သခင့်မှာချစ်သူရှိနေပြီ...သမီးလေအရမ်းဝမ်းနည်းတယ်ဖေဖေ...သခင့်ကိုသူများဆီပါသွားမှာကြောက်တယ်.."
"သမီးလေးကဘာလို့ လွန်းလေးကိုသူများဆီပါမှာကြောက်တာတုန်း"
"မသိဘူးဖေဖေ..ဒါပေမဲ့ သခင့်ကိုဆုံးရှုံရမှာကြောက်တယ်..သခင့်ကိုဆုံးရှုံးရပြီလို့တွေးကြည့်ရင်သမီးရင်ဘတ်တွေအောင့်လာတယ်"
မပိုင်ဆိုင်ဖူးပါဘဲနှင့်ဆုံးရှုံးမှာကြောက်နေတာတော့ရယ်ချင်စရာကောင်းလွန်းသည်မဟုတ်လား။
ဒါပေမဲ့လည်း သခင့်ကိုမဆုံးရှုံးချင်ဘူး။
"သမီးဘာမှစိတ်မပူနဲ့ ...သမီးမမကိုဘယ်သူမှ သမီးဆီကယူလို့မရအောင်ဖေဖေကာကွယ်ပေးမယ်"
"ဖေဖေကဘယ်လိုကာကွယ်ပေးမှာလဲ"
မယုံတယုံမျက်ဝန်းတွေနဲ့ဖေဖေ့ကိုကြည့်လိုက်မိ၏။တကယ်တမ်းလည်းဖေဖေသည် ကိုယ်လိုချင်သမျှကိုရအောင်လုပ်ပေးခဲ့တာချည်းပါပဲ။အခုကိစ္စမှာလည်း ဖေဖေကူညီနိုင်ရင်သိပ်ကောင်းမှာပဲ။
"ဒါတော့သမီးကိုပြောပြလို့မရသေးဘူး..အချိန်ကျရင်တော့ဖေဖေစီစဉ်တာလက်ခံရမယ်နော်"
"အဲ့ဒါဆို သခင့်ကိုမဆုံးရှုံးရတော့ဘူးလား"
"ဒါပေါ့ သမီးရဲ့"
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...
