Unicode
"နွယ်ကလေး"
"ရှင်"
"မင်းမမကို ကြာဆံသုပ်စားရအောင်ခေါ်လိုက်လေ"
မမဇွန်သည်မနက်စာကိုကြာဆံသုပ်လုပ်ပေးသည်။သခင်ကတော့ မမဇွန်ချက်တဲ့ဟာတွေကိုမစားတာများသည်။ပြီးတော့ မမဇွန်နဲ့လည်းမေးထူးခေါ်ပြောလောက်သာရှိသည်။သခင့်ဘက်ကအနေအေးသူမို့ သူစိမ်းတွေနဲ့မရင်းနှီးချင်မှန်းသိပေမဲ့ သွက်သွက်လက်လက်ရှိသော မမဇွန်ကရော ဘာကြောင့်များသခင့်ကိုစိမ်းချင်နေသလဲမသိပါ။
မမဇွန်သာ မိမိကိုခင်သလို သခင့်ကိုခင်ပေးရင် ဝမ်းသာမိလိမ့်မည်။
"သခင်ကမစားလောက်ဘူးမမဇွန်ရဲ့"
"စားတာမစားတာကသူ့အပိုင်းလေ ခေါ်ရမှာက ကိုယ့်တာဝန်ကို သွားခေါ်ချည်နော်"
"ဟုတ်"
မလိုက်မှန်းသိပေမဲ့ သခင့်အခန်းရှေ့အထိရောက်နှင့်ပြီဖြစ်သည်။
"သခင်...လင်းပါ"
တံခါးကိုခေါက်ပြီးအသံပြုလိုက်သည်။
သခင်ထွက်လာ၏။
"ဘာလဲ"
"မမဇွန်က ကြာဆံသုပ်လာစားလှည့်ပါတဲ့"
"တော်ပြီ ခဏနေကျောင်းသွားတော့မှာ"
"တစ်ခါတလေတော့စားပါသခင်ရယ် မမဇွန်ကစေတနာနဲ့လုပ်ပေးထားတာပါ"
"ငါကသူချက်တာကိုမစားချင်တာမဟုတ်
ဘူး...မင်းနဲ့တစ်ဝိုင်းထဲမှာထိုင်မစားချင်တာ...သိပြီလား..နောက်ကိုမလိုအပ်ဘဲနဲ့စကားတွေ လာမပြောနဲ့ ..သွားတော့"
ဆူငေါက်ငေါက်နဲ့အော်လိုက်တော့ မျက်နှာငယ်လေးနဲ့ပြန်လှည့်သွားရှာသည်။
ဘယ်လောက်ဆူဆူ မျက်နှာငယ်လေးနဲ့သာရှိနေတတ်ပြီး ရိုင်းရိုင်းစိုင်းစိုင်းတော့တစ်ခါမှပြန်မပြောခဲ့ပါ။
"သခင်က မစားချင်ဘူးတဲ့မမဇွန်"
"သူကဆူလိုက်လို့လား နွယ်ကလေး"
"အင်း...သခင်ကလင်းတို့နဲ့အတူတူမစားတာ ကလင်းနဲ့တစ်ဝိုင်းထဲမထိုင်ချင်လို့တဲ့ အဲ့ဒါကြောင့် အမြဲတမ်းသခင်ကလင်းတို့နဲ့အတူတူမစားတာပါ"
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...
