في عيونك أبديّ قصيدي

بارت24

عند سهيل ألي بدًا يشد على افكاره ويحاول يلاقي له حل وفكر إنه يقابل غزل وتوجه لحارتهم ووصل بين بيت جده ابو صقر وسفر وبداء يرمي الحجّر على الشباك
الجازي:وجع الشباك انكسر منهو ذا
غزل:بعدي بعدي يمكن سهيل
الجازي:شوفي هو؟
غزل:اي بالله هو
الجازي:على وين
غزل:بروح له تكفين مارمى الحجر بعد طول غيبته دون سبب
الجازي:ياويلي لا تبليني بشرتس
غزل:انا داخله على الله ثم عليتس انها اخر مره تساعديني
الجازي:اصحي يابنت مقدر ولا تقدرين تطلعين
رجع سهيل يرمي الحجر
غزل:تكفين بس هالمره انا ماصدقت التقي به
الجازي: زين والطريقه؟
غزل:بطلع وادخلي وقفلي الغرفه على اساس ان حنا نايمات وابيتس تساعديني وتلهين جدتي نجلاء على بال ماطلع
الجازي:زين خلاص بس تكفين لا تتأخرين ترا ماعرف اكذب
غزل:لا معليتس روحي لجدتي الحين انتي وسولفي عليها ولهيها واذا سالتس عني قولي نايمه وبنص السوالف بطلع من الباب ذاك
الجازي:يلا استعجلي
لبست غزل وغطت وجهًا وطلعت من الباب بلحظة غفله لجدتها
طلعت غزل واشر سهيل للمزرعه هالمره وراح وبدقايق من وصوله جت غزل
سهيل:ادري وش بتقولين
غزل:زين حلو دامك تدري ليه تفلم علي وتوهمني
سهيل:وش اوهمتس!! كل الي قاعد أسويه تقنعيني انه بيروح عبث؟
غزل: مب عبث بس انت يوم معي وايام علي
سهيل:الايام عشاني انشغلت صح
غزل:بس خلاص بكل مره ذا تبريرك
سهيل بعصبيه:وانتي ماتعرفين وش قاعد اسوي ولا تحسين تتعامين عن كل فعل فعلته!!!
غزل بدموعها من صرخته بدون ماتحس دفته وانفجرت :حصلتني صدفه وأنت ماشي وانا على درب الحزن أبكي واتنهد ودموعي سيول كتمت وسط صدري كل معاني العذاب شفت بقلبك الطيبه شفت رجفتك يوم شكيت لك الحال شفت فيك الي فقدته من زمان
سهيل:غزل اسمعي لا
غزل:بس بس سمعت مايكفيني
سهيل:لا تبكين والله ان دموعتس غاليه ويخسي من ينزلها حتى لو كانت مني
غزل: جت منك
سهيل:بعلمتس عادي تسمعين مني؟
غزل:مابي اسمع شي
سهيل:اخر مره
غزل: ابي ارجع
سهيل:انتي شفتي انا شسويت صح بس شفتي القليل ومستعد اني اواجه كل الصعوبات الخفايا ادري اني متعبك واعذريني واغلى منتس مالقيت ولا ودي القى دامنس عادتني الامان أنا بعاهدتس اني مافرط فيتس دامني حي عاتبيني واجرحي يحق لتس والله
غزل الي حست انها غلطت:انا اسفه اني مافهمتك
سهيل:ههههههههه لا والله خذي راحتس
غزل بفشله وتغيير للموضوع:وينك الحين؟
سهيل:معليتس موجود
غزل:مطلعك جدك صح
سهيل:اي بس عادي
غزل:الله يعين بس
سهيل:جدتس سفر له يومين وينه
غزل:مع ابوي مدري وينهم
سهيل:زين تبين شي انتي
غزل:لا برجع
سهيل:الله معتس اذا فضيت وحصلت وقت بنلتقي
غزل:ان شاء الله
سهيل:طاح الحطب؟
غزل:شوي بس
سهيل: ارجعي ارجعي اجل
غزل:برجع
سهيل جلس يناظرها لين اختفى زولها من قدامه ومسح وجهه وفكره ياخذه ان هو غلط بحقها واهماله لها قام سهيل صلى ركعتين ويطلبها من ربه وتهون عليه
سهيل باتصال لنياف:نياف
نياف:وينك انت
سهيل:موجود بس تعال شوي
نياف:فيك شي؟
سهيل:لا بس تعال المزرعه
نياف:وش موديك هناك
سهيل:يرجال انت تعال وأعلمك
نياف :يلا جايك
...بمجلس ابو صقر....
عبدالرحمن :على وين تالي هالليل
نياف:ابد بس عندي شغله ناسيها وبروح اجهزها قبل العرس
عبدالرحمن:واخوك الي ماله اهل ماعينته ؟
نياف:مدري عنه
سالم:دق عليه وعلمني
نياف:اذا خلصت
عبدالرحمن:رح وعود لا تبطي
نياف:ابشر
عبدالله بهمس لنياف:رايح لسهيل؟
نياف:اي اقصر صوتك
عبدالله ؛بروح مع نياف بقصر بثوبي
صقر: وراهم ذولي
وافي : الله معاكم
نياف:امش ياعبدالله قبل المحلات تقفل
عبدالله:يلا جايك
سلطان:تصبحون على خير
سعود؛بدري يالدجاجه
منيف:اسهر انت حنا نبي ننام
سعود:بجلس اسولف على ابوي
صقر: لا وانا ابوك رح رح ارقد
سعود:افا تصرفني
صقر:قم انقلع بس نبي نسولف حنا يالشيبان
عدنان:وانت ياوافي معه
وافي:وش الطرده المحترمه ذي
سعود:محترمه بزياده مير طلعنا
طلعو العيال فضى المجلس
مشعل:يبه بتعزم سفر؟
عبدالرحمن:ماباقي الا هو
عدنان:يارجال عين من الله خير واعزمه
عبدالرحمن:ياعدنان صح اني اعزك بس بالاخير الامور هذي تخصني
عدنان:الي تشوفه
صقر:ابد الامور كلها طيبه الحمدلله وكل شي جاهز
عبدالرحمن:اي هذا العلم الي يسر الخاطر وانت ياسالم
سالم: امرني كل شي مثل ماتبي
عبدالرحمن:زين ان ولدك طلع عليك
عدنان:انشهد انه رجال
عبدالرحمن:بدون عقل
سالم: تامرون بشي
عبدالرحمن:على وين
سالم:بروح اشوف الاهل
عبدالرحمن: زين تسوي
وبدا المجلس تتسكر ابوابه والكل غفى بنومه
عند ....نياف وعبدالله ...
نياف:وش جابك هنا
سهيل: اقعد انت وياه
نياف:قعدنا اهرج
سهيل:مانيب براجع للبيت وجدي ظالمني
عبدالله:ارجع وتعوذ من الشيطان
سهيل: اعوذ بالله
نياف:ارجع عشاني بس هاللليلتين قبل عرسي
سهيل: بشرط
نياف:امرني
سهيل:اذا جبت ولد تسميه سهيل
عبدالله:ههههههههه متجهز من الحين
نياف:مير هذي ازهله من اول
سهيل:كفو يابو سهيل
نياف:يلا ارجع معي بس اذا كلمك لا ترد
سهيل:بحاول
نياف:نخيتك وانا اخوك
سهيل:ابشر بعزك
عبدالله:سرينا
رجعو البيت وصادفهم كالعاده حسّ ابو صقر
عبدالرحمن:وش جابك
سهيل جهل الرد متغاضي ماوده يتمشكل
عبدالرحمن:انا اكلمك ليه ماترد
سهيل:آمر
عبدالرحمن: قول بدون فعل وش تفيد امر
عبدالله بهمس:اسكت لا ترد
سهيل:الحمدلله القول والفعل كله عندي ماداني الهجر لخوين لي
عبدالرحمن: انقطع هالسان الي تنطق به عود لا شافتك العين ولا فرحت بك
طلعوا عمانه على عوايدهم كل يوم
سالم:لا اله الا الله
عدنان:وشبكم
سهيل والكلمه حزت بخاطره بالحيل رد وقال: ياقو باسك ياعبدالرحمن بين نهار وليل ورميتني رميه يشهد على ماقول الله ودمع بكيته وكلام منك قسَاي يامتفرد بي من بين الخلايق انا منك وفيك تعمل بي الشين والضر
عبدالرحمن : يعني بتكسر خاطري بالهرج الفاضي
سهيل: الله يسامحك
عبدالرحمن:ادخل ادخل بس
سلطان: اعوذبالله من الشيطان
سعود:هو علام الله عليه
سهيل:خلاص تعودو دخلنا بس
وافي: شكواك لله بروح لامي من زمان عنها
مشاري :يمديها نايمه
وافي:لا معليك
رجعو الكل نامو دخل عبدالرحمن مجلسه ويده على قلبه من كلام سهيل الي كله نضج وعقاله وبداء يقلب الموضوع براسه
عبدالرحمن:هو صحيح إني ظالمه ولا مايعرف ماودي يلحق جده محمد متى تدري ياسهيل ماهو قلب قساي ولا تفرد
عدنان:سلط الله على الشيطان يارجال انت بك شي
عبدالرحمن: انا ادرى باللي اسويه
عدنان: زين بس فكر وخذ وقتك
كانت ختامة الجلسه تفكير
وافي: طريق ياولد به احد
ملاذ:بسم الله غنى ادخلي
غنى:لا تدخل
وافي صد عنها:بالله نادي امي ياغنى
غنى باستغراب :نايمه
وافي : اجل وقت ثاني
ملاذ:كيف يعرف اسمتس ؟
غنى:والله مدري من سهيل
ملاذ:تسذوب ههههههههه اعترفي
غنى:يابنت الحلال لا تسيئين الظن مهوب تسذا
ملاذ:علينا ياغنى قولي
غنى:اخمدي بس
جوهره:علامكم صاحيات
غنى:ابد والله هالحين ببننام
عنود:هيام وينها
ملاذ:كلهم نايمات ياخاله
عنود:ياعزي عنهم تعابا
ملاذ:اي والله اليوم تعب وش عاد بكره
"..بصباح اليوم الثاني بعد الفطور بليلة العرس.."
ريما:هيام قومي
هيام:قايمه
ريما:علام وجهتس تسذا!
هيام:مافيني شي
ريما :باكيه!
هيام:لا
ريما: تعلمي من نجد ولا همها طالعه للصالون تكمل تجهيزات وانتي حالتس كذا عاجبتس متى تتعدلين وزواجتس بكره
هيام:ريما تكفين انا خايفه انا مو نجد
ريما:تقدرين انتس تتركين الخوف!
هيام:بحاول
ريما:شوفي وجهتس كيف احمر وذابل امشي معي الصالون
هيام:مابي
ريما:تبين تتركين خوفتس وانتي كذا
هيام:خلاص بفطر واجي معتس
ريما:يلا اعجلي علينا ونخلي منيف يوصلنا افطري وانا بكلمه
        ......"عند البنات ".....
الجادل:هنوف خلصتي اغراضتس؟
هنوف:اي الحمدلله
الجادل:زين تسوين
ريوف:نجد ووين بتروحين
نجد:بروح الصالون
ريوف:بروح معتس ميهاف تعالي معي
ميهاف:بجي بدون ماتقولين
ملاذ:اخلصو يبنات بسررعه
الجده:علامتس طايره
ملاذ:يجده بكره العرس بكره العرس
ريوف:ترا سمعنا مايحتاج تعيدين
ملاذ:اتاكد بس
غنى: وين بتروحن
ميهاف:طبي معنا
غنى:يلا تم هنووف بتروحين؟
هنوف:لا خالصه انا روحن
النايفه:روحن ولا تتاخرن قبل المغرب وانتم هنا
نجد:ابشري
ساره: وش له صالون
نوره:بس تسذا ماعندهن شي
عنود:اي والله فضاوه
نوره:وحصه وجوهره وينهم
الجادل:بالمطبخ يجهزن التوزيعات لبكره
نوره:ياالله تتمم لهم على خير
الكل :امين يارب والدعاوي الي استقبلت الكل بهاليوم وكان الكل منشغل ومبسوط باجواء العرس
منيف:ساعه وانتم طالعات فاهمات؟
ريما:وش له ساعه ترا اختك عروس ارجع انت اذا خلصنا نتصل
منيف:مانيب براجع ومخليتس انتي وهي لو تطقن خلصوني بس
هيام:اجل خلك بالشمس
ريما:خليها تحرقه امشي بس
دخلو هيام وريما الصالون ووصلو البنات الباقين بعدهم بشوي
نجد:بديت اتوتر
ريوف:انكتمي بس وشوفي وش تبين
صاحبة الصالون:مين العرايس؟
ريما بإشارة لهيام ونجد:ذي والي وراها
صاحبة:عرفونا عن حالكم
هيام:انا هيام وذي نجد
صاحبة: هيام ايش حابه نسوي لك
هيام بتلعثم:مدري
ريما:سوي لها اظافرها وكل شي بكج عروس كامل نبيها تطلع جديده
هيام:حسبي الله
صاحبة:حاضر لا توصين تعالي معي
هيام: انا وش حدني
ريما:بجي عشان ماتقولين لا اعرفتس
صاحبة: تبين تغيرين لون شعرك او تقصين ؟
ريما:اي قصي لها أطراف واصبغي بني فاتح
صاحبة:والله ماني شايفه شعرها يحتاج صبغه
هيام:مين قال اني ابي بس قصي ومشينا للبيت
ريما:ههههههههه لا ياحبيبتي بتسوين اظافرتس واشياء تحسبين تسذا برجعتس
هيام:اوريتس
خلصت من هيام وكان شعرها لخصرها بعد التحديد وبانت ملامحها بعد الاشياء الي سوتها
ريما:اي هذي هيام الي اعرفها
هيام:انطمي بس
ريما:باقي اسلوبتس يتغير
نجد:خلصت
ريما:حتى حنا
ريوف:حرقت شعري حسيبها الله
ملاذ:ههههههههه يمه وش هالشعر غيري الصبغه مو حلو ترا
ريوف:لو سمحتي غيريها الحين بكره عرس اختي تطلعيني باهالشكل
العامله:معليش انتي طلبتي الون ذا ماقدر اغيره لك
ريوف:لا ياحبيبتي بتغيرينه غصب مستحيل اروح به
ميهاف:ههههههههه والله يا ان شكلتس اكشن
ريوف:ابي اغمق اللون طيب مره فاتح
العامله:تمام تعالي معاي
غنى:انا قايله لكم كلنا بنخلص غير ذي صرنا المغرب وقريب العشاء
نجد:تقروش
ميهاف:اخلصي علينا
ريوف: شوفو كذا؟
نجد:ارحم من اول
ريوف:امشن بس
ريما:نسيت منيف بالسياره
هيام:ههههههههه ياويلي حتنى راح عن بالي
ريما:تلقينه محترق من الشمس
منيف:بدري!مين العروس انتي ولا هي
ريما:ترا ماسويت شي
منيف:اركبي بس
هيام:ترا كلها ساعتين
منيف:بالله؟من العصر والحين العشاء وتقول ساعتين
هيام:يحول لله اهم شي ان جينا
منيف:جايه بدري ليه مانمتي
هيام:ودي
ريما:منيف نبي قهوه
منيف:تعقبين
ريما:تذكرها
رجعو البنات البيت
حصه:وين
نجد:والله تاخرنا مره زحمه
ريوف:مره اي والله
غنى: الحمدلله والشكر عارفه نفستس
ريوف:مب مني من الفاهيه ذيك
النايفه:وش مهوله بعمرتس
ساره:وراه شعرها محترق حطن لها حناء
نوره: وانا جدتس مهوب لايق هالون عليتس
ريوف:لا تحطموني بكره يخف
نجد:بجحدتس اذا احد سال وين اخت العروس قولو مفقوده
ريوف:هين هين اوريتس
النايفه:لا معليتس هذا زينه وانا امتس
ريوف:ياحبيبتي يامي محد معزز لي غيرتس
هيام:القرد بعين امه غزال
ملاذ:اي والله جبتيها
ميهاف:ههههههههه ودي ادافع عنتس ياخويتي بس يضحك
ريوف:مابيتس تدافعين مير فكيني من لسانتس
غنى:اي عاد ميهاف عليها لسان
ريما:لا نطق مايسكت
هنوف:ريوف شوفي المرايا ههههههههه
ريوف:حسبي الله ياجده شوفيهن
نوره:وهن صادقات
ريوف:زعلت منكن
جوهره:وش زينه شعرتس ماعليتس منهن غيرانات
ريوف:وتلوموني بخالتي جوهره
غنى:ول يامي هالمنطوق العذب والكلام منتتس لو انه شعري هبلتي بي
جوهره: ابي مصلحتس
الجادل: بكره يزين
ريوف:يارب ان شاء الله الله يسمع منتس