في عيونك أبديّ قصيدي

بارت11

بلحظة وصولهم والكل على أمل انه يسمع خبر يسّر الخاطر
عبدالرحمن: تكلم!
تغطو الحريم وطلعو تجمعوا الكل على منطق نيياف
نياف: غيبوبه وتوقف بالقلب
عبدالرحمن الي طاح من طوله وجلس يناظر الارض
وعلى صراخ غزل وضربها لنفسها:
غزل: انا السبب انا انا
نجد: اص اص لا تقولين كذا
سفر الي مسح جبينه وحس بحراره في صدره
غزل ببكاء: املي راح
الجازي: غزل امشي البيت!!!
سفر الي اخذ غزل والجازي ومشى هو وراكان
وحال سالم الكسيف الي فقد أعصابه وصراخه ورجفته ألي أرعبت كل الموجودين
سعود: ياعم وقف لا تسوي كذا
سالم: راح عميد القلب راح
صقر: لا حول ولا قوة الا بالله
نوره بدموعها وماكانت ترتاح الا لمشعل
عطوني دقو على مشعل ياريوف دقي
ريوف: جده هالحزه! تخوفينهم
حصه: يمه هدي مشعل م بيسوي شي
النايفه: بيد الله كل شي لا هو بيد احد
جوهره الي مابقى بها دمع ولا حس دخلت مثل الطفل الصغير المصّاب الي عارف كبر بلواه وساكت
جوهره:م كل صرخة الحناجر لها صوت
الجادل: ياخيتي ارتاحي انتي مهوب صاير شي
ومشى هالاسبوع وجاء مشعل من الشرقيه "
كان أسوء أسبوع على الكل

بعد مرور أسبوعين من مرحلة إلياس انه يصحى
غزل ودموعها الي تسبق خطّاها: ي مثقل الوقت من دونك ياشيّن الحياه بعدك
الجازي: بس عشان احتميتي به حبيتيه
غزل: آنا متأكده اني سَلمت قلبي للشخص الصّويب
فترةِ قصيرة عرفته بها الا وانه أصبح لي كل الوجود
رأجيه من ربِ أخرج يونس من بطن الحّوت إنه يعود لي
الجازي: اخ ياغزل قلبي محترق عليتس م بيدي الا الدعاء للداعي
غزل:يارب

بيوم الجمعه والكل مجتمع على الغداء
اتصال من المستشفى على جوال نياف
الدكتور: السلام عليكم
نياف: وعليكم السلام مين
الدكتور: اخو سهيل بن سالم؟
نياف بخوف: اي
الدكتور: سهيل صحى من الغيبوبه
نياف: بالله عليك؟
الدكتور: اي والله تقدر تجي تشوفه بعد
نياف: دقايق وانا عندكم
طلع نياف وصدم بنجد من قوة الفرح ولثمّت عيونه من جمالها
نياف: سهيل صحى يانجد
نجد تغطت وباستغراب من جراءته: الحمدلله يارببب
دخل نياف عليهم
نوره: عيب ياولد اطلع
البنات الي تغطو
نياف: ابشركم ان سهيل صحى
جوهره سجدت على الارض بدمعه وعّبره ورافعه يديها للسماء: ياربي لك الحمد ياربي
الجادل: الحمدلله يارب الحمدلله على السلامه
والفرحه أعتلت المكان وانتشر الخبر

توجه نياف بالمجلس الي كله صمت
نياف: سهيل صحىىى
الجد : صادق؟
سالم الي حس ان الدنيا م تشيله: نياف هرجك صحيح؟
نياف: اي والله
سعود: ياربي لك الحمد
عبدالله:مشينا له
سلطان: اخييييرررااا
منيف: اي والله انه خبر يسّر الخاطر
مشعل: انشهد
اتجهو للمستشفى
مشاري: وين سهيل؟
نياف: هنا هنا
الدكتور: يفضل انكم م تطولون وتدخلون اثنين اثنين لانه حاليًا تحت البنج
نياف: اول شي انا وسعود
بعدين جدي وابوي وبعده عمي صقر ومشعل وبعدين عبدالله وسلطان ومنيف ومشاري
سلطان: استعجل
دخلو نياف وسعود على ونيّن سهيل باسمها
وهو يقول :
لو أن قلبي على الي صار متعّود
ماكان شفتي بوجهي ألي تشوفينه
انتي تقولين لي بروح وأعّود
وعيوننس تقول غير الي تقولينه
نياف قرب من سهيل: والله لا اوقف معك لين م يحين موعد ممَاتي ولاجلك اسوي المستحيل ولا اخسرك مرةٍ ثانيه
سعود: ياعّزيي له جعلها أخر أوجاعه
نياف :ماودي أخلي جدي يدخل
سعود: حتنى بيزيد على سهيل وانت تعرفه
نياف: اسمع خله يدخل بس يطلع بسرعه قبل سهيل يشوفه
سعود: يلا
سعود: جدي ادخل انت وعمي سالم
توجه عبدالرحمن ويوم شاف ان سهيل صاحي وعيونه بالسقف ويقول كلام مهوب بمفهوم رجع لغروره وكَبره
عبدالرحمن: م فيه شي يلا رجعنا البيت
سالم الي عارف ان م يليّن قلب ابوه شي
دخلو وتطمنوا عليه ورجعو البيت وبقى نياف وعبدالله