في عيونك أبديّ قصيدي

بارت 7

وصل سهيل عند مشاري
سهيل: مشاري
مشاري:وشبه يدك كذا!!
سهيل: سالفه طويله
مشاري: دمك بحر وانت تقول سالفه طويله وراه مارحت المستشفى ؟
سهيل: اصبر اعلمك شفتها
مشاري: بك شي انت دمك كذا وتقول شفتها؟ اشك بعقلك
سهيل بضحك : فدا وشتبي
مشاري: منت صاحي والله
سهيل:
يادنياه ياغايته ياحبيبه
يامملكة روحه وبلسم جروحه
لبيه ثم لبيه من ساعة اقبلتي
مشاري :شي م تطوله لا تحوم حوله
سهيل الي ضاق: تذكر كلمتك ذي
مشاري: ولا تعيش انت بخيالك والتمني مهوب صاير
سهيل: مهوب بخيال حقيقه وقريب تصير
مشاري: وان درا بك عبدالرحمن وعن تفكيرك والله لا يطلع عقلك وينفضه لك نفض
سهيل: واذا درا
مشاري: الله يرجع لك عقلك
سهيل: يحول
مشاري: رح ارقد
سهيل : ابرك من اني اقعد معك
مشاري بضحك: م حصل لغيرك هالقعده
سهيل:ماهي مطلب احد

"بصباح اليوم الثاني ببيت عبدالرحمن "
الجد: جهزو العزبه
منيف: يلا يجد حنا ماشيين جيت اسلم عليك
الجد: وراء م تستعيذون وتمشون بكره
مشعل: ودنا بس ورانا شغل
الجد: الله يستر عليكم
نياف: توصلون بالسلامه
سلطان: درب السلامه
سعود: عمي تكفى بس اليوم
سلطان يهمس: ماهي معنا بالبر
مشعل؛ مره الجايه ياسعود
الجد: اترك عنك الثرثره انت وياه وروحو شوفو امهاتكم الجو واضح به مطر
نياف: بروح اشوفهم
نياف: يمه غنى جاهزين؟
جوهره: اي بس تعال خذ الحلا
غنى: نياف لا تنسى جاكيتي بالحيل برد
نياف:وراء م تشيلينه انتي
غنى: شيله لا اعلم ابوي
نياف: يادلوعه لا تصيحين بشيله
غنى: شاطر
سلطان : نياف شف درب
نياف: غنى ادخلي
سلطان:ملاذ وميهافوه خمس دقايق مانتم برا بروح واخليكم
ملاذ: بسم الله دقيقه عباتي بس
حصه: سلطان قدامك صحن الجريش وصحن المرقوق خذهم
سلطان: يوه مرقوق حصه
حصه: شله وخلصنا
سلطان: يلا انا انتظركم اركبو قبل السيارات تزدحم
حصه: ان شاء الله
نجد: ملاذ مشاري مب هنا مع مين نروح ؟
ريوف: علامتس كلنا مع اي احد
ملاذ: اي اذا لقيتي مكان اركبي وخلاص
ميهاف: نبي فعاليات لا تصيرون نفسيه
ملاذ: م عليتس هنوف وين هيام مشت؟
ميهاف؛ هنوف وغنى مع بعض وهيام وريما قبل شوي مشوا الشرقيه
ملاذ: ياعمري بنشتاق لهم
غنى: سبرايز مسويه لكم حلا
ميهاف: غنى شكله مايطمن
هنوف: محروق
غنى: حسبي الله الشرهه مو عليكم علي
نجد: وش حلوه ماعليتس منهم
غنى: نجد اقوى معزز
عبدالله بحده: اخلصو!!!
الجادل: تعال يامي خذ ذا
سعود: هنوف وين
الجادل: جايه
الجده: عاونوني
سعود: قومي يجده يلا

كانت ثلاث سيارات "
سيارة نياف "نجد ، هنوف ، ملاذ ، حصه  غنى،، النايفه ،"
سيارة سلطان' ميهاف، ريوف ، الجادل ، ، جوهره  ،عبدالله
سيارة سعود، الجد، الجده ، صقر، سالم

غنى :نياف شغل
نياف: لا
غنى :نياف نبي جو ياخي!
نياف: بشغل لا اسمع حستس
غنى: يلا طيب
نياف شغل:
ماغير اكرر صورتك في خيالي
في كل وقت وصبح وعشيه
لبيه يازولك ليا من طرالي
انشهد ان مافيه بالكون زييه
وسوالف الطريق الي م تخلص