في عيونك أبديّ قصيدي

بارت19

بزوايه المجلس بعيد عن الكل عند عدنان وعبدالرحمن
عبدالرحمن:عطني علومك
عدنان:ابد والله هذا انا على خبرك بس انت
عبدالرحمن:وشبي
عدنان:للحين انت وسفر على هالحال؟
عبدالرحمن تنهد:تبي تفتح موضوع سفر اعتبر الموضوع منتهي من زمان
عدنان:والله م كسر خاطري آلا سهيل
عبدالرحمن:سود الله وجهه
عدنان:لا تقول كذا ياعبدالرحمن وتضيعه من يمناك حّي موضوعك وموضوع سفر م لهم دخل به وش خسرت ان جمعت بينهم؟
عبدالرحمن:صاحي ياعدنان اخذ له بنت راكان ولد سفر؟مردّه بيصير رجال وقريب بزوجه
عدنان:نخيتك وانا اخوك لا تظلمه
عبدالرحمن:ابي مصلحته بس
عدنان:مصلحته مو بالزواج لا تزوجه وتظلم بنت الناس معه
عبدالرحمن:زين يصير خير
عدنان:وش اخبار الديره وين الشيّاب
عبدالرحمن:هههههه كلن لاهي بعمره الا اقولك
عدنان:العالم تلاهت عن بعضها اسلم
عبدالرحمن :اي والله بس اجلس بالديره
عدنان:صعبه وانا اخوك اترك حلالي ودنياي
عبدالرحمن:معليك كلها بتجي هنا والبيت جاهز بس انت تعال
عدنان:اجل الي تشوفه بس البيت علي
عبدالرحمن:مابينا وانا اخوك
عدنان:ادري بس خلها علي
وبدات السوالف بينهم وكلامهم عن الحياه بعد مافترقو
......••عند البنات••.....
الجده:وش صار معتس ياساره
ساره:ابد على حطت يدتس
الجده:وش عندتس من ضنى
ساره:على خبرتس وافي
الجده:متزوج؟
ساره:لا والله ادور له بنت الحلال
الجده:الله يرزقه ويحفظه لتس وتشوفين احفادتس
ساره:عقبال غواليتس
الجده:امين ان شاء الله
التفتت ساره لغنى ذي من بنته
جوهره:بنيتي العنقود
ملاذ بهمس:يويل غنى
غنى:وجع
ساره:ياحليلها والله تهببل جعلتس تفرحين بها
جوهره:يوه على خير
غنى:امي
جوهره:هلا يامتس
غنى:نياف يدور شماغه قبل شوي ماعينتيه؟
جوهره:الله بلاني باهالولد الضايع الله يعين الي بتاخذه
كلهم ناظرو بنجد وانفجرو ضحك
ريوف:سمعتي الله يعين الي بتاخذه
جوهره :علامتس انتي
ريوف:ابد ي خاله
الجادل:قومن زينن القهوه
عنود:بعدين تعالن كملن هروجككم
النايفه:يلا انتي وهي فزن
هيام:افا ياعمه النايفه حتى انتي قلبتي علينا
النايفه:يبنت الحلال ابي افرض شخصيتي قدام حريم اخواني هههههههه
الجادل:الله يقطع سواليفتس
حصه:مثلتس وانا اختس يلا قومن
ملاذ:رجلي انا تعورني والله قومو انتن
نجد:هيه سلامات انا الي رجلي معورتني وراء تكذبين
ملاذ:اص بس
ميهاف :بقوم عشان امي
حصه:يبعدي انتي جعل بعض الناس يتعلمون منتس
ميهاف:يارب
قامو البنات وهم يضحكون على دقة حصه بملاذ
رجعو العيال من الحلال "وكان الموعد المنتظر."
الجد:ياهلابهم
سلطان:تبقى
سعود:جدي راجعين نبي نفرحك
الجد:اي وش عندك انت وياه اهرجو
نياف :يعني اول شي بكلم ابوي
الجد :يبعد الدنيا يانياف قول وش عندك
منيف :حنا لنا الله
الجد:اركد يالورع
منيف:على خشمي
عبدالله:منيف صامل
وافي:دمه خفيف
سهيل:حتى وافي عرفك
منيف:مانتم مقدرين النعمه
مشاري:وين النعمه ماشوفها
منيف:ارفع علومك بس هذا هي قدامك
مشاري:ههههههههه اللهم ادمها واحفظها
منيف:كلتراب بس مسوي تطقطق
الجد:مانتم شايفين عندنا ضيوف؟
سلطان:يويلهم
عند نياف الي راح يكلم ابوه
نياف:يبه ابي نجد وتراي مكلمها وكل شي بس ابي رايك
سالم:زين وش بقول انا
نياف:مو كذا قصدي ابي اخطبها
سالم:زين مابغيت تتحرك وتخلينا نفرح بك
نياف:ههههههه شسوي عاد
سالم:ياالله بس نكلم مطلق
نياف:زين وجدي؟
سالم:عاد ذا مالي قدّره عليه الراي عنده كلمه
دخل نياف هو وابوه والابتسامة شاقه وجهه
نياف تنحنح:جدي
الجد:بتقول ولا كيف
نياف:زين مستحي منكم
سلطان:ماعرفته يستحي
سعود:تشوفه!!!
عبدالله:اص انت وهو خلونا نسمع النقاش القوي
منيف:اي ترقبوا بس
نياف بضحك عليهم:زين بتكلم اص!
سهيل:يلا
نياف:جدي ودي أخطب ويكون زواجي مع سعود
سعود:حتى بزواجي ناشب لي
صقر:بس يولد ههههههه خله يكمل
نياف:زين اصبر انت م بعد هرجت
الجد بحده:ومنهي ذي ان شاء الله
نياف:نجد بنت عمتي
الجد:اي اشوا احسبك مبعد بعيد نفس بعض الخلق
حزت بخاطر سهيل والكل صار يناظر به
نياف:لا معليك بس وش السوات
الجد:اعتبرها لك وبكره اكلم مطلق وزواجكم بعد اسبوعين
سعود:مسرع!!!!!!
الجد:ولا كلمه
نياف:ليتني هجدت اسبوعين وش
الجد:اجل نكنسل زواج سعود وزواجك
سعود:والله اخليها تخطبني
الكل يضحك على هبالة سعود
وافي:كيف تخطبك يالارقل
سعود:مدري جدي تكفى لا
الجد:امزح معك بس رح يانياف وكلم الاهل
نياف:زين شوي
وبدات التباريك
طلع سهيل بالحوش وهو ضايق ويتمنى شعور نياف الحين
عبدالله لحقه:وشبك
سهيل:مافيني شي
عبدالله:زعلت من كلام جدي صح؟
سهيل:من جيت وانا م كلمت غزل ولا شي وحاولت ابعد ويجي ويقولي كذا !
عبدالله:يرجال خلاص تحمله
سهيل:استعملت معه كل الطرق
عبدالله:يعوضك الله
سهيل:خلني لحالي
عبدالله:براحتك