في عيونك أبديّ قصيدي

بارت16

ودخلو صقر وسالم
سالم:شلونتس ياميمتي
الجده:والله بخير يانور العين وانت شلونك؟وانت ياصقر
صقر:والله بخير
منيف:كيف حالتس يجده
الجده:بخير الحمدلله وانت شلونك
منيف :بخير دامنس بخير
الجد لسلطان وسعود:اعقل انت وياه يالبزر لااخلي العصا تغني على ظهوركم
سعود بهمس لسلطان:يويلتنا اهجد!
سلطان انفجر ضحك:اويلي
نياف ومشاري الي ماخذتهم السوالف
نياف :بالله ي عبدالله شف اخووك وولد عمتك
عبدالله :الشكوى لله كنهم نياق جدي
الجد:يولد!
نياف:اوجد الفرق
نياف وعبدالله انفجرو ضحك
سعود: ايه معليه ترا سمعنا كملو كملو
سلطان:شعنده سعيدان يطقطق علينا
ريوف:حلوه حلوه سعيدان
ميهاف :نعتمدها ياريوف ؟
ريوف : بنعتمدها لمشاري
نجد لو سمحتو الا مشاري الغالي
مشاري :هذي يوم معي ويوم علي اما انتم يالثلاثه كل يوم علي
الجادل:اسكتو ياعيال
صقر :اي اسمعو كلام الغاليه
سعود: يبه مغازله من ورا التريلات
الجادل الي استحت: اص يولد
سعود :يبه ماودك تتزوج على امي
صقر:لا تزوجت على هيام اتزوج عليها"
سعود:لا والله ماسويها امزح استغفرالله
سلطان:يالارقل
هنوف:والله ابوي عطاه رد
منيف :سعود اشوف وجهك
سعود :الي ماسك الضحكه وانفجر على منيف
نجد بضحك:ارحمو بطني
نياف وهو يقلدها:حتنى خلوني اتنفس
هيام :وراء بعض
ريما بضحك:يجده عليتس فيهم
عبدالله :وانا وش مسوي
الجده:الغالي انت
عبدالله :يبعد الدنيااا
جوهره:وين سهيل
الجد:ي ذا السهيل الي مفيه غيره بالدنيا
جوهره:اسالك ي نياف
نياف:راح لمتعب
جوهره:م قال متى يرجع؟
نياف :لا
كملو سوالفهم وجوهره قلبها قارصها

عند سهيل الي كان يناظر ببيت سفر وجاهل الرجال الي يراقبه
تعريف بسيط..."زايد بن عقاب"
ولد خال غزل والمعروف بالدشره عنده سوابق وقضايا وكم مره ينجى منها ويهيم بغزل من طفولته ومن يعرف بسالفة سهيل يرجع من الرياض ويتوعد به.
وقف سهيل عند بيت سفر الا السياره الي متجهه لسهيل وتتبع خطواته
ركب سهيل سيارته متجه لشقة متعب كالعاده وكانت االسياره تتبع خطواته ظن سهيل انه مجرد طرق وتشابه
بدا ياشر لسهيل
سهيل:وشبه ذا
نزل سهيل ونزل من السياره زايد بملامحه المرعبه والمّريبه ب الحيل
سهيل:هلا اخوي امرني
زايد: لا هنت بس ابيك بكلمه ضروري
سهيل:قول م به احد
قرب زايد من سهيل وطعن بكتفه ومن اسفل رجله لحد م طاح "كان سهيل متالم من جروحه القديمه وتوه طالع من المستشفى وضعّف بالحيل "
زايد بضحك:انت تحط راسك براسي تعرف مين انا
سهيل:مين انت
زايد:غزل
سهيل بصدمه:كيف تعرفها ؟
زايد:بنت عمتي تحلم بها
بدا زايد يسحب سهيل الى م وصل السياره واتجه لمكان بعيد عن الديرة
سهيل:وين ماخذني أنت
زايد: لا تخاف ابيك تتادب شوي وارجعك
سهيل: والله م اخليك
زايد: لا تهدد عشان م تندم
دخل زايد سهيل داخل مكان مهجور وقديم والحاره الي به فاضيه وربط يدينه
زايد:الحين تخلصت منك وارتحت
سهيل: وتحسب اني بخليك؟
زايد: تهدد وانت بمكان لو تصرخ بمايك محد درا بك؟
سهيل:اطلع يا زايد والله ان تنندم
طلع زايد وهو يضحك
زايد:فيه سخافه ماهيب طبيعيه يهدد بعد الله ينصرك ويكون بعونك
سهيل:الي بدا يفكر كيف يتصرف بالبلوى الجديده
والكل جاهل وجود سهيل الا جوهره الي تاخر الوقت وبدا قلبها يقرصها عليها
جوهره: نياف اخوك م جاء
نياف: اكيد نام عند متعب
جوهره اللي ارتحت انه عند متعب
واتجه الكل ونام بعد يوم مُتعب

باليوم الثاني
تحديداً لقى نجد& ونياف
دخل نياف :وشاف نجد اتجهت الحوش الثاني كان الحوش هذا وسيع بالحيلللل ونادر احد يجيه واعتبرها فرصه انه يكلمها
نياف:نجد
نجد: وش جابك
نياف:م علينا بكلمتس بموضوع
نجد :وشو
نياف: لتس الحق انتس ترفضين او تقبلين وانا والله مستحي منتس بس من بعد اخر موقف ودي اخطبتس
نجد:صدمتني
نياف: خذي وقتس
نجد: مدري وش اقولك والله
نياف: ابد لا تقولين شي وان بغيتيني عيوني حطيتس بها
نجد: كلم ابوي
نياف: ابوتس عندي بس انتي لو لو خطبتس توافقين؟
نجد بابتسامه:كلم وابوي ونشوف
نياف الي حس ان الدنيااا مو شايلته وراح بيبشر
سهيل

عند سهيل الي م كان بجواله اتصال والمنطقه مقطوعه بدا سهيل يحاول يفك يدينه فك يد وكان حوله قزاز علبة وبدا يفك يده الثانيه ثبت مكانه
دخل زايد بيده مويا لسهيل ولا انتبه ان سهيل فك يده
اخذ سهيل العلبه وصقع بها زايد من راسه الى م طاح
طاح زايد ومسك يده سهيل:تحاول تلعب معي تندم
زايد:م اخليييك والله لا ادمررررك
هرب سهيل واستعجل خطواته الى م بعد عن المكان وقف يلفت انظاره على امل يحصل احد يساعده بس للآسف كانت المنطقه ارض كأن م مر عليها من البشر مخلوق
واستوعب نياف ان مرت هاليومين بدون طواري سهيل
نياف الي فقد سهيل: واتصل على متعب يتفقد احواله
نياف بعد كلام بينه وبين متعب: الا بسالك سهيل عندك من ثلاث ايام خله يرجع
متعب بصدمه:سهيل م جاني ولا كلمني
نياف: شقاعد تقول انت!
متعب:نياف انت صدق مو وقت مزحك
انت عارف ان سهيل توه تعبان م داوت جروحه كيف تخليه يطلع!
نياف: شدراني انا لا تصرخ هو اخذ السياره وقال بروح لمتعب
متعب: لا حول ولا قوة الا بالله اخلص علي وامش ندوره
نياف: مسافة طريق وانا عندك
طلع نياف المجلس "ياعيال محد منكم شاف سهيل؟
الجد: وينه فيه
مشاري:قال انه عند متعب
نياف:سهيل مهو عنده ثلاث ايام م له اثر ولا خبر
سالم: مهبول انت!كيف تترك اخوك ثلاث ايام
نياف: مو وقت نقاش عاونوني ندوره
الجد:جعله مايرجع ماشفت منه غير المصايب
نياف:لا تعلمون امي انتبهو!
عبدالله:نياف بجي معك
نياف:كلكم بتجون اساسا
تقسمو بسيارتين واخذو متعب