في عيونك أبديّ قصيدي

بارت 2

اجتمعو على الفطور
بالمجلس :
الجد: لا اشوف احد فيكم عند سفر وانا حذرتكم
صقر: الى متى على ذا الحال يبوي !
سالم: يايبه جاك سفر كان يبي الصلح
مشعل: وانت عارف ان الطعنه صارت لجدي رحمة الله عليه ولعساف
سهيل الي وده يتكلم ان ابو سفر مات ظلم
نياف بهمس :سهيل انتبه تسوي شي وتلعب بالدنيا
سهيل:الصلح بيجي وانا رجال وقدها وتعرفني
نياف: م قلت شي بس لا تدمرنا
سعود: اي يجددي خلاص الى متى
عبدالله: الحق معنا بس قدهم ماتو
الجد: مافيه واحد منكم رجال ياقليلن الحيله تراددوني انا عبدالرحمن م به صوت يعلى على صوتي
مشعل؛ ماهوب كذا بس الي تشوفه
سهيل خرج عن صمته؛ سفر ماسوا شي غلط
الجد : تبيني اذبحك حي انت
نياف سحب سهيل : سهيل خلاص
سهيل: لا مو خلاص ذا الحقيقه
سالم : اقطع يولد اقطع
سهيل: لكم الحشيمه بس ذا الصدق
الجد: وش الي مخليك تدافع عن سفر تسذا وتقوى على جدك يالوغد
سهيل تذكر شي: ماهوب بقوه انا مع الحق
الجد: الحق يوم جدك مغدور من عساف ؟
سهيل: وعساف مات مظلوم
الجد: اطلع برا ي سهيل انا بري منك
سهيل تلعثم
سالم: لا يبوي الا ضناي
سهيل؛ بجيب لك الدليل ياجدي وبتشوف الحقيقه
الجد:اطلع اقولك رح لسفر يضفك ويعزك
سهيل: يجد متى تستوعب ان الي صار بجدي محمد مهوب من عساف
الجد: حقي واخذه يلا عطني مقفاك
سهيل: تذكر كلامي يوم انا ماشي
طلع سهيل من البيت وبه حرقة بقلبه من الي يصير ولا هو قادر يفكر بشي ويفتك من تسلط جده عليه بذات لانه هو الوحيد الي يتكلم عن الحق
توجه سهيل للبر عند النيّاق وبيده شاهي وماخذته هواجيسه الي تشيب العين
سهيل بينه وبين نفسه: وقسم برب الكعبه آنها ملاك خلاص ياسهيل عاديه لو يدري عنك راكان ولا سفر يشربون من دمك اصلح بينهم وأنساها

هيام طلعت بفجعه على صوت صراخ وبالغلط صقعت بسعود
هيام: معلييش والله م انتبهت
سعود: عادي حصل خير
هيام: وش السالفه ليه يصارخون تسذا ؟
سعود: اول شي انتي هيام؟ ولا
هيام بضحك : للحين تذكرني ياسعود
سعود: حتى انتي تذكريني خبري فيتس يومنس وغد
هيام: كبرنا عاد بس علمني وش السالفه
سرح بجمالها سعود وتذكر طفولته مع هيام
هيام:شفيك يلا قول ولا بروح قبل احد يجي يشوفني معك
سعود: لا معليتس وبدا يسرد لها القصه
هيام بضحك: انت مع جدي ولا مع سفر
سعود: انا مع نفسي
هيام: جوي الهوشات بس ماودي اشوف حالهم كذا
سعود :جدي الصدق تمادى على سفر
هيام :الله يصلحه ويعافيه يلا انا بروح تبي شي
سعود : لا يعافيتس
سعود: الي اتجهه للحوش وجلس يفكر كيف هيام كبرت كذا وتغيرت وصارت تتغطى عنه وعوره قلبه ان معد بيشوفها قريب بيروحون لديرتهم الشرقيه

"المغرب "
نجد:ملاذ
ملاذ : ها
نجد: شرايتس ناخذ غزل ونروح الاسطبل؟
ملاذ: صاحيه انتي!!
نجد:وش فيتس مو عشان متهاوشين جدي وابوها نخليها بعدين البنت وش زينها والاسطبل به نياف وسهيل وعبدالله ماحنا لحالنا واذا صار شي هم موجودين
ملاذ: صح بس كيف نناديها؟
نجد: شفت نياف طالع بروح له يحط ورقة عند بيت سفر وبكلم غزل تأخذ الورقه من السطح مابتسمع باشر له ان افتحي الباب وبتحصلها
ملاذ: يلا طيببب قبل نياف يروح
نجد: طلعت ورقة وكتبت"‎غزل تعالي بالاسطبل الي وراء "
ملاذ: روحي وديه له وتعالي نلبسس
نجد : يلا دقايق
طلعت نجد مع الحوش الخلفي ونياف عاده بيمشي
نجد بهمس: نياف نياف
نياف: مين يناديني
نجد: هنا هنا انا نجد
نياف: اي وشتبين؟
نجد: بعطيك ورقة ودها عند باب سفر وروح
نياف باستغراب:وليه ان شاء الله ماتعرفين وش صاير؟
نجد:ياخي اعرف بس انت حط الورقه عشان غزل
نياف: وشبها الورقه واروح
نجد: ياغثك مو شغلك بتحطها ولا
نياف بضححك: خلاص بس م علي من مصيبتس اذا صار شي بقول ترا نجد
نجد: مو صاير بس رح
"عند غزل"