في عيونك أبديّ قصيدي

بارت20

وللاسف غزل كانت مع الشباك وتشوف كل شي
دخلت ولا حبت انها تضيق على الجازي بدت تلبس وتسوي مكياج كتغيير لجوها دموعها خانتها وكانت تغني:
لاحياة عقب محبوبي رأيت
والممات ولا فرقا السنا
هو سنا شمسي وغيره ماهقييت
يفرح بوصلي ولو موته دنى "
دخلت الجازي وهي تسمع صوتها العذب مع لحون الاغنيه وم كانت تلوم غزل على فعلها الا وانها تشوفه أمانها 
الجازي: ونرجع لاول كلمة ياغزل:"عشت باحلام الهوى" فهمتي؟
غزل:م يهمني بسلامته جدي وين؟
الجازي:طالع
غزل:محتاجه ابوي كثير
الجازي:تعرفين ان ابوتس مع بعد وفاة امتس وهو يحب البر والعزله والوحده
غزل:بس انا محتاجته
الجازي:خليه فترة ويرجع من صدمته
غزل:زين
وكان سهيل واقف معه قلم ويفكر يعترف لغزل بورقه دخل يدور ورقه حصل ورقه وبدا يكتب بها ب شعره:
يارذاذ من ماطر الغيم هّل كلمة احبك في خفوقي عميقة اخاف لمن قلتها لك تحسين اني اتسلى بالمحبه ".
توجه سهيل وراء الباب الخلفي وبدا يرمي بالحجر على شباك غزل
غزل:مابي اشوفه
الجازي:شوفي وش عنده
طلعت غزل مع الشباك واضح انها معصبه
سهيل جلس يضحك واشر بيده بكلمتس
غزل اشرت ب لا
سهيل استغرب منها ورمى الورقه واشر عليها وسوا نفسه دخل البيت
غزل:رمى ورقه
الجازي:شوفي وش بها
طلعت غزل مع الباب واخذت الورقه وبتقفل الباب
الا دفة الباب طلع سهيل من وراء :قفطتس
نجلاء:منهو الي دف الباب
الجازي:انا انا
غزل:ياسهيل سخيف والله قلبي طاح ببطني
سهيل بضحك:وش بتس ؟
غزل:مو شغلك
سهيل:زعلانه
غزل:كويس عارف
سهيل:اول شي انشدي ولد خالس الي غدى بي بديار ماعرف احد بها وبعدين م اختفيت كذا
غزل:زيددددد!!!
سهيل:اي
غزل:وش سوا بك
سهيل:سالفه انتهت
غزل:رجلك ليه كذا؟
سهيل:م يهم
غزل:توقعت انك تخليت عني
سهيل :هههههه ماسويها
غزل:حسيت
ناظر سهيل بها :لا تحسين يامّسراي انا والليل ولا لي سماء الا سماك
غزل: وبكره بتخليني وحيده
سهيل: بالله ووالله وتالله م تخليت عنتس الا بقبري وانا واجهت الكل عشانتس تظنين اني بسوي كذا اخسى والله
غزل:ههههههه اختبرك بس
سهيل:قفلي الباب بسرعه وادخلي
غزل:ليه
سهيل:عندنا ضيوف واخاف احد يشوفني معتس ويوصلون لجدتس الكلام ويضرتس
غزل:زين
دخلت غزل وقرت الورقه وصرخت من فرحتها
الجازي:بسم الله شصاير
نجلاء:شفيتس!
غزل:مافيني شي
نجلاء:اجل وليه تصرخين
غزل:تذكرت شي
نجلاء:قومن غسلن الحوش هالغبر بس
الجازي:سمي
غزل الي بدت تمسح الحوش كله وهي مستانسه واول مره تنظف بشغف
الجازي:هههههه الله يستر منتس
غزل طشرت الماء على الجازي
الجازي:غزللللللل
غزل:هههههههه امزح معتس
الجازي:سامحتس خلاص
غدرت بها الجازي ولفت من وراء وغرقتها ماء
غزل:حسيبتس الله
نجلاء:الموييياااا يابنت
الجازي:هههههههه ياويييلنااا
••..ببيت عبدالرحمن تحديدًا مجلس الحريم ..••
نياف :يمه تعالي ابيتس
جوهره:به مصيبه جديده
نياف:هههههه لا يمه
جوهره: اجل
نياف:خطبت نجد وترا جدي قال بعد اسبوعين مع سعود
جوهره وهي تمثل الزعل:وانا اخر من يعلم!
نياف:اسف يمه شفتس مشغوله والله
جوهره:هههههههه مبرووك ياولدي عقبال مافرح فيكم كلكم
نياف:امين ياالغاللييه
بدت جوهره تزغرط باعلى صوتها
الجده:وشفيتس
ام وافي:عندكم عرس انتم؟
ريوف :هههههههه الله يسعدتس ياخاله
ام وافي:اجل
ميهاف:نبي الخبر خاله جوهره عطينا
ملاذ:مافيني اتحمل الفضول زياده
جوهره:ابشركم ان نياف خطب نجد
نجد وهي تمثل انها مصدومه:متى هذا !
غنى بقرصه:سوي نفستس ماتدرين
النايفه:مبروووووك يامي
الجده:كلمتو مطلق؟
جوهره:والله مدري بس جاني نياف يقول انه خطب
والعرس بعد اسبوعين
نجد:اسبوعين ياهيام!!
هيام:تكفون وشو اسبوعين
هنوف:من بكره ناموا بالسوق
نجد: بلشه
ريما: مع بعض بعد
حصه:جعللله مبرووك والله هذي الاخبار الزينه
الجادل :اي والله
الجده:مبروك يانجد
ام وافي الي مو فاهمه شي للحين:مبروك عرسكم
نجد:الله يبارك فيكم كلكم
غنى:الله يسعدتس ياخاله ساره قد م ضحكتت
ام وافي:دام الضحكه منتس ماقول الا داييم
ريوف:جده دلعيني
الجده:امتس عندتس
حصه:بزر انتي
ريوف:لا
حصه:اجل اص
عند نجد وهيام الي يتهامسون
هيام:خايفه
نجد:تراني معتس
هيام:عالاقل انتي راضيه عن نياف
نجد:وبترضين على سعود هيام لا تضيعين اوقات عمرتس تفكرين كذا ذا شي ماراح يصير الا مره استانسي وتوكلي على الله
هيام: بحاول
نجد:وشو تحاولين انا اتكلم صدق
هيام:خلاص طيب مبرووك
نجد:الله يبارك فيتس
•...رجع المجلس ...•
الجد بشك :وين كنت
سهيل:مع نياف ابشر امي ولا؟
نياف:اي كان معي
الجد:زين اجلس ولا تطلع
سهيل:ابشر
بارك سهيل لنياف واتجه له وضمه
سهيل:مبروووك يا اخوك
نياف:الله يبارك بك عقبالك يارب
سهيل:اخ يارب
متعب:لا تزعل
سهيل:مانيب بزعلان
وافي:مثل م قلت لك
سهيل:ابد على خشمي
منيف:سهيل اضحك ياخي
سهيل:مهرج عندك انا
سعود:هههههه حلوه والله حلوه
سهيل:انت تضحك ولا كان عرسك بعد اسبوعين
سعود:وش اسوي تبيني ابكي
سلطان:ترا بيتزوج مهوب بميت
سهيل:المفروض يتوتر
نياف:هذا يتوتر؟
سعود:ليه ان شاء الله وشفيني؟
نياف:ابد والله
والكل كان مبسوط بهاليوم
•....اتجه سهيل لامه يسلم عليها....•