သခင်ဟာ လူ့ပြည်ကနတ်သမီးများလား။
သခင့်ခေါင်းမှာပန်းလေးပန်ထားရင်ပိုလှနေမှာ။ ချက်ချင်းပဲ အနီးအနားရှိ နှင်းဆီအနီရောင်လေးတစ်ပွင့်ဆီအကြည့်ရောက်သွားခဲ့၏။
သခင့်ကိုပေးရင်ကောင်းမလား။သခင်ကရောယူပါ့မလား။ တော်ကြာ နင်းချေပစ်လိုက်ရင်ရော။
"မေးနေတယ်လေ"
"ဟင်..ဟင် သခင်"
ဟုတ်ပါရဲ့ ။သခင်မေးနေတာကိုမဖြေမိဘဲ သခင့်အလှမှာနစ်မြောနေမိတာပဲ။ခဏအတွင်းမှာအတွေးတွေနယ်ချဲ့မိသွားတာ။
သခင်က စိတ်မရှည်ဟန်နဲ့ကျစ်တစ်ချက်သပ်လိုက်သည်။
"သခင့်အပင်ေလးတွေရေးလောင်းပေးနေတာပါ"
သခင့်နှုတ်ခမ်းလေး အနည်းငယ်တော့ပြုံးသွားတယ်လို့ထင်ရ၏။သခင့်အမူအရာကိုလိုက်ကြည့်နေတာမို့သာ မြင်လိုက်ရခြင်းဖြစ်ပြီး မဆိုသလောက်လေးသာဖြစ်သည်။
အို...သခင်ကအလှတွေပြင်ထားတာပဲ။သခင့်နှုတ်ခမ်းမှာနှုတ်ခမ်းနီမဆိုသလောက်လေးဆိုးထားသည်။ မျက်နှာမှာလည်းမိတ်ကပ်သားလေးတက်နေသည်။
"ရပြီ ပြန်တော့ တို့ဘာသာလောင်းမယ်"
"သခင်ရေတွေရွှဲကုန်မှာပေါ့...သိပ်မကျန်တော့ပါဘူး ကျွန်မပဲလောင်းလိုက်မယ်"
သခင့်ခြေထောက်လှလှလေးရွံ့တွေမပေစေလိုပါ။သခင့်အလှကိုဘာကြောင့်နဲ့မှမညစ်နွမ်းစေချင်ပါ။
"မင်းကမပြန်သေးဘူးလား"
"ဟင်"
သခင်မေးတာက အခုသခင့်အိမ်ကနေလား၊ဖေဖေ့အိမ်ကနေဟိုအိမ်ကိုလားဆိုတာ အသဲကွဲဖြစ်နေ၏။
"ဟိုအိမ်ကိုမပြန်သေးဘူးလား မေးတာ"
သခင့်စကားကမနူးညံ့ပေမဲ့ အသံကတော့ညင်သာနေသည်။
"ဒီနေ့ပြန်မှာပါ"
သခင်ဘက်ကစကားလာပြောနေတာနဲ့ကိုကျေနပ်နေမိသည်။သခင်ကဘယ်လိုစိတ်ကူးပေါက်ပြီးလာပြောနေရတာပါလိမ့်။သခင့်ကြောင့် ရင်ထဲမှာလိပ်ပြာပေါင်းသောင်းခြောက်ထောင်လောက်ကူးခတ်နေတော့၏။ထိုလိပ်ပြာေတွပေါက်ကွဲထွက်လာမှာတောင်ကြောက်ရသည်။
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...
အပိုင်း(၂၆)
Start from the beginning