في جحيمهم عالقة

بارت (23)

_كومي لبيت خالتج ما تبقين هنا بعد

_خير ماما شصاير

_تشتغلين من وراية وانتي بفترة العدة مو عيب شتكول علينا الناس وهاي تساعدج بدل ما تردج

_شيكولون خل يكولون ما اشتغل بالملاهي ولا مديت ايدي حسرة عليه الفلس ماعندي وانتي ما ادزين وبركبتي خمس جهال بس هامتج العزة انتي ما فكرتي منين اصرف منين اجيب حفاظات وحليب منين اجيب اكل ملابس كلشي منين اجيب شتريدين يعني اخليها هي تصرف علية هي منيلها وهاي جاية تحجين عليها بدل ما تشكريها خلتنا ببيتها وبلاش حجاية منها وحجاية مني جان كبت العيطة ضربتني راشدي ضليت صافنة اجتي لولو تفاكك بيناتنة جان تضربها براشدي اني فقدت هنا اخذت عباتي وركضت بالشارع حتئ بدون ما اعرف شداسوي بس اريد اخلص منها اريد اخلص من الناس حتئ بدون نعال اركض مبايلي بيدي خابرت صديقة امي القديمة هنا بيتها بس خابرتها ردت

_ هلا يمة ريم خيرج

_رديت عليها واني ابجي خالة تعبانة الدنيا كلها جارت علية خالة حموت

_ريم وين انتي اخذي تكسي وتعاليلي ركض واني ادفع فلوس التكسي

_صدك اخذت تكسي ورحتلها لبيتها الطريق كلش بعيد وببغداد هم واني بالشمال اهواي طولت الا وصلت اول ما دكيت الباب فتحتة وهي تباوعلي بقلق حضنتها وكمت ابجي خالة تعبانة والله فلس احمر ما عندي ادير بالي علئ خمس جهال وطلعت اشتغل فوك ما تجي تصبرني ضلت تحجي عليه وضربتني تعبت كلش تعبت حضنتني وتبجي وياي وتطبطب علئ ضهري

_اصبري يمة اصبري اريد ينزل عليج من صبر زينب عليها السلام

_ضليت ابجي واني بحضنها مبايلي انهجم هجم وما رديت غفيت بحضنها كامت غطتني وضليت نايمو لثاني يوم ليما كعدت لكيت ابن خالي دازلي مسج

_ريم امج بالمستشفئ ضغطها مرتفع وفاقدة تعاي بسرعة

_رديت عليه كتلة اوكي تشكرت من خالتي واخذت تكسي ورحت لبيت خالتي ما رحت للمستشفئ لان ادري يطلعوها وصلت الهم دخلت وسلمت لكيت امي معلكيلها مغذي ونايمة كعدت يمها كلتلها الحمدلله علئ السلامة هي بدت تبجي وتنوح

_وج ليش يمة هيجي والله من حركة كلبي رديت عليج فوك ضيم الدنيا عليج النوب اني الله ينتقم مني اعذريني يمة

_ما اهتزت شعرة مني كلتلها هاي هي وليهمج

_فترة واخذج ونروح لهناك

_هاي هي ماشي. ضليت يم خالتي ورة يومين اتصل بية الخايس وكال

_باعي طلعت للشمال ادور شغل جهالي ميبقون مشتتين روحي لبيت اخوي اكعدي يمة وخلي جهالي هناك

_سديتة منة مابية حيل اجادل مدري شعجب حس ونزل عليه الاحساس فجاة صار الوقت يصرفون علئ جهالهم مو بس جهالي هم صدك اخذتهم ورحت كم يوم يم بيت حماي يومية خالتي تجي تشوفني خاف محتاجة شي خاف اريد شي مر شهر واني يمهم تحولت خدامة الة ولمرتة بس احس فقدت الشغف بالحياة مر شهر وسوو لعبة خايسة بينهم اجتي غادة بنت خالتي عشتو كالت