ကျူရှင်ဆင်းတာနှင့် အိမ်ကိုတန်းမပြန်ဘဲ ယံယံ့အိမ်ကို အရင်ဝင်တော့ အန်တီသီတာနှင့် အရင်တွေ့သည်။
" အန်တီ ယံယံ ရော "
" ကျောင်းကပြန်လာကတည်းက သူ့အခန်းထဲဝင်သွားတယ် သားဉာဏ်... သွားကြည့်လိုက်ပါလား.... ခုနက အန်တီ သွားကြည့်တုန်းကတော့ အိပ်ပျော်နေတယ် "
ဉာဏ် အခန်းထဲဝင်သွားတော့ ယံယံက အိပ်ပျော်နေသည်။ ဉာဏ်လည်း အိပ်ရာပေါ်မှာ ဘေးတစောင်း ဝင်ထိုင်ပြီး အိပ်ပျော်နေသူကို ခဏလောက်ထိုင်ကြည့်နေပြီးမှ နဖူးကို လက်ဖြင့်အသာစမ်းကြည့်မိ၏။ နည်းနည်းငွေ့နေပေမဲ့ တအားကြီးတော့ အဖျားမရှိလောက်ပါဘူးဟု ယူဆရသည်။
" နေမကောင်းရင်လဲ ငါ့ကိုပြောတာမဟုတ်ဘူး ...
ဘာလို့ သော်ဇင့်ကို ပြန်လိုက်ပို့ခိုင်းရတာလဲ "
မျက်နှာပေါ် ဝဲကျနေသည့် ယံယံ့ဆံပင်လေးများကို သပ်တင်ပေးပြီး ခြေသံဖွဖွဖြင့် အခန်းထဲကပြန်ထွက်လာခဲ့၏ ။
ည ခုနစ်နာရီခွဲလောက်မှ ယံယံ့ဆီကို အခြေအနေ အကျိုးအကြောင်း လှမ်းမေးဖို့ ဖုန်းခေါ်ကြည့်ရာ ယံယံက သူ့ဖုန်းကိုမကိုင်သဖြင့် message ပို့ထားလိုက်သည်။
7:30 pm
" ယံယံ သက်သာလား ... ဗိုက်အောင့်လို့ဆို....ငါ ကျူရှင်ပြန်တော့ ဝင်ခဲ့သေးတယ်...မင်းအိပ်ပျော်နေလို့ မနှိုးတာ... ငါ့ကို ဖုန်းပြန်ခေါ်ဦး "
နာရီဝက်ကြာတဲ့အထိ ယံယံ့ဆီက စာပြန်မလာပေ။ သူတို့အရင်က အပြန်အလှန်ပို့ထားသော message များကို ပြန်ဖတ်ပြီး ဉာဏ် နောက်ထပ် တစ်စောင်ပြီးတစ်စောင် ပို့နေမိသည်။
8:00 pm
" အစောကြီးအိပ်သွားပြီလား .... ဆေးရော သောက်ရဲ့လား ပိုင်ဇေယံ "
8:15 pm
" နေမကောင်းရင် စောစောအိပ်နော်.... ငါ မနက်ကျ ကျောင်းသွားရင်း စောလာခဲ့မယ် "
8:40 pm
" မနက်စာ ဘာမုန့်စားချင်လဲ ပြောထားဦး.... ငါ ဝယ်ခဲ့မယ်နော် "
9:00 pm
" ဒီတစ်ပတ် တနင်္ဂနွေနေ့ကျ ရုပ်ရှင်သွားကြည့်ရအောင် ယံယံ .... Superman ဇာတ်ကားအသစ် ရုံတင်မှာ... ငါလက်မှတ်ဝယ်ထားမယ် "
9:20 pm
" ငါတစ်ယောက်တည်း ပျင်းလိုက်တာကွာ ... မင်းက ဘာမှပြန်မပြောတော့ ခြောက်ကပ်ကပ်ကြီး ... မင်း ကျောင်းပိတ်ရက် ထားဝယ် ပြန်သွားသလိုမျိုးပဲ ....ငါ မင်းကို လွမ်းတောင်လာပြီ "
VOUS LISEZ
My Youth Was Yours ( Completed )
Fiction généraleဉာဏ်လင်းထင် × ပိုင်ဇေယံ သူငယ်ချင်းမဖြစ်ချင်ဘူးဆိုရာကနေ သူငယ်ချင်းဖြစ်သွားကြတဲ့ကောင်လေးနှစ်ယောက်ရဲ့ ဇာတ်လမ်းလေးတစ်ပုဒ် ^^
7. Jealousy is slowly killing me
Depuis le début
